حد موثوق فية بيعمل شافت سيل بتاعت كومبريسور ساندن

**heshamzaky** · 19-06-2012 10:28 PM

المشاركة الأصلية كتبت بواسطة kaza

الشافت سيل هو الاويل سيل الموجود عند بكرة (طمبوره )الكومبرسور اللي بيركب عليها السير وبينشف مع كتر الاستخدام وانا بوظت الكومبرسور عندي لاني رشيت السير ب wd-40لما كان السير ناشف وبيتزحلق علي البكرة وفتيت وبوظت الكومبرسيور ودلوقت باتسلق في الحر وبطلت افتي واسترخص تاني بس ربنل يسهل والاقي حل لاني سالت في توكيل ساندن واكتشفت ان تغيير الكومبرسور بالشحن هيكلفني 2000 جنية والقصة كلها سيل او طقم اصلاح ثمنة في انجلترا 6,75 استرليني ومش عارف اجيبه ازاي وربنا يسهل لعبيده:10d5c8w1107:

+++++++++++111111111111111
اية دة يا باشا الكومبريسور كدة غالى شويتين

المنبع للكومبريسور من المستورد محل فى شارع جسر السويس على فكرة
و اسعارة من 800 الى 1350 جنية تقريبا

**heshamzaky** · 19-06-2012 10:32 PM

دة كباس ساندن يا باشا و دة شكل الشفط و ازاى يتكشف علية علشان نعرف لو كان بيسرب و لا لآ

بينضغط هواء و بيتعلق علية الجتش و يتحط علية مية و نشوف لو الجتش نزل او فية بقاليل مية

**heshamzaky** · 19-06-2012 10:36 PM

و دة شكل الكباس بأختلاف القواعد بتاعتة فقط
======================

**kaza** · 19-06-2012 10:40 PM

المشاركة الأصلية كتبت بواسطة mrghost

معلش ربنا يعوض عليك
انت ممكن تجيبه استيراد بحوالي 500 جنيه

ماهيا مشكلة الاستيراد برضة ان ممكن تلاقي الكومبرسور السيل بتاعه برضة ناشف وبيبوظ والمشكلة انة مش بيبان الاا بعد الشحن والاستخدام المتواصل يعني علي طريق سفر او في الزحمة وسط البلد وتروح تحاول ترجعه ..راحت عليك فلوسك ياصابر
بالتاكيد التوكيل اضمن وبيديك ضمان 6شهور علي الكومبرسور بس حراقيين دة غير المشوار للمعادي الله معك في المرواح والمجي غير اللطعة هناك وشغل بيقي زي الخراطيم دي ناشفة وعايزة تتغير ..لا الفلتر دة بايظهنغيرة.لالالالاالاكبا� �شن فالف بايظ ومحتاج يتغير ولاولا اشتغلات للدجي ومالهاش نهاية والقصة كلها كومبرسور..ياراجل داانا اخر ماغلبت جبت عدة شحن وطلمبة فاكيوم وعدادات وانبوبة 13 كجم وترمومتر وكان ناقص اجيب ماكينة شحن نيتروجين واعمل ورشة فريون وقعدت اذاكر 5اشهر في قصة شحن التكييف والواحد مش عارف اشتغلنا ميكانيكية وكهربائية وبتوع دوكو وخراطين وكمان شحن فريون ..فاضل العجل ولحام الكاوتش وتبقي كملت لا والمصيبة لما تروح تصلح اي حلجة لازم يكلمك فرنكوا اراب علي اعتبار انك طويل الاذنين
والله الواحد استوي سواء من العربيات ولا السياسة وحال البلد ..اسف علي الاطالة

**kaza** · 19-06-2012 10:48 PM

المشاركة الأصلية كتبت بواسطة heshamzaky

دة كباس ساندن يا باشا و دة شكل الشفط و ازاى يتكشف علية علشان نعرف لو كان بيسرب و لا لآ

بينضغط هواء و بيتعلق علية الجتش و يتحط علية مية و نشوف لو الجتش نزل او فية بقاليل مية

