جديد وحصرى : اسـعار قـطع غيار .. نيسان بلوبيرد سلفى .. بالتوكيل

**Ahmed.TV** · 12-06-2011 04:52 PM

المشاركة الأصلية كتبت بواسطة peaceman

منسق بمعني الكلمة بجد صدقني ..
متشكر يا احمد جدا جدا علي الموضوع الجميل ده و بصراحة كل يوم بتزود لمكتبة القسم موضوعات قيمة و جامدة عشان تساعد الاعضاء في اي معلومة يطلبوها ..
متشكرين مرة تانيه و الواحد مهما قال و عمل مش هيكيفك حقك يا ابني صدقني
ربنا معاك

تسلم يابشو على التقدير الغالى

والله انا بقدم العروض والخدمات دى مش عشان انا منسق ولا حاجة , لان ده مش دور المنسق على فكرة

انا بقدم ده عشان حبى للاعضاء ,, وبتمنى انهم يزودوا حافز الحب اللى جوانا ليهم عشان فى الاخر بيصب فى مصلحة الجميع

وبعدين انت بالذات تؤمرنى امر يا بيشو

والف مبروك على فتلر التكيف المجانى ,, بس على فكرة انا معروض عليه ان ابيع كوبون الفلتر ده اللى معايا ليك ب100 جنيه يا بيشو ايه رايك ههههههههههههههههههههه

المشاركة الأصلية كتبت بواسطة party_0000

والله اسعار كويسه

تسلم ياغالى

المشاركة الأصلية كتبت بواسطة dramir1

عربيه رائعه بمعنى الكلمه وكمان قطع غيارها في نفس رنج اسعار الكوري .....نفسي يعملو التعديلات دي في موديل 2012 وهي تبقى احسن عربيه في فئتها
"مثبت سرعه -جي بي اس- انذار -بلوتوث ".......
الف شكر يا احمد باشا .

بنتمنى يا دكتور ,, انا نفسى كل موديلات نيسان المستوردة يكون فيها مثبت سرعة زى ما بتنزل بره , بس للاسف المشكلة مش فيهم المشكلة فى الجمارك , لان العربية سعرها حيعدى لو حطوا الحاجات دى

ياريت الجمارك تتساهل فى الرفاهيات اللى بتنزل مع العربية , ويشوفوا حل فى المرور يعلوا فيها الضرائب على ترخيص العربيات الحديثة , عشان الشوارع بقا تخف من الزحمة الفظيعة دى , لان اجمل عربية اول ما بتحط كواتشها فى شوارع مصر المحروسة , بتتشوه
تحياتى وشاكر مرورك الكريم

المشاركة الأصلية كتبت بواسطة sedyrohy

شكرا على الافاده الجميله و الغنيه
و المجهود الجبار
في انتظار المزيد

العفو يا محمد يا معقدنا ,, ومنظرين منك كل جديد يا جميل

**Ahmed.TV** · 12-06-2011 06:10 PM

المشاركة الأصلية كتبت بواسطة sonasteel

اييييييييييه الجمال ده يابو حمييييييييد ....... يعني بالله عليك خليت لينا ايه ممكن ننزل نسأل عليه
منتحرمش من مجهودك الكبير ده ياعمده ........ وربنا يجعله في ميزان حسناتك

تسلم يا سونة , يا اخى الغالى وصديقى الصدوق

المشاركة الأصلية كتبت بواسطة osama_i

السلام عليكم و رحمة الله و بركاته

ايه يا استاذ احمد انت مقضيها توكيلات نيسان و تيدا و حتى البلوبيرد يا عم بقى.

ماشى ياعم بما انك صاحب توكيل نيسان عندى استفسار يا بشمهندس :
توكيل السبع المنافس ليك قالى لازم تغير المقصات الصيانة اللى جاية و تتكلف حوالى 2×550 = 1100
ايه رأيك توكيل و لا بره التوكيل؟؟؟؟

هات المقصات الاصلية افضل من التوكيل يا اسامة

المشاركة الأصلية كتبت بواسطة mff_629

كلام جميل كلام معقول مقدرش أقول حاجه عنه

تسلم يا محمد

المشاركة الأصلية كتبت بواسطة bassamhafez

100 100

ده في حاجات ارخص من التيدا زي التيل كده

تقريبا سعر تيل التيدا نزل قريب لما اغيره حقولك

المشاركة الأصلية كتبت بواسطة mohamednagib

تسلم يا باشا على مجهودك ..... و عقبال ما تغير التيدا بالبلوبيرد قريب ان شاء الله ...... يا مدلع النيسانوية كلهم

الله يخليك يا محمد , يسمع من بوقك ربنا و عربية واسعه وجميلة

**Ahmed.TV** · 16-06-2011 05:48 PM

المشاركة الأصلية كتبت بواسطة basemsaeed

تقرير راااااائع يا احمد
و مجهود هايل منك
و فعلا اسعار قطع غيارها اسعارها كويسة جدااا في حاجات كتير
ده فيه قطع غيار اسعارها ارخص من قطع غيار عربيتي
ربنا يجازيك كل خير على اللي بتعمله ده
تحياتي يا جميل

العفو يابيسو وشاكر تقديرك الغالى
ودايما بتنورنا بوجودك معانا دايما

فعلا اسعارها معقولة وكويسة جدا بالنسبة لاسعار قطع الغيار الاصلية فى التوكيل

المشاركة الأصلية كتبت بواسطة zizzo_me

ألف شكر يا غالى وتسلم على التقرير الجميل ده
وياريت لو قدرت تعرف لنا اكسسوارات البلوبيرد وأنا عارف إنى بتقل عليك بس برضه أنت الكبير بتاعنا

تسلم على التقدير ياغالى

ووحاول باذن الله اسالك على اكسسورات البلوبيرد

وتحت امرك يا فندم

**elbashamg** · 17-06-2011 05:32 PM

استاذنا العزيز دايماً إنت سباق لكل اللي احنا بنفكر فيه ، ربنا يبارك فيك

**Ahmed.TV** · 18-06-2011 11:34 PM

المشاركة الأصلية كتبت بواسطة samsong

كل يوم مواضيع حصريه ومش ممكن بجد مجهود جبار
وربنا يقويك يابطل

تسلم يا كابتن سامى
وتسلم على مواضيعك الحصرية للنايل اللى بنستفاد منها كتير ,
ومنتظرين منك المزيد

المشاركة الأصلية كتبت بواسطة elbashamg

استاذنا العزيز دايماً إنت سباق لكل اللي احنا بنفكر فيه ، ربنا يبارك فيك

طلباتكم اومر .. ما لازم دايما نفكر فى اللى محتاجه الاعضاء دايما والقسم عندنا
وطول عمرنا ماشين بالفكر ده

عشان كدا قسمنا مميز بموضوعاته واعضائه عن اى مكان اخر

وتحت امرك فى خدمة

وان شاء الله نتعرف عليك فى اقرب وقت باذن الله

عشان خانا التوفيق ومعرفناش نتعرف عليك ساعة ابورواش