عرض للطباعة
السلام عليكم
مساء الخير على اعضاء المنتدى الكرام المميزين والمبدعين دوما
انا داخل الجيش قريب :16:
وحابب استسفر لو حد عنده خلفية عن ماكينات الحلاقة الكهرباء او غير الكهرباء حتى
المهم تكون مناسبة لحلاقة الجيش (الزيرووووو)
لانى بفكر فى براون كروزر 4
بس مش عارف هتكون مناسبة ولا ايه للموضوع ده
وكمان خصوصا انها غالية فخايف اروح بيها الجيش ارجع من غيرها فاهمينى طبعا :)
وانا اساسا دقنى بتكبر بسرعة وحلاقتها يومى هتبقى مشكلة
فاللى عنده تجربة مماثلة ياريت يقولى ايه النظام
وجزاكم الله خيرا
اقتباس:
المشاركة الأصلية كتبت بواسطة egyboy
السلام عليكم و رحمة الله و بركاته
دى وصفة سهلة خالص.
هات مكنة, moser ألمانى أو oster أميركانى .
أنا مش عارف هى بتيجى منين هنا فى مصر, بس كان اتعمل موضوع هنا فى المنتدى على الموضوع ده و كان الأخوة ألفاضل قالوا أنها فى حدود ال180 جنيه.
و عقبال مانباركلك لما تخلص الجيش على خير ان شاء الله.
مش هيرضوا يدخلوك مركز التدريب بأي ماكينة كهربا ، وأنت وحظك بقى بعد كده فى الوحدة بتاعتك
فأنصحك بأنك تفكر فى الأمواس أفضل وأرخص (علشان متتسرقشي )
أخوك برضوا فى الجيش دفعة 4 (صحيح أنتوا مكنشي في إرجاء ولا كان في ؟؟)
اقتباس:
المشاركة الأصلية كتبت بواسطة maserati
الله يخليك و يكرمك
بس الانواع دى مسمعتش عنها قبل كدة والماركات المضمونة افضل والضمان والحكاية دى
هحاول برضه اسئل عن الماركات دى واشوف نظامها ايه
شكرا جزيلا لك
اقتباس:
المشاركة الأصلية كتبت بواسطة م/مصطفى محمود
لا مكانش فيه ارجاء
واول كلمة قالها القائد لينا (كلكم من ابناء القوات المسلحة ) :)
وحكاية الامواس دى رخمة قوى لانى بقالى سنين مبحلقش الا بكهرباء لان الامواس مع بشرتى بتبقى مشكلة خصوصا يوميا ولا حتى يومين
لكن شكلها كده هيبقى مركز التدريب امواس وبعد كده نشوف الوحدة هيبقى نظامها ايه
شكرا ليك يا جميل على ردك
جزاكم الله خيرااا جميعاا
على فكرة ممنوع أنك تحلق زيرو فى الجيش . الحلاقة الزيرو دى لما تكون مذنب أو حا تدخل السجن ممكن يتحلق لك زيرو لكن غير كدة ما تحلقش زيرو و بصراحة ما شوفتش أى مكن كهرباء فية حلاق فى الكتيبة بتحلق عندة كان زمان كدة بتشترى بون من الكانين و تروح تدية للحلاق و تحلق لكن مش بتدى للحلاق فلوس فى أيدة .
ممكن يكون النظام اتغير بس عموما لو حالق زيرو معناها أنك مذنب وواخد ذنب.
و بالنسبة للحلاقة العادية حا تتعود و ممكن جدا تحلق دقنك من غير مية اساسا على الناشف يعنى و بسرعة كمان . الطبيعة فى الجيش تتسم بالخشونة شوية
ميه ... ناقص تقولى فرشه و معجون حلاقه .....
