استفسار بخصوص توكيل المقطم

**keeko** · 11-06-2011 01:07 PM

السلام عليكم و رحمه الله و بركاته

انا ان شاء الله رايح بكره توكيل المقطم عشان اظبط كام حاجة في العربيه كده
فكنت عايز اعرف اروح التوكيل ازاي....عايز اعرف الطريق بالظبط
هما قالولي جنب القلعه بس فين بالظبط مش عارف
انا هاروح من ناحيه العباسيه كده
و هاخد صلاح سالم...عايز اعرف هامشي لحد فين عشان اعرف اوصل للتوكيل

ماعلش يا شباب انا من القاهره اه لكن في حته الشوارع دي مليش فيها خبره اوي ماعلش

و شكرا مقدما
و اي حد عايز اي حاجة من التوكيل يقول و انا تحت امره

**engahmedamin** · 11-06-2011 01:54 PM

Emtedad Ramses to Kobri Al Ebageah - Google Maps

دى خريطة جوجل
بتبينلك هتمشى ازاى لو انتا جاى من صلاح سالم ( منزل كوبرى اكتوبر تحديدا) لحد ما توصل عن التوكيل على الاوتوستراد

**keeko** · 11-06-2011 06:18 PM

الف شكر يا باشا علي ردك و تعبك
جزاك الله خيرا
بس للأسف مكان التوكيل نفسه مش واضح....مش عارف هو فين بالظبط
ياريت لو في امكانيه يعني توضح اكتر هاروح لحد فين بالظبط و الف منين و كده يعني

شكرا يا باشا

**highrosetta** · 12-06-2011 01:25 AM

[justify]أنا أدلك على الطريق ... أنت قادم من ناحية العباسية فى صلاح سالم استمر فى السير وعدى حديقة الأزهر حتى تجد على يمينك القلعة وأمامها مدخل المقطم على يسارك لن تستطيع الدخول يسارا لأنه ممنوع وعليك ان تواصل المسير و تلف من تحت كوبرى السيدة عائشة لتعود إلى مدخل المقطم ستجد كوبرى صغير أعلى طريق الأوتوستراد عدى الكوبرى وبعده مباشرة لف يمين ستجد طريق قصير منحدر انزل فيه ببطىء فى نهايته اتجه يسارا تجد امامك مدخل مركز خدمة المقطم ... أتمنى أن تكون الوصفة سهلة وأكون أفدتك ... مع تحياتى لك ولجميع ملاك لوجان الجميلة .[/justify]

**دليل المقطم** · 24-02-2017 08:34 PM

لو جاى من كوبرى السيده عايشه امشى علطول لغايه ماهتلاقى دخله المقطم على يمينك
خش فيها وخليك ماااشى وادخل اول يمين بعد الوحده العسكرية
لو تهت خش على الموقع ده ..متخصص للمقطم دليل المقطم