أرجو المساعدة الاستبن بتاع عربيتي اتسرق في حادثة سرقة من شهر و من ساعتها و أنا ماشية من غير استبن و التوكيل إداني الجانط و قالي دوري على الكاوتش برة و كل ما أسأل حد بتاع كاوتش يقول مش موجود أرجوكم ساعدوني ألاقيه فين؟
عرض للطباعة
أرجو المساعدة الاستبن بتاع عربيتي اتسرق في حادثة سرقة من شهر و من ساعتها و أنا ماشية من غير استبن و التوكيل إداني الجانط و قالي دوري على الكاوتش برة و كل ما أسأل حد بتاع كاوتش يقول مش موجود أرجوكم ساعدوني ألاقيه فين؟
هتنزلى الحرفين وروحى للشركة المصرية اليابانية هما قطع غيار للديهاتسو وعندهم فرد للعربية وللاستبن بالهبل بس اهم حاجة ميضحكش عليكى فى السعر
والله الموفق والمستعان
هاتى اى نوع كاوتش تانى نقشه قريبه من نقشتك
وكده كده
انت حتركبيه استبن يعنى يمكن متحتاجيهوش
حضرتك مش واخد بالك من حاجة العربيات اليبانى والاوروبية بتنزل بجنط استبن للطوارى اللى لونة بيبقى اصفر ودة اخرة 80 ك تمشى علية غير كدة حمة صغير جدا نظرا لضيق الشنطة فى عربيات الهاتش باك فلو جابت كاوتش عادى اى مقاس غيرة مش هيخش مكانة نظرا لضيق مكان الاستبن
اه معلشى ماخدتش بالى انا كنت مفكره استبن عادى زى اللوجان عندى ماهى اوروبى برده بس طبعا شنطتها كبيره فبيحطوا فيها استبن عادى
انا برده كنت مستغرب من السؤال
طيب ياسيدى وايه المشكله لما تعرفنى يعنى
ماالراجل اللى فوق وضح الكلام من غير مايسال سؤال تانى وخلاص ويقولى انت عارف احنا بنتكلم على ايه
[QUOTE=moustafa_saad;3873571615]اه معلشى ماخدتش بالى انا كنت مفكره استبن عادى زى اللوجان عندى ماهى اوروبى برده بس طبعا شنطتها كبيره فبيحطوا فيها استبن عادى
انا برده كنت مستغرب من السؤال
ربنا يباركلك فيها اللوجان سيارة محترمة
ماشي يا سيدي
اللاستبن بيبقي حجمه اقل من الكاوتش العادي وفي بعض العربيات بينزل مصمت يعني مفيهوش هواء
وده علشان يضمن انه ميتخرمش ابدا
وفي نوع تاني وده موضوعنا بيبقي برضه حجمه اقل وفيه هواء
وبيكتب عليه اقصي سرعة في دائرة بتكون 80 كم في الساعه
وفعلا هو موضوع مش لطيف خاصة اني بسافر علي طرق سريعة زي شرم والاقصر
ولا افضل ابدا التعامل مع الناس اللي بيبقوا علي الطريق
وغالبا ما بكون عندي شمبر داخلي وبلوف تيبولس الشمبر بيبقي في حدود 30 جنيه والبلف التيبوبلس بجنيه
ولو حصل حاجه بقول للعامل اقطع البلف التيوبلس وفتش العجلة وركبلي الداخلي ده
ولما ارجع ابقي اروح بردجسون اصلح الثقب
وكنت عايز اشتري جنط عادي من حد مجنط عربيته ومش محتاج الجنوط الحديد واركب نفس مقاس الكاوتش ولاقيته ينفع بس اجلت الموضوع شويه
[gdwl]بالنسبة للسؤال موضوعنا الاخت اللي بتسأل هي عايزة كاوتش نفس مقاس الاستبن لانها جابت الجنط من التوكيل
فاضل ليها الكاوتش
طبعا لا انصح انك تشتريه استيراد لان ده امان
مقاس الكاوتشوك كما هو مكتوب في كاتلوج السيارة
155/80 r13
وده ممكن تلاقيه في بردجستون
[/gdwl]
شكراً جزيلاً
أنا بس عايزة أعرف فين بردجستون و لو حضرتك تعرف السعر كام ؟ و أنا لم سألت التوكيل على المقاس قالي إن C105/70 b-16
الارقام الي حضرتك كاتباها ده احتما كود انما مقاس الكاوتشوك زي ما انا كتبته فوق
155/80/13 ده موجود في يردجستون عباس العقاد
وثمن الفرده 312 جنيه
وفي خصم للمهندسين 10% وخصم لاعضاء نايل موتورز 5% فقط
بالنسبة لمقاس الكاوتشوك الاصلي 175/65/14 سعره 373 جنيه
وده تليفونهم 19187
ارجو ان اكون افدت