كويس قوى انهم سامحين بالمكنه العاديه ... لو لقى ميه يبقى يستخدمها ... لو فى وقت ههههههه
ربنا معاك ... انا فاكر اول مره حلقت على الناشف من غير مرايه ... نسيت اخد الحته اللى فوق الرقبه (تحت الفك) و لما مشيت ايدى عليها و عرفت انها مش مظبوطه كان لازم اجمع ... قلت هبص تحت محدش هياخد باله بس حظى طلع فى شاويش قصير (انا 190 سم) فطبعا الحته الوحيده اللى شافها هى اللى متعملتش ....
انا فعلا كذا مرة حلقت على الناشف ، مع إن بشرتي حساسة برضوا :d ، فعلا هتتعود على أى حاجهاقتباس:
و بالنسبة للحلاقة العادية حا تتعود و ممكن جدا تحلق دقنك من غير مية اساسا على الناشف يعنى و بسرعة كمان . الطبيعة فى الجيش تتسم بالخشونة شوية
والله مرة حلقت على الناشف ومن غير مياة ولا مراية وكانت زي الفل ومن غير ولا جرح
هتتعود على كل حاجه متقلقشي ، وخد الحاجات دي بقى معاك وإنت رايح مركز التدريب
(مصلية ومصحف + شبشب + ملائة سرير أو ناموسية (علشان الدبان تتغطى بيها بالليل) + مراية صغيرة ورباط بيادة و 3 فرش بيادة (مهم جدا جدا) + مناديل + بخاخة وديتول سائل + صبانة (علبة بلاستك للصابون) وصابون ديتول (ممكن تستسهل وتجيب ديتول الصابون السائل) + قصافة + ورنيش جزم أسود + 2 شرابات ميري من الشيشينجي (أنضف بكتير من اللى هتستلمهم وهيريحوك) وطبعا مزيل عرق قوي ويُفضل يكون بكرة ، وأهم حاجه فى الموضوع كلة بدرة رجل أيفا ، عدد 3 قفل متوسط)
ولو إفتكرت حاجه تانية هقولك بإذن الله
انا افقصد زيرو دقن وليس الشعر :)اقتباس:
المشاركة الأصلية كتبت بواسطة heshamzaky
وعلى رايك والله هتعود هتعود هروح فين يعنى
جزاك الله خيرا
على ردك وافادتك
اقتباس:
المشاركة الأصلية كتبت بواسطة mohamed_selim
لا هلاقى معدنية كمان
ههههههه
فعلا كتر خيرهم انهم سامحين بالماكينة العادية
وانا برضه طويل وربنا يرزقنى بشاويش طووووويل :)
جزاك الله خيرا على ردك الجميل
والله يا بشمهندس مصطفى مش عارف اقولك ايهاقتباس:
المشاركة الأصلية كتبت بواسطة م/مصطفى محمود
انا مكنتش واخد بالى لسه من حكاية اخد ايه معايا
يمكن لان لسه ميعاد جيشى كمان شهر ولسه مبداتش ارتب هاخد ايه
بجد ربنا يكرمك يارب ويجزيك خير ان شاء الله
وهاخد كل اللى قولتلى عليه
لكن بالنسبة للبيادة دى يعنى ايه >>معلشى لسه مستجد بقى
وكمان ايه لازم القفل
وجزاك الله عنا كل خير
البيادة = الجزمة الميرى (السيفتى )
اه والقفل ده عشان الدولاب بتاعك
وربنا معاك
ضابط احتياط سابقا..
