الموضوع: مساعده في الفلتر الأسبور k&n ؟

السلام عليكم ورحمة الله وبركاته

استاذ ميدو شكرا علي رض حضرتك , طيب ممكن صور للفلتر الأبولو , ولو السيموتا كويس اداءه زي
k&n سعره كام وبيتباع فين ؟ و السيموتا اللي في اخر صوره ده بكام وبيتباع فين بالظبط ؟

المشاركة الأصلية كتبت بواسطة mangere90

السلام عليكم ورحمة الله وبركاته

استاذ ميدو شكرا علي رض حضرتك , طيب ممكن صور للفلتر الأبولو , ولو السيموتا كويس اداءه زي
k&n سعره كام وبيتباع فين ؟ و السيموتا اللي في اخر صوره ده بكام وبيتباع فين بالظبط ؟

تحت امرك

[sor2]http://www.autospectator.com/cars/files/images/KN-performance-intake-system-2007-Mini-Cooper-S.jpg[/sor2]

وحيبقى تقريبا بالشكل دة بعد التركيب كل اللى حتعملة انك حتشيل العلبة بتاعة الفلتر ودى سهلة مش صعبة لانها بكلبس وحتوصل الفلتر معلش ملقتش جين2 جبت اقرب صورة

[sor2]http://img696.imageshack.us/img696/5946/dsc04731x.jpg[/sor2]

ودة السيموتا دراجون وهوة زى ما حتشوف يعتبر تقليد اعمى :) للكى اند ان


معنديش فكرة الفرق بينهم قد اية لكن فرق الفلوس حوالى 250 جنية طبعا لصالح الكى واعتقد الاداء بردة عموما الفلترين دول تحديدا نصحونى بيهم اكتر من حد لو عايز اداء لان صوتهم مش عالى او بمعنى ادق مبيطلعوش صوت بس زى الباقيين
سعرهم كان من فترة الابولو وهوة بيجى بالظبط بالعلبة بكل المحتويات اللى فى الصورة وفى منة تلات الوان احمر وازرق واسود وبيتهيالى كان فى فضى بردة كان اخر سعر سالت علية كان ب 800 عموما الاسعار انا مش متاكد منها والسيموتا كان غالبا ب 650 ولو عايز تعرف موجودين فين فهما موجودين عند جو وعند CAR ACCESSORY و POWER ZONE ودول موجودين على الفيس بوك تقدر تدخل وتعرف ارقامهم وعناوينهم بالتفصيل
ملحوظة : اكيد موجودين عند ناس تانية بس انا قلت اللى اعرفهم بس
تحياتى ليك ومبروك مقدما

المشاركة الأصلية كتبت بواسطة yoko

مش شرط أنا عندي الoem replacment وفارق في الصوت والسحب طبعا أقل من الcone لكن بيحسن الأداء وميزته مع التوكيل فك وشيل بسهولة غير اليونيفرسال
مع إني ناوي على cone قريب
والkn أحسن من السيموتا بكتير
وفيه برده توكيو أوبشنز في شارع بغداد وأصلي وأرخص من tps

انا نصحتة لانى جبت replacement عندى k&n وكنت عامل موضوع عنة من فترة كبيرة اول ما جبت العربية ومحستش بفرق نهائى لا فى السحب ولا فى الصوت هوة كل ما هنالك انة عمرة الافتراضى اطول من العادى مش اكتر من كدة وبالتالى كنت جايبة ب 350 او 450 مش فاكر بالظبط علشان كدة قلتلة على تجربتى يمكن عندك انت الموضوع مختلف وعمل معاك اداء لكن انا بكلمة من واقع انة معاة نفس عربيتى وموتورى

المشاركة الأصلية كتبت بواسطة yoko

تمام وغالبا كلامك الأصح وهيمشي على معظم العربيات لإن أنا عربيتي مش مقياس عشان التربو
والoem replacement المفروض مالوش عمر إفتراضي وبيتنضف على حسب الإستهلاك انا بنضفة كل من ٥ ل١٠ الاف كم

بالظبط ملوش عمر افتراضى فعلا
وفى حالتك اعتقد انك لو ركبت ال cone فى مكان مظبوط بيتهيالى حتحس بطعم التربو اكتر كمان لانة حيفرق معاك فى الاداء (كمية الهوا الكبيرة اللى حتدخل ) وفى الصوت اللى مع صوت التربو حيبقى بسم الله ما شاء الله تحفة :)

السلام عليكم ورحمة الله وبركاته

انا متشكر اوي يا استاذ ميدو انا مش عارف اشكر حضرتك ازاي علي مجهودك معايا وسرعة الرد
حضرتك بجد انسان فوق الوصف واسف جدا علي تعبك معايا وفي نفس الوقت متشكر علي
المعلومات الهايله دي , لو الأبولو k&n بيعمل في حدود 800 جنيه معقول لاكن لو بيعمل 1500
جنيه كتير اوي ولو كان كده هشتري k&n العادي , بس بصراحه عاجبني اوي شكل الأبولو
وكمان بيجي كامل بكل حاجته دي حاجه جميله اوي فا فعلا لو عامل 800 ان شاء الله هشتريه