عايز الساجا بس بفكر في الفيرنا أوتو ! أعمل اية؟!

**sayed911** · 12-06-2011 06:24 PM

تعديل فقط للأستاذ محمد عبد المجيد التانج بتاع الساجا 40 لتر منهم 5 احتطياطي بمعنى انه السعة الفعلة 35 لتر تمشي بيهم وانتا مطمئن ..

**ashouhdy** · 12-06-2011 06:25 PM

الفيرنا ممتازة بالذات الأوتو رائع8ة و نازلة بجنط 14 بالنسبة للساجا مجربتهاش

**MEGAREKAB** · 12-06-2011 06:52 PM

مطمن جدا جدا جدا

وشكرا على التوضيح

**MEGAREKAB** · 12-06-2011 06:56 PM

المشاركة الأصلية كتبت بواسطة sayed911

ملحوظة: انا ليست لدي كم العلم والمعرفة المتواجد للأستاذ محمد وهو ليس بتعديل ولكن هو فقط سقط سهوا منه واردت ان اوضحه وانا لا اقصد تعديلا على كلامه

اخى العزيز

شكرا على تنبيهك ليا انا فعلا سقط سهوا منى مساله سعه التنك فى الساجا واهلا ومرحبا بيك فى اى وقت

إنت تعدل زى مانت عاوز ولا يهمك وفى الاول وفى الاخر الغرض توصيل المعلومة الصحيحه لصاحب السؤال

**alaa7sh** · 13-06-2011 12:01 AM

المشاركة الأصلية كتبت بواسطة megarekab

للأسف الناس أساءت فهم الاستهلاك العالى للساجا فى البنزين

الساجا موتورها 1300 سى سى واستهلاكها فى البنزين بيعادل وبيساوى استهلاك اى عربية تانيه 1600 سى سى

علشان كده بنقول استهلاكها عالى بالنسبه لقدره موتورها لكن انت مش هتحس بالفرق نهائى لان اى عربية تانيه كانت معاك كانت بتعمل نفس المعدل فى الاستهلاك بس بموتور 1600 سى سى

نصيحه منى ليك لوجه الله تعالى إياك ثم إياك ثم إياك والفيرنا خصوصا فى السفر والعائلة ....

العربية دى عوامل امانها صفر على عشره ... بمجرد ماتعدى 100 كم/س ماتقدرش تتحكم فى العربية والفيرنا أصلا موتورها عفى وغشيم ويشجعك على الجرى لكن ايه فايده القوة والتشجيع ده بدون امان ؟؟؟؟!!!

انا شغلى فى اسكندرية واصلا من القاهرة وبنزل اسكندرية / القاهرة / اسكندرية باسرتى مره كل شهر...

صدقنى من ساعة ماجبت الساجا وانا بقيت اتلكك علشان اسافر بيها......

موتور 94 حصان واتوماتيك ... صدقنى حببتنى فى السفر...

لو تحب نتقابل فى اسكندرية اتصل بيا يا سيدى وانا اخليك تركب عربيتى وتجربها بنفسك وانا تحت امرك....

نسيت اقولك صحيح استهلاكها عامل كام ...

داخل المدينه يعنى مع الزحام والاشارات وكتر التوقف اللتر بيعمل من 9 : 10 كم

خارج المدينه يعنى سفر مباشر وعلى سرعه 100 كم/ س والزجاج مغلق والتكييف شغال اللتر بيعمل 12 : 13 كم/س مع انى عمرى ما مشيت على اقل من 140 كم/ س من ساعة ماجبتها وماينفعش تمشى بيها اقل من كده اصلا ومش هتعرف

التكييف بيأثر على سحب العربية بنسبه لاتتعدى 5% زيها زى اى عربية..

عاوز تحسب تكلفه السفر لاسكندرية

هنفرض ان المشوار
( داخل القاهرة + الصحراوى + داخل اسكندرية ) 300 كم

1 لتر = 12 كم
س لتر = 300 كم

س = 1 * 300 / 12
= 25 لتر
25 لتر * 1.85 جم = 46.25 جم

يعنى حوالى متوسط 45 جم فى المشوار ده .....

ماتنساش ان المعدل ده فى عربية اوتوماتيك وبالتكييف وبالعائلة وفتيس يابانى يعنى ماتقارنش بغير كده ..

عيب الساجا من وجهه نظرى فى مسالة البنزين هو ان حجم التنك بتاعها صغير لانه 30 لتر فقط وده اللى يديلك احساس خاطىء ان العربية بتسحب بنزين كتير نظرا لانك هتلاقى نفسك بتروح البنزينه كتير .... مش عشان استهلاك عالى ... لاء ... عشان التنك صغير وبالتالى بيخلص بسرعه...