جزاك الله خيرا والله
بكره هتعلم بقى :)
ولو سمحت حضرتك عندى سؤالين او برضه اللى عارف من الشباب يجاوبنى
1- انا هروح كشف طبى وهيئة حلمية الزيتون هل لازم احلق الدقن والسوالف وانا رايح زى الكشف الطبى اللى اتصورت فيه بالبدلة فى اول يوم ولا عادى ممكن اسيب دقنى لانى يوم الارجا روحت وانا سايب دقنى عادى
فهل حلمية الزيتون نظامها ايه ؟؟
2-بالنسبة للسلاح والتوزيع ايه افضل سلاح
الدفاع الجوى و لا الكفاح الشعبى ومحو الامية ولا فى حاجة تالتة افضل
3-بالنسبة للصلاة سواء فى معسكر التدريب او فى سلاحى بعد كده
هيبقى نظامها اسه هيسبونا نصلى ولا الصلاة كلها بنصليها فى الاخر بعد العشاء
كده 3 اسئلة بس من عشمى :)
جزاكم الله خيرا جميعا وأصلح شأئنكم
لية ذكرة جميلة فى مركز تدريب
الكلام دة من 22 سنة
علشان بشرتى حساسة و كنت باستعمل ماكينة كهرباء و طبعا الماكينة الكهرباء كانت ممنوعة و الحمامات مافيش فيها كهرباء اساسا
جبت فوم للبشرة الحساسة من برة مصر
و انا داخل الوحدة و تفتيش عادى وجدوا عبوة الفوم و طبعا الصف ضابط الى فتشنى افتكر انة مزيل عرق
فقلت لة دة فوم حلاقة فقال لى انت بتضحك عليا و قرر انة يحط و بالتالى اصبح عبارة عن الرجل الابيض لانة داس دوسة قوية
و الحمد لله عدت على خير
يا باشا أسألأ براحتك ، متخليش فى دماغك حاجه ومتسألهاشاقتباس:
جزاك الله خيرا والله
بكره هتعلم بقى :)
ولو سمحت حضرتك عندى سؤالين او برضه اللى عارف من الشباب يجاوبنى
لأ أحلق دقنك بس ، بس لو شعرك طويل أوي أحلقة ، المهم دقنك والسوالف طبعا ، (ولو رحت بعد كده كشف السمات ده بعد نجاح الهيئة أحلق برضوا)اقتباس:
1- انا هروح كشف طبى وهيئة حلمية الزيتون هل لازم احلق الدقن والسوالف وانا رايح زى الكشف الطبى اللى اتصورت فيه بالبدلة فى اول يوم ولا عادى ممكن اسيب دقنى لانى يوم الارجا روحت وانا سايب دقنى عادى
فهل حلمية الزيتون نظامها ايه ؟؟
مفيش حاجه أسمها أفضل سلاح ، فى حاجه أسمها أفضل مكان ، أنا كنت سلاح أجهزة قيادة وأتوزعت هنا فى القاهرة ومكان كويس (ومعايا ناس سلاح مُهندسين) فى حين زمايلي فى مركز التدريب راحوا أماكن ما يعلم بيها إلا ربنا ، وفى النهاية ده نصيب وهيجيلكاقتباس:
2-بالنسبة للسلاح والتوزيع ايه افضل سلاح
الدفاع الجوى و لا الكفاح الشعبى ومحو الامية ولا فى حاجة تالتة افضل
لأ هتصليها بس مش فى ساعتها ، يعني مثلا ممكن تصلي الظهر على 12.30 أو 1 كده يعني ، لكن متقلقشي خالص من موضوع الصلاة ده ، وهتلاقي جامع فى مركز التدريب وخطيب فى الجمعة وخطبة بعد العشا وكده ، بس خد معاك مصلية برضوا علشان أوقات بيبقى الجامع بعيد وعندك جمع فمبتلحقشي تروح الجامع (يا تستني لحد ما ترجعوا وتصلي وهتلحق الفرض برضوا)اقتباس:
