الموضوع: تجربة زيت شل 5000

السلام عليكم اولا

ثانيا بعد استخدام زيب موبيل في العربيه اللي قارفنا بيه و حاطين صاجه بتوصي باستخدامه في الموتور و علي الزجاج الخلفي محسسني انه مافيش بعد كده زيت بيقول ماما و بابا يعني

و طبعا كلنا مشينا ورا التعليمات بحزافرها و حطينه و احنا كده في البيييييييييييس و التوكيل هو اللي قال

انا بحط زيت موبيل اللي هو ال XHP

العربيه كانت علي ار بي ام عالي بعد 3 تحس ان الموتور بينحر في بعضه عادي قولت يمكن الزيت عايز يتغير غيرته علي 3 الاف و بردوا نفس التجعيره موجوده
قولت في عقلي ايه ده هو الموتور ابتدي يتعب ولا ايه كنت عامل ايامها 110 الف و بعدين ابتديت اخد فكره زي الزفت عن العربيه دانا حتي كنت سألت احمد مصطفي علي موضوع الكتينه عايز اكشف عليها لان كان زمان الكتينه دي علي بلف شداد جلد كده (علشان الجنزير يقعد عليها و يمشي مايحكش في حديد علشان يدي الموتور صوت ناعم) البلف ده لما الجلده بتاعته بتبتدي تتاكل الكتينه صوتها بيخشن فصوت المكنه بيخشن بردوا (في عربيه مازدا 929 خليجي JLX) لو حد عارفها
ماوصلتش لحل فيها و قولت هاسيبها شويه كده لحد اما اشوف اخرتها ايه
ابتديت طبعا سواقتي تهدي (مش قوي) علي العربيه لاعتقادي ان في حاجه غلط بس فين ماعرفش
ابتديت اراقب حالات التجعيره دي امتي و ظروف الجو ايه و مشغل تكييف ولا لأ و كام واحد راكب في العربيه و مستوي التنك اد ايه و العجل مظبوط ولا لأ كده يعني شوية حاجات علشان اقدر احدد المشكله فين بالظبط

وجدت الاتي :

- العربيه صوتها عالي في ظروف الجو الحاره جدا

- مش فارق العربيه محمل فيها ناس ولا لأ و مش فارق في تكييف ولا لأ (كده المكنه بصحتها مش ضعيفه)
مالتجعيره دي بتحسها لما تكون المكنه مش قادره تجري كده يبقي المكنه فعلا ابتديت تفيص

- تعمدت اني افضي تانك البنزين و اجري بالعربيه و اسحب بيها لاقيت انها كويسه في السحب وانا راكب لوحدي بس كانت بتصادف انها بليل فبردوا ماحسمتش الموضوع بين الوزن و بين الجو
بس التجعيره بردوا زي ماهيا

- و لما روحت التوكيل غيروا فلتر هوا و كشفوا علي البوجيهات .... تمام

- ف مره كان التانك النص تقريبا و بليل (شوف الصدف) كان صوتها كويس و ناعم كده شيلنا موضوع الوزن خاالص

- في الاخر توصلت ان العربيه صوتها بليل و الجو معتدل مختلف عن الصبح تماما
كأنك الصبح راكب عربيه و بليل راكب عربيه تانيه من نعومه صوت الموتور

-قولت يمكن الانجكشن عايز يتنظف سألت بردوا بس كنت عايز حد يفك و ينظف الرشاشات بالالترا سونيك و كده مش جو الناس المحترمين دول و يقولك اسبراي و بيعمل و بيسوي لأ المهم لاقيت بس قولت هاسيبها شويه بردوا مش وقتها و كده كده حاتتعمل لان العربيه تحسها مكتومه حبتين كده بس مالهاش دعوه بالتجعيره اللي انا عايز اعرف سببها ايه بردوا

- نسيت اقولكوا الزيت الصبح او في ظروف الجو الحاره جدا لو طفيت العربيه و هيا مولعه كده و رفعت مقاس الزيت هتلاقي الزيت بينقط من المقاس غير بليل و المكنه مش سخنه اوي و درجه الجو معقوله مع المشي العادي هتلاقي الزيت متماسك شويه
يعني الصبح ماتلحقش ترفع المقاس و تبص علي مستوي الزيت من غير مانقطه تقع علي الردياتير او علي منوفل الشكمان علي عكس بليل هاتقدر ترفع المقاس لحد مستوي نظرك و تكشف عليه من غير مانقطه تقع منه و لو وقعت هاتقع علي الشبكه من بره

-------> كل الحاجات دي ابتديت اتوجهه ناحيه ان المشكله في الزييييييييييييت الزفت ده

نزلت ادور علي زيت كاسترول ده لفيت عليه و في الاخر مالقتوش او مالقتش اللي هو ال 5000 الاف (الايدج)

قولت احط شل بقي و لما الاقيه ابقي اغيره لاني ايقنت ان المشكله في الزيت و اخدت قرار مش هاحط مويبل تاني حتي لو ببلاش

النتيجه كانت مذهله بقي مش قادر اقولكوا يعني
فرق السما من العمي و اتأكدلي الكلام ده انهارده وانا راجع من كازينو قصر النيل الساعه 4 الضهر و كان في مصيبه في البيت بعيد عن السمعين يعني فكان لازم اجري بالعربيه جري هيستيري و مشغل التكييف و معايا امي كمان و طافي الكاسيت (بجري علشان سبب مش جري و خلاص)

كنت بنقل علي ار بي ام 5 و 5 و نص وانا مش واخد بالي من كتر نعوميه صوت المكنه ماشاء الله رجع موتور نيسان الي عافيته مره اخري

انهارده وانا راجع بليل من القهوه بقي قولت اخد التقرير النهائي علشان اطلع اعمل الموضوع

العربيه لحد 4 صوتها عااااااااااادي جدا مش مشغل الكاسيت بردوا

الاول ار بي ام علي 4 وانا مشغل الكاسيت صوت المكنه كان واااااااااااضح وانا ببقي مضايق من الصوت

و اسف علي الاطاله بس كان لازم يبقي بالتفصيل كده علشان التجربه تبقي مفيده و اللي يقري يبقي مقتنع لو هياخد قرار انه يغير لزيت تاني و بلاش النيله ده اللي اسمه موبيل XHP