الموضوع: فيكي تتعرض لمحنة

النهارده كان يوم صعب لفيكي من كام يوم بسمع صوت في العفشة قدام زي تزييقة كده بتبان بس لما اطلع مطب و انزل مش عارف ليه
قلت اروح مقار و اعمل الصيانة بالمرة ماشى على المحور واحد تيييييييييييييت ماشي و مطلع مواسير بلاستيك من عربيتة من الشباك اللي ورا بالعرض و التييييييييت ماشي بسرعة و مش مقدر المواسير اللي طالعة دي المهم جاب العربية من الاول للاخر و رفعلي ايدية و قالي اسف نزلت بصيت على العربية مالقتش حاجة المراية كانت قفلت لبره عدلتها و خلاص و قلتله اتكل على الله المفاجاة لما وصلت مقرا ببص من ورا على العربية لقيت الفانوس مكسور تييييييييييت تيييييييييييت كنت هفرقع انا ما بصيتش ورا خالص انا بصيت على الجنب بس (الفانوس تايواني 275 جنيه و اصلي 475 جنيه ده الفانوس اللي فيه Smoking) انا بفكر اجيب التايواني و خلاص عشان الناس التيييت دي
و الانيل لما وصلت قالولي مفيش استقبال خلاص عشان الورشة زحمة كان يوم جميل و لسه مكمل
قلت اروح لمنصور الميكانيكي قعد طاهر اللي عنده يبص قالي ده الجلب في المقص (في جلبتين ثابتين و جلبة متحركة اللي بتطلع صوت التزييق هي المتحركة) و الجلب ما تتغيرش بييجي المقص كله قالي هنحط شحم و تبقى تمام و انا راجع لسه برده نفس الصوت مش عارف بقى اغير المقصين و لا احاول اجيب الجلبتين دول استيراد (ملحوظة قائد الاركان صابر بيقول المقصين 1700 جنيه)
الصوت بيبتدي بعد ما امشي بالعربية شوية كتير مشوار يعني مش اول ما امشي و هو تزييقة و هي طالعة و نازله من على مطب مثلا
انا خالد كان بيقول على اصوات في العفشة انا مش عارف نفس الاصوات دي و لا حاجة تانية يا ريت لو حد معاه نمرة خالد يبعتهالي
و حاجة تانية كمان في صوت تزييق في الكرسي بتاع السواق بيبان برده في المطبات رشيت WD40 على المجرى بتاعتة و برده في صوت
حاجة كمان انا زهقت من صابر ده بس بصراحة مش لاقي حد فاهم شوية تاني و خصوصا بعد ما جبت السي ما تفكروا في ميكانيكي تاني يكون محترم انا بفكر في احمد عبد الراضي و كان احمد فهمي بيتكلم على احمد سعيد بس مش عايز و لا يقول تليفونه و لا عنوانه
كان يوم جميل جدا قلت لازم تشتركوا معايا فيه