الموضوع: ركبتلها الإنذار في التوكيل و من ساعتها ...!!!

المشاركة الأصلية كتبت بواسطة elshareef2005

أخي العزيز لو جربت عربيتك كويس وخلاص مفيهاش حاجه يبقي انسي موضوع الضمان ده خااااااااااااااالص لأنه كدبه كبيره.
صدقني انا بقولك الكلام ده وعن تجربه
انا معايا سيراتو 2008 وياما عانيت من التوكيل ومن فتره أبتديت اظبط كل حاجه بره.
يا راجل ده علشان تغير زيت وفلتر بس في التوكيل كانوا بيدفعوني 80 جنيه خدمه !!!! تخيل
واما ابتديت اغير بره جربت أغير الزيت والفلتر في توكيل بردج ستون .
تخيل غيرلي الزيت والفلتر وغسلي الموتور بماده زي اللي في التوكيل وبطن العربيه غسيل كويس وبعديها لاقيته بيقولي روح ورد 10 جنيه في الخزينه . والبقشيش ده طبعا زي ما تحب .
طيب حاجه تانيه .
فلتر الزيت في التوكيل بــ 35 جنيه
روح أشتريه بره بــ 20 جنيه وممكن أقل ولأختلاف الوحيد في العلبه بتاعته
بتاع التوكيل علبته كيا وبتاع بره علبته هيونداي لكن الفلتر اللي جوه هو هو مختوم عليه اللوجو بتاع كيا وهيونداي مع بعض لأن الفلتر واحد في الشركتين .
ده غير فلتر البنزين فيه فرق اكتر من 60 لــــ 50 جنيه و...و.....و.....
جرب كلامي لو مش مصدق.

كلام حضرت صح و أنا مقتنع بيه تماما ، كل المشكلة اني هعمل شغل كهربا و لعب في الصفيرة و خائف أن تحصل قفلة أو ما شابه و التوكيل يتلكك و يقولك بره الضمان و إبقى شربتها

المشاركة الأصلية كتبت بواسطة tamerosman

فى كهربائى شاطر جدا اسمه متولى فى عزبة سعد بيقف قدام سعيد نصار على الجنب التانى هو معهندهوش محل ( بيقف فى الشارع ) بس شاطر و لو عايز تلاقيه فاضى روحه الصبح بدرى

أنا روحتله النهاردة يا باشا و هو فعلا ممتااااااااااز, متشكر ليك جدا على النصيحة