3-بالنسبة للصلاة سواء فى معسكر التدريب او فى سلاحى بعد كده
هيبقى نظامها اسه هيسبونا نصلى ولا الصلاة كلها بنصليها فى الاخر بعد العشاء
وجزاك مثلة بإذن الله ، صحيح خد معاك أبرة وخيط ورباط ضغط ومسكن (بس المسكن ده حاول تهربة لأنهم هياخدوة منك ومش هيرضوا يدولك فى العيادة ده لو شوفت وش الدكتور أساسا)اقتباس:
كده 3 اسئلة بس من عشمى :)
جزاكم الله خيرا جميعا وأصلح شأئنكم
وربنا معاك بإذن الله ، أنت خريج أية ؟؟
انت مترشح ضابط ولا عسكرى؟
انتم السابقون ونحن اللاحقون .. 15 يوم واقدم ورقي :)
بالنسبة لموضوع التوزيع على الاسلحة المختلفة فية حاجة أسمها الانتقاء و التوزيع النظام عبارة عن أنهم بيدخلو الناس الى حا تتجند مثلا كل 10 أفراد مع بعض زى كشف هيئة كدة دول الناس الى بينقوهم عموما و تدخل على زى كشف هيئة كدة يوجد كام سلاح رئيسى دول الى من حقهم ينقو العساكر الى عاوزينهم زى المخابرات و الحرس الجمهورى و الشرطة العسكرية و المظلات
هو بينقى افضل الاجسام نسبيا فى كل الموجودين للتجنيد و بيشوف المؤهل بتاعك أية و برضو بياخدو مؤهلات عليا على فكرة عادى جدا
باقى الاسلحة بتاخد كدة بالعدد و السلام
لما تروح تترحل أبقى خد مستلزماتك الى أنت عاوزها يعنى يفضل زى ما الزميل قالك و ذكر لك معظم الحاجات الى حا تحتاجها فعليا هناك و الملاية طبعا يكون لونها مش لون فاقع .
الورنيش طبعا أشترى ورنيش الكورة مش ورنيش كيوى لانك حا تستهلك كمية ورنيش كثيرة و ممكن تتعلم حاجة هناك تشترى صبغة بس بتبقى بودرة و تدوبها فى زجاجة و تحط عليها مية طبعا حا تعمل ورنيش سائل
فى بعض الاسلحة بيكون لك دولاب طبعا تحتفظ فية بكل مهماتك و متعلقاتك و خلى الميدالية بتاعت المفاتيح من النوع الى بيبقى فية عليقة بشنكل زى بتاع ريموت الانذار علشان تشبك المفتاح فى القايش و ما تحطهوش فى جيبك لانة ممكن جدا يضيع و يقع و أنت فى ارض الطابور و التدريب و أكتب أسمك بالقلم على البطاطين لانها بتتسرق منك دة عادى الجيش حياة اخرى معاك اشكال و اصناف من مختلف البيئات و الثقافات و الاشطال و الالوان و حا تتعود
بص من الاخر حا تتحول لشخص اخر بجد بعد فترة و ممكن جدا تحتاج قوتك البدنية لان الاحتكاكات بتكون كثيرة شوية مع العساكر الاخرين لو انت مش ناشف و جامد بجد ممكن تتاكل فى النص
صحيح أشتري كشاف صغير من اللى بيتباعوا فى الأتوبيس (مفيد جدا علشان بيطفوا العنابر بالليل) وكمان الغيارات الداخلية كتر منها (صيف بقى :d ) وطبعا فوطة وقلم وورق (هتحتاجهم) ومتنساش بُدرة الرجل مهمة جدا ، وحاول تشتري كارت ميناتل ب 10 جنية (بيبقى ميناتل والمصرية للإتصالات مع بعض من السنترال) علشان تتكلم منة (المفروض بيبقى في جوة بس متضمنشي)
