استفسار بخصوص ايرباجز الجين 2
السلام عليكم ... طبعا الحمد لله انا اشتريت جين 2 مستعملة موديل 2009 والحمد لله العربية ماشاء الله ماشية كويسة ربنا يحفظها ولسة في مرحلة تقييم الاداء ... بس انا من اول ما جبتها لاحظت حاجة غريبة اني لما اجي ادوس على الكلاكس بتاع العربية لازم ادوس عليه بمعاناة شديدة علشان يدخل جوة الطارة وبالعافية لغاية ما يدي الكلاكس ... لما جيت اشوف فيه ايه لاحظت ان الطارة زي ما تكون مفتووحة من جنب شارة بروتون اللي في الطارة من اليمين الى اعلى الشارة الى اليسار ... لما حاولت اشد الجلد لبرة لقيت الجلد بيتشد وجواه حاجة كدة لونها سكري هل ده هوة الايرباج وهل هوة بييجي مفتووح كدة ولا يكون العربية عملت حادثة وانا مش عارف ولو عاوز اتاكد ان الايرباجز ما زال موجود في اي علامة في التابلوه بتبين انه ما زال موجوود ... انا بصراحة شاكك انه مش موجود وخصوصا ان الايرباجز بتاع اللي جنب السواق لما ادوس عليه بحس ان الطابلوه بيمط معايا كان تحته فاضي ... انا بجد خايف يكون انضحك علية ياريت لو سمحتم تفيدوني افادكم الله