استفسار عن الحلاقة فى الجيش وماكينات الحلاقة

**م/مصطفى محمود** · 15-06-2011 03:42 PM

يعني أية إكتفاء ذاتي ، لو إكتفاء ذاتي موارد فهو طول عمرة مظبط نفسة ، فعلا الجيش مبيغلبشي (هتلاقي مزارع ومهندسين كمبيوتر ودكاترة للعلاج وطباخين للأكل ونقاشين وميكانيكية وسواقين وكلة جيش فعلا مُعتمد على نفسة 100 %)

لكن تقصد إكتفاء ذاتي بشري يعني ؟؟ (إنهم مش هياخدوا حد تاني) ، فمش فاهم إزاي يعني ، بيصنعوا رجالة جوة ولا هيزرعوهم ولا أية ، وتلاقي مبني كده يدوسوا علية يطلعلهم رجالة معاهم سلاح بقى وكده :d :d :d :d :d

(بهزر معاك أوعى تزعل)

لأ طبعا مفيش حاجه أسمها كده ، فى حاجه أسمها دفعة بتستسلم ودفعة بتسلم ، فلازم علشان دفعة تخرج دفعة تانية تدخل ، وهكذا ، دي منظومة كاملة 4 دفعات فى السنة ولو دفعة وقعت المنظومة هتبوظ ، ده انا كنت بكشف تاني يوم التنحي ولا كأن فى حاجه بتحصل برة ، كلة شغال ومفيش مشاكل

بص من الآخر ، طالما دخلت دوامة الجيش هتسمع إشاعات للصبح ، فمتصدقشي حاجه غير اللى تسمعها فى التجنيد0

**Nistelrooy** · 15-06-2011 03:59 PM

المشاركة الأصلية كتبت بواسطة devilishtigers

انتم السابقون ونحن اللاحقون
اخر سنة ليا والمفروض ااقدم شهر 8 علشان انا مواليد شهر واحد
ممكن اسألك بس سؤال
حضرتك قولت ان مفيش ارجا بس هل كان في كشف طبي.؟ وهل بيكشفوا بذمة.؟؟؟؟؟
انا في حاجة اتقالتلي: واحد صاحبي كلمني امبارح وانا رايح الامتحان وقالي انه سمع ان الجيش اعلن الاكتفاء الذاتي بس ما لحقتش اسأله سمع منين او عرف منين علشان كنت مستعجل على الامتحان فهل حد سمع حاجة زي كدا.؟؟؟؟

ايوا كان فية كشف طبي .. بس طبعا اي كلام .. الارجا .. راحوا وقالوا لهم انتم ابناء القوات المسلحة .. واخدوهم كلهم :)

ماتصدقش اي حاجة لان مستحيل اي معلومة تكون صحيحة 100% .. الا لو اعلن الجيش كدا رسميا .. زي ما اعلن انهاردة عن قبول دفعة جديدة .. ( فين بقي حالة الاكتفاء )

الدفعة دي دفعتي :)

من هنا للتفاصيل ..

**KHALED AYMAN** · 15-06-2011 04:12 PM

متشكرين على المعلومات يا رجاله ..
اخويه رايح بردو الجيش و عنده كشف فى حلميه الزيتون ومترشح ظابط :(

**م/مصطفى محمود** · 15-06-2011 04:57 PM

المشاركة الأصلية كتبت بواسطة khaled ayman

متشكرين على المعلومات يا رجاله ..
اخويه رايح بردو الجيش و عنده كشف فى حلميه الزيتون ومترشح ظابط :(

ربنا معاه بإذن الله ، لسة مشوارة طويل

**devilishtigers** · 16-06-2011 05:59 PM

يا خسارة كان نفسي مش اخش او على الاقل يكون في كشف طبي بجد
وعلى العموم اللي ربنا كاتبه هنشوفه

**egyboy** · 17-06-2011 12:57 PM

كل دى ردود

جزاكم الله خيرا وشكرا ليكم كلكم

افدتمونى كثيرا

وان شاء الله هحضر كل الحاجات اللى قولتم عليها

م/مصطفى محمود

afterburner

mahmoudyoussif

heshamzaky

aymanmaly

وانا خريج تجارة انجليزى ومرشح ظابط احتياط

بالنسبة لحلمية الزيتون اروحها ازاى بقى من رمسيس

مترو ولا مواصلات ولما اكون فى الحلمية هل اسئل على معسكر ولا كلية ولا المكان بالظبط عبارة عن ايه ؟

يعنى عايز خريطة كده من ايديكم الحلوة دى

**م/مصطفى محمود** · 17-06-2011 05:26 PM

من رمسيس ممكن تركب ميكروباص مساكن عين شمس أو الألف مسكن أو الجراج وتقولة عايز أنزل التجنيد تحت الكوبري (هو التجنيد على جسر السويس ومشهور جدا )

**Mahmoudyoussif** · 17-06-2011 06:27 PM

لما تكون في الحلميه هتسال عن اداره التجنيد عموما اول ما هتوصل هتشوفها

و كمان المكان دا انا حافظه صم لان مكان خدمتي كان هيا الاداره نفسها :)

**egyboy** · 17-06-2011 08:30 PM

طيب بالنسبة للمترو

ايه اقرب حاجة علشان لمتور بيبقى اريح واحسن :)

**Omar.Shawki** · 17-06-2011 10:25 PM

بالنسبة للمترو هتنزل محطة حلمية الزيتون بس هتمشى حوالى 10 دقايق كده عشان توصل

واسأل لما تنزل على التجنيد الف مين يدلك هو على جسر السويس نفسه عند كوبرى التجنيد

وربنا معاك

الموضوع: استفسار عن الحلاقة فى الجيش وماكينات الحلاقة

LinkBack

أدوات الموضوع

عرض

-

-

-

-

-

-

المواضيع المتشابهه

استفسار بخصوص ماكينة الحلاقة بالكهرباء

ماكينات الحلاقة الكهربائية و استفسار ؟؟؟

الي خبراء مكن الحلاقة بالكهربا

أسعار ماكينات الحلاقة

الكلمات الدلالية لهذا الموضوع

المفضلات

المفضلات

ضوابط المشاركة