و كيس اريال و معلقه حديد ليك
و ليفه على اساس ان في ميه هناك
و حاول تيجبلك ساعه رخيصه تبقى معاك و خد معاك مضادات حيويه وادويه اسهال
و ياريت لو جيابها بروشته يعيني خلي حد يضربلك روشته بيهم عشان لو رخموا
و كرت ميناتل و المصريه و حاول تاخد شريحه موبايلك معاك لان بتبقى في ناس مهرباه بس ما تاخدش الموبايل
و خد بكره خيط غامقه وابره لزوم لو حاجه اتقطعت وربنا يعينك يا عمنا
صحيح يُفضل تجيب معالق بلاستك (رخيصة وعملية مش لسة هتغسل وبتاع كل وأرميها)
والساعة هاتها تكون بتنور (علشان تعرف تشوف الساعة بالليل) هتلاقيها فى العتبة ب 35 جنية
انتم السابقون ونحن اللاحقون
اخر سنة ليا والمفروض ااقدم شهر 8 علشان انا مواليد شهر واحد
ممكن اسألك بس سؤال
حضرتك قولت ان مفيش ارجا بس هل كان في كشف طبي.؟ وهل بيكشفوا بذمة.؟؟؟؟؟
انا في حاجة اتقالتلي: واحد صاحبي كلمني امبارح وانا رايح الامتحان وقالي انه سمع ان الجيش اعلن الاكتفاء الذاتي بس ما لحقتش اسأله سمع منين او عرف منين علشان كنت مستعجل على الامتحان فهل حد سمع حاجة زي كدا.؟؟؟؟
يعني أية إكتفاء ذاتي ، لو إكتفاء ذاتي موارد فهو طول عمرة مظبط نفسة ، فعلا الجيش مبيغلبشي (هتلاقي مزارع ومهندسين كمبيوتر ودكاترة للعلاج وطباخين للأكل ونقاشين وميكانيكية وسواقين وكلة جيش فعلا مُعتمد على نفسة 100 %)
لكن تقصد إكتفاء ذاتي بشري يعني ؟؟ (إنهم مش هياخدوا حد تاني) ، فمش فاهم إزاي يعني ، بيصنعوا رجالة جوة ولا هيزرعوهم ولا أية ، وتلاقي مبني كده يدوسوا علية يطلعلهم رجالة معاهم سلاح بقى وكده :d :d :d :d :d
(بهزر معاك أوعى تزعل)
لأ طبعا مفيش حاجه أسمها كده ، فى حاجه أسمها دفعة بتستسلم ودفعة بتسلم ، فلازم علشان دفعة تخرج دفعة تانية تدخل ، وهكذا ، دي منظومة كاملة 4 دفعات فى السنة ولو دفعة وقعت المنظومة هتبوظ ، ده انا كنت بكشف تاني يوم التنحي ولا كأن فى حاجه بتحصل برة ، كلة شغال ومفيش مشاكل
بص من الآخر ، طالما دخلت دوامة الجيش هتسمع إشاعات للصبح ، فمتصدقشي حاجه غير اللى تسمعها فى التجنيد0
اقتباس:
المشاركة الأصلية كتبت بواسطة devilishtigers
ايوا كان فية كشف طبي .. بس طبعا اي كلام .. الارجا .. راحوا وقالوا لهم انتم ابناء القوات المسلحة .. واخدوهم كلهم :)
ماتصدقش اي حاجة لان مستحيل اي معلومة تكون صحيحة 100% .. الا لو اعلن الجيش كدا رسميا .. زي ما اعلن انهاردة عن قبول دفعة جديدة .. ( فين بقي حالة الاكتفاء ) :grin54:
الدفعة دي دفعتي :)
من هنا للتفاصيل ..
متشكرين على المعلومات يا رجاله ..