ارجو انى اكون افدتك وانا فى انتظار اتصالك فى اى وقت

اخوك / محمد عبد المجيد
0116007025

بجد يعني ... ربنا يخليك يا أستاذ محمد
لخصتلي حاجات كتير وكتر ألف خيرك : )

**Ashraf_Ibrahim** · 13-06-2011 01:55 AM

طيب انا هقول رأيي بمنتهى المصداقية وبعدم تحيز لأي واحدة في الاتنين لأني عارف الاتنين وسايق الاتنين
اولا الموتور:-
الساجا موتورها كويس جدا وأداؤه رائع جدا بالنسبة لأنه 1300 سي سي ولكن بيطلع قدرة حصانية ممتازة
لو هنقارنه بالفيرنا من الطبيعي ان الفيرنا تكسب عشان سعة الموتور اكبر ولكن هذا لا يمنع ان الساجا تقدر تقف قصاد الفيرنا في الجري على السرعات العالية

التسارع:
الفيرنا تكتسح اي عربية بالتسارع بتاعها ودا شيء مفروغ منه غير قابل لنقاش

*ارتفاع العربية
يكاد الارتفاع يكون متساوي والسادة الي بيقولوا ان الفيرنا عربية واطية الكلام دا كان في موديلات لحد 2009 ولكن من بداية 2010 ارتفاع العربية مختلف وتم رفع شكمان العربية وبالتالي ارتفاعها ممتاز جدا هي معايا وانا وافراد اسرتي 6 وباخد بيها المطبات عادي جدا ومباشر بدون ما بميل في اي مطب فالارتفاع يكاد يكون متساوي

*الحمل مع اداء السيارة:-
الاتنين اداؤهم كويس وهما محملين ومش هيفرقوا عن بعض كتير

*عوامل الأمان:-
الساجا تتفوق على الفيرنا في عوامل الأمان كالاير باج ولا اعتقد ان هناك نقاط أخرى

*صاج السيارة:
مش هيكون فيه فرق كبير بين صاج الفيرنا وصاج الساجا بس ممكن نقول ان صاج الساجا اقوى شوية من الفيرنا

*الثبات:
الساجا تعتبر عربية ثابتة بصورة مطلقة ودا راجع للعفشة بتاعتها انها ناشفة ودا طبعا من نتيجته انك بتشعر بالمطبات كويس
الفيرنا عربية محدش بيعرف يفسر ثباتها العربية تحت ال 110 ثابتة جدا ومن 110 ل 130 بيركبها عفريت ولما توصل ل 140 تستعيد الثبات بتاعها وقدرتها على المناورة
احساسك بالمطبات في الفيرنا قليل وهتلاقي نعومة في الطريق لأن العفشة ناعمة وطرية

*استهلاك البنزين:-
يكاد يكون استهلاك البنزين واحد الا ان الفيرنا اقتصادية اكثر من الساجا في استهلاك البنزين
صفيحة البنزين في الفيرنا على طريق سريع بمتوسط سرعة 110 بتعمل في حدود 350 كم ولو بالتكييف هتعمل معاك في حدود 300 كم بمتوسط سرعة 90
الفيرنا اديها طريق سريع واتفرج على الاقتصادية في استهلاك البنزين
تانك الفيرنا يعتبر كبير نسبيا لأنه بشيل 45 لتر بنزين

*الاوتوماتيك:-
الاتنين لا اعتقد ان فيه شكاوى من الاوتوماتيك بتاعهم مطلقا

*دا كان ردي بمنتهى الأمانة وربنا يوفقك لما يحب وترضى

**ashouhdy** · 13-06-2011 01:59 AM

ashraf ibrahim

رد ممتاز جرب بقى تغير الجنط ل 15 .... حتلاقى عربية تانية فى الثبات

-

الموضوع: عايز الساجا بس بفكر في الفيرنا أوتو ! أعمل اية؟!

LinkBack

أدوات الموضوع

عرض

-

-

-

-

-

-

المواضيع المتشابهه

بفكر ابيع الساجا

انا بفكر أعمل فاميه

ممكن عمل مقارنه بين الفيرنا و الساجا

الساجا ولا اللوجان ولا الفيرنا ولا byd

بماسبه ان العربيه عند السمكرى بفكر أعمل حاجه هيفدنى فيها ملاك بولو 2000و20001

الكلمات الدلالية لهذا الموضوع

المفضلات

المفضلات

ضوابط المشاركة