المشاركة الأصلية كتبت بواسطة memo823000
اولا ومن غير خناق وخلينا نفكر بالعقل
انا شايف ان الساجا مشمناسبه
توكيل سىء جدا وهو لسه جديد فى السواقا فطبعا اكيد فى خبط واللزى منه وقطع الغيار يقال انها مشموجوده
الموتور 1300 سى سى هل هيستحمل يشيل 5 افراد بالسواق وتروح اسكندريه مره او اتنين فى الشهر
والفيرنا يعبها - العربيه خفيفه - واطيه وهو بيقول هيمشى فى حتت مكسره
ولاكن يميزها - فتيس اتوماتيك - موتور قوى - تكييف قوى - قطع غيار عند البقال وبتاع الخضار كمان ورخيصه جدا
وصيانتها اسهل مماتتخيل
اللوجان يعبها - الصيانه مش اى حد يفهم فيها - مفيش اتوماتيك
المميزات - عفشه محترمة وقويه وعاليه - كوتش مقاس 15 - صالون واسع - شنطه بحر - تكييف تلاجه
----------------------------------
يبقى النتيجه
تجيب فيرنا اتوماتيك - عشان وارد انك هتحك وتخبط والجو ده يبقى قطع غيار متوفره وصيانه سهله جدا
الاتوماتيك بتنزل بكوتش مقاس 14 فالثبات والفرامل هيبقى كويس
تكييف تلاجه - وعفشتها ناعمه بس امشى بالراحه فى الحتت المكسره
----------------------------------
او تحاول تجيب نيو اكسنت اتوماتيك 2009 مستعمل وعامله كيلوهات قليلة وتكون حالتها كويسه (هيا هتبقى اغلى شويه لاكن افضل كتيير واوسع) وعفشتها اقوى والموتور متطور اكتر وكمان اعلى من الفيرنا ومشبتحك
ربنا يوفقك للى فيه الخير ودا راى شخصى فياريت محدش يضرب