والله العظيم انت اعجوبة ياهشام مش عارف اقولك اية ربنا يكرمك ويزيد ميزان حسناتك علي مجهودك الرائع دة
خلي بالك اني قريت في كتاب لهيينز عن التكييف ان شحن الدورة بالهواء المضغوط بيسرب رطوبة وشوائب للكومبرسور وبيتفاعل مع الفريون لتكوين صداء وان برة بيشحنوا نيتروجين لاختبار الدورة علي اساس ان النيتروجين لا يتفاعل مع الفريون بنوعيه 12و134
نيجي للمهم مين عندة كومبرسور ساندن زي اللي انت بعتت صورة في المشاركة التانية وليك الحلاوة

**ahmed1981** · 19-06-2012 11:06 PM

في واحد في جسر السويس عند سوق القنال اللي جنب مزلقان القطر
تدخل يمين قبل سوق القنال
في جامع تدخل يمينه
هتلاقي على يمينك بتاع تكييف سيارات
أنا مجربه كنت بشتري من عنده الأجزاء

**ahmed1981** · 19-06-2012 11:13 PM

ساندن بيستوردها أكثر من واحد

من أهمهم علام في شارع جسر السويس بعمارات الشرطة بجوار قسم عين شمس

أنا جبت من عنده أجزاء قبل كده وفي النهاية قاطعته

لكن هو بيستورد من ساندن وهذا بتأكيد من ساندن العالمية لي أنا شخصياً

لكن الكومبريسورات عنده معجبتنيش لسبب ما
وبقيت إكسسوارات التكييف كانت سيئة حسب رأيي

الأفضل منه ديافيا عند حمامات القبة في إمتداد جسر السويس برضه
بيبيعوا الكباس الساندن الأصلي ولكن غالي جداً

وأنا شخصياً جربت الكباس الصيني الديون تقليد الساندن وكان بنفس كفاءة الساند الأصلي من علام

والله أعلم

**heshamzaky** · 19-06-2012 11:28 PM

المشاركة الأصلية كتبت بواسطة kaza

والله العظيم انت اعجوبة ياهشام مش عارف اقولك اية ربنا يكرمك ويزيد ميزان حسناتك علي مجهودك الرائع دة
خلي بالك اني قريت في كتاب لهيينز عن التكييف ان شحن الدورة بالهواء المضغوط بيسرب رطوبة وشوائب للكومبرسور وبيتفاعل مع الفريون لتكوين صداء وان برة بيشحنوا نيتروجين لاختبار الدورة علي اساس ان النيتروجين لا يتفاعل مع الفريون بنوعيه 12و134
نيجي للمهم مين عندة كومبرسور ساندن زي اللي انت بعتت صورة في المشاركة التانية وليك الحلاوة

يا باشا العفو انت على طول كلامك عسل و انا مش اد الكلام دة ههههههههههه
دة تصويرى الشخصى على فكرة
و اعتقد الراجل بتاعى الى بنصلح فى رابطة التمبرا كلها عندة التكيف عندة الحاجات دى
حا ابعت لك رقم موبيلى و نتكلم براحتنا يا كبير

**michohat** · 19-06-2012 11:38 PM

انا لسه مكلم ديافيا وسئلته على النظام والاسعار
قال لي ان لعربيتي هيتكلف 3500 و ان التكييف كمبروسور ساندن سنغافوري و فتره التركيب 3 ايام؟؟؟!!!

**heshamzaky** · 20-06-2012 12:10 AM

المشاركة الأصلية كتبت بواسطة michohat

انا لسه مكلم ديافيا وسئلته على النظام والاسعار
قال لي ان لعربيتي هيتكلف 3500 و ان التكييف كمبروسور ساندن سنغافوري و فتره التركيب 3 ايام؟؟؟!!!

باشا الكباس الساندن السنغافورى ب 800 جنية و 850 جنية
صورتة الى فى الصورة السابقة فى نفس الموضوع
و اليابانى فية ب 950 و ب 1250 جنية
على حسب اذا كان السير بتاع التكيف عادة و لا سير مشرشر