اخويه رايح بردو الجيش و عنده كشف فى حلميه الزيتون ومترشح ظابط :(
اقتباس:
المشاركة الأصلية كتبت بواسطة khaled ayman
ربنا معاه بإذن الله ، لسة مشوارة طويل
يا خسارة كان نفسي مش اخش او على الاقل يكون في كشف طبي بجد
وعلى العموم اللي ربنا كاتبه هنشوفه
كل دى ردود :16:
جزاكم الله خيرا وشكرا ليكم كلكم
افدتمونى كثيرا
وان شاء الله هحضر كل الحاجات اللى قولتم عليها
وانا خريج تجارة انجليزى ومرشح ظابط احتياطاقتباس:
م/مصطفى محمود
afterburner
mahmoudyoussif
heshamzaky
aymanmaly
بالنسبة لحلمية الزيتون اروحها ازاى بقى من رمسيس
مترو ولا مواصلات ولما اكون فى الحلمية هل اسئل على معسكر ولا كلية ولا المكان بالظبط عبارة عن ايه ؟
يعنى عايز خريطة كده من ايديكم الحلوة دى
من رمسيس ممكن تركب ميكروباص مساكن عين شمس أو الألف مسكن أو الجراج وتقولة عايز أنزل التجنيد تحت الكوبري (هو التجنيد على جسر السويس ومشهور جدا )
لما تكون في الحلميه هتسال عن اداره التجنيد عموما اول ما هتوصل هتشوفها
و كمان المكان دا انا حافظه صم لان مكان خدمتي كان هيا الاداره نفسها :)
طيب بالنسبة للمترو
ايه اقرب حاجة علشان لمتور بيبقى اريح واحسن :)
بالنسبة للمترو هتنزل محطة حلمية الزيتون بس هتمشى حوالى 10 دقايق كده عشان توصل
واسأل لما تنزل على التجنيد الف مين يدلك هو على جسر السويس نفسه عند كوبرى التجنيد
وربنا معاك
شكرا يا باشا فعلا روحت زى ما قولتلى على المترو
وعملنا كشف طبى روتينى وكمان كشف هيئة كل اللى فيه
انه مدير كلية ظباط الاحتياط ومجموعة من الرتب الكبيرة فى حرس جمهورى ومظلات وغيره بيكونوا قاعدين على مكتب كده
كل واحد فينا بيدخل يقول اسمه وارغب او لا ارغب
وبس كده
والنتيجة كمان 10 ايام هتظهر وربنا يسهل الامور ياااااارب
شكرا ليكم وان شاء الله اتابع معاكم
حضرتك الكلام ده النهارده ؟؟
اصل اخويه عنده كشف فى حلميه الزيتون بردو
بس لحد دلوقتى موبايله مقفول
اقتباس:
المشاركة الأصلية كتبت بواسطة heshamzaky
أطمن كدة مش حا تدخل و لا سلاح من دول لو كان حا ياخدك بياخد منك البطاقة الشخصية بتاعتك و بيعيد الكشف مرة أخرى عليكاقتباس:
المشاركة الأصلية كتبت بواسطة egyboy
كدة يراءة من الاربع أسلحة الى مكتوبين فوق
انسسسسسى....فى الجيش اى حساسية عندك بتروح توماتيكى توماتيكى ....عمى كان عنده حساسية من الشمس والتراب وكوكتيل حساسيات ومع انه دكتور جلدية بس معرفش يعالجها لنفسه وكان لازم ماشى ببخاخاتاقتباس:
بقالى سنين مبحلقش الا بكهرباء لان الامواس مع بشرتى بتبقى مشكلة خصوصا يوميا ولا حتى يومين
جزاكم الله خيرااا جميعاا
راح الجيش رجعلنا فى اول 45 يوم بيانبيع سائلة فى جلده من الشمس:untitled: وبعد كدة كل حاجة الحمد لله راحت من عنده لا شمس تهم ولا تراب يلم.........ساعتها بس فهمت يعنى ايه الجيش مصنع الرجال...الجلد بينحس:36_1_35[2]:
اه يا باشا يوم 18 /6اقتباس:
المشاركة الأصلية كتبت بواسطة khaled ayman
وطمنا على اخوك عمل ايه
ربنا معاه
ربنا يطمنكاقتباس:
المشاركة الأصلية كتبت بواسطة heshamzaky
ويارب خير وفى انتظار النتيجة والسلاح ربنا يكرم
هههههههههاقتباس:
المشاركة الأصلية كتبت بواسطة cars sniper
كله علشان مصر يهون :018a1d~146:
ويارب خير يارب