الموضوع: لا يشرفني ان نكون كلنا ( خ.س ) و كلنا عارفين

المشاركة الأصلية كتبت بواسطة hobiko

نفسي بس أعرف عمال تقول إنه بقى رمز ..... أنا خايف على أجيال إلي جاية ...... هو عمل إيه خالد سعيد ؟؟؟؟؟ حارب 1000 واحد لوحده و هزمهم مثلاً


دة واحد كل إلي عمله ....... إنه مات من الضرب


و كل الناس عارفة كدة ...... إيه بقى الإضافة الرهيبة إلي المفروض نقولها للناس


ولا دي رسالة كدة مبطنة ...... متزعلوش أوي على خالد سعد ..... دة تاجر مخدرات


و ياريت بس الدليل ..... متقوليش قريبي قالولي

لك ان تظن ما تشاء
و يبقي لي حق التعبير عما اراه بالصورة التي اراها طالما انها في حدود الادب العام
و بفضل له لست ضعيفا او خائفا كي ارسل رسائل مبطنة لاي شئ
انا لا احترم المدمنين و من علي شاكلتهم
و الدليل
انتظره من المدافعين عنه انه ليس كما ذكرو عنه ( هوه انت لا تعرف انه بيشرب مخدرات )
و ايه رأيك نتعاهد من الان ان لو القضية بتاعتة اثبتت انه برئ من موضوع المخدرات ده اعتذر بموضوع
اما لو ثبت انه فعلا كان معاه مخدرات يبقي القائمين علي الصفحة يقولو للشباب المنضمين يا جماعة هذا الرمز الذي جعلناه رمزا للدفاع عن الحق و نتخذ من اسمه شعارا كان ( شايل مخدرات معاه )

م.حاتم السباعي

المشاركة الأصلية كتبت بواسطة yousef1978

م السباعي

أنا فاهم من موضوع حضرتك
1- أنت لا تنفي أن خالد سعيد مات ظلما
فعلا لو ثبت ان اللي قبضو عليه ضربوه حتي مات و ان الصور المعروضه له فعلا ليست بفعل التشريح فكل انسان له الحق في المعاملة الادمية حتي لو ثبت تورطه لانه انسان
2- أنت ضد الظلم بصفة عامة سواء لخالد سعيد - رحمه الله - أو غيره
الله يكرمك فعلا
3- حضرتك متخوف فقط من أن يعتقد الجيل القادم من ان يعتبروا خالد سعيد هو قدوة في سلوكه وتصرفاته
و هذا ما دعاني لكتابة الموضوع و كما اوضحت سابقا ( لا فض فوك )
لكن أحب اوضح لحضرتك واطمنك إن غالبية المشتركين في هذه الصفحة هم يعتقدون ان خالد سعيد هو رمز لمواطن مصري ظلم وعذب وقتل بغير ذنب يستحق عليه ذلك - مثل محمد البوعزيزي بتاع تونس - فحتى الشيخ القرضاوي ترحم عليه ولم يتطرق إلى أن الفتى ارتكب جريمة دينيه وهي الإنتحار ولكنه نظر للجانب الآخر من القضية وقال إن الذين يجب أن يحاكموا هم من اوصلوا شباب الأمة أن يخرجوا وينتحروا او يحاولوا الإنتحار وقال نرجو الله أن يغفر له هذا الذنب وان يشفع له أنه كان سببا في ثورة أحيت الأمة
لا خلاف اذا بيننا و لذلك دعوت اصحاب الصفحة ان يعلنو انهم استغلو صورة لشاب مثلا ( كان و ضعه كذا ) لانه مثلا عذب من الشرطة
و قتها سيكون للبعض رأي اخر صدقني في ذلك و هذا لا يعيب لا الصفحة و لا القائمين عليها و لا المنضمين اليها و لا رمزها و لا المشاهد العادي
لانه و قتها ستكون النقط فوق الحروف
اما سلوك وتصرفات خالد سعيد فاعتقد أنها لاتهم أحد - وفي الآخر نتمنى له الرحمة وأن يتقبله الله شهيدا قتل ظلما رغم أنفه

م.حاتم السباعي

بصو يا جماعة
انا حاسس ان الموضوع واصل للبعض بصورة مختلفة عما يدور في ذهني
و يعلم الله ما في ضميري و لولا اني حريص علي ان يدوم الحوار الراقي بيننا لم اكن لاظل حتي الان احاول تقريب وجهة نظري و كنت اخذت المحمل السئ اللي بيظهر في التشكيك في نيتي من وراء كتابة الموضوع
لكن للمرة الاخيرة هحاول اشرح و جهة نظري عل و عسي اللي بيشك في نيتي يفهمني
انا من زمن كنت شاب صغير مثل البعض طبعا و كنت اتفرج علي تمثيليات و افلام و خلافه و كم كانت تمثيلية ( رأفت الهجان ) و ( دموع في عيون وقحة ) من احب التمثيليات للناس اللي في جيلي و انا كنت منجذب لبطولة هؤلاء الناس ( كقصة ) مش دراما تليفزيونية
و رأينا كيف كان يظهر الاعلام الابطال الجواسيس اللي بيفيدو البلد و بيضحو بعمرهم فداء للوطن بيصور لنا ( البطل الفدائي ) دائما علي انه زير نساء و انه زاني و شغال حرت في نساء الناس اصله بطل بقي فكل شئ عادي يعني انتو عاوزينه يتكشف ( يعني يتعدم )
طيب ماشي يا عم و رينا بقي في الموضوع مثلا انه بيصلي ليلا مثلا يستغفر الله عما بدر منه صباحا او مثلا و رينا انهم جابو شيخ و افتي لهم انه مثلا لا يجازي عن افعاله مثلا فهو في حكم المكره ( مثلا اي حاجة )
لا تلاقي الباشا مستمتع بالزنا و بيخلص اوي في الحب المحرم حتي انه بيحب في دي و بيميل لدي و بيواعد دي فاهمين قصدي
حتي فيلم الناصر صلاح الدين ( مرضيوش يعدوه ) الا لما يجيب لينا فيه قصة حب
و احنا شباب في سن ال 17 و ال 18 و ال 20 كثير جدا انجذب لبطولة هؤلاء النجوم في الحب و اللي كان بيتعمل من شرب السجاير و خلافه اه و الله فيه منهم ناس فهمت الموضوع و فيه منهم ناس مشفتش غير السئ في الموضوع
و علشان كده يجب ان يكون الرمز دائما ( منزه ) حتي يكون قدوة و عتبت علي الاعلام و قتها و انا اري ناس من حولي بتقلد عادل امام في شربه للسجائر و هي اصغر حاجة ممكن حد يقلده فيها و ناس نفسها بعد فترة و انا في ال 25 كده نفسها تبقي جواسيس علشان يتمتعو زي اخونا رأفت الهجان
نفسي الا اري احد شبابنا نفسه يبقي بتاع كله و عادي ( اديها نفسين و كله في التمام ) ده فلان كان كذا او كذا
يا ريت اكون و صلت و جهة نظري

م.حاتم السباعي

المشاركة الأصلية كتبت بواسطة medo_2060

برضه مش فاهم ايه الغرض.. زى ما الاخوه وضحوا كلنا خالد سعيد عشان كلنا معترضين ان الشرطه تعذب انسان لحد الموت وبعدها تستخف بعقولنا وتكذب والموضوع مش انه رمز ولا حاجه محدش حط صورته عالجنيه يعنى
والله يرحمه ربنا يحاسبه اياكان الى عمله فى رأيى الشخصى مش الان نقول شبهه مخدرات ايه الغرض من كدا.. زى ما برضه فى موضوع تانى حضرتك زعلان من كلامنا الكتير على شهداء الثوره وانتقادنا لبعض الجماعات الاسلاميه لدرجه ان حضرتك تقول انك "مستغرب من كلامنا كدا على شيوخ افاضل والعكس بنمدح شباب شهداء كانت حياتهم قبل ما يموتوا الهاء فى الافلام الجنسيه والمعاصى" يعنى مخدرات وافلام جنسيه على ناس ماتت ومنهم من نحتسبهم شهداء ان شاء الله ودا مش ذكر لمحاسن الموتى ودى سكه تشويه بعد موتهم سواء تقصد ام لا وربنا الى هيحاسبهم

الطبيعي انه لما اي عضو بيعمل موضوع
مش شرط كل الاعضاء يفهمو مقاصده ( طبيعي هناك ناس بيكون ليها بعض الاستفسارات )
الموضوع بيبقي مكتوب و بيحاول صاحبه انه يرد علي الاستفسارات و يقرب و جهة نظره حتي يستطيع الاعضاء جميعا ان يتواصلو معه بكل حب و ود لما يريد كتابته
حتي مرحلة معينة فيأتي احد و لا يستطيع ان يفهم الغرض فلا يتبقي الا ان يتقابل العضوان للشرح و اظن ده مش هيحصل و حتي لو حدث يمكن ايضا ان يظل يشرح و الاخر لا يفهم معني كلامه
اخير العضوان بينهم احترام متبادل ( بيغني عن اي شئ )
و موضوع ان حضرتك بتروح للعضو و تجيب ليه مشاركات من مواضيع تانية دي لا تناسب جو الاخوة المتبادل بيننا فلسنا ( مصر و اسرائيل ) اي لسنا اعداء كي نذهب لموضوع اخر لتأتي بدليلك في الموضوع
نحن هنا قل ما تريده هنا
فأي موضوع اخر انا و الحمد لله عارف انا كاتب ايه و اظن الكثير من الاعضاء عارفين ردودي كويس

م.حاتم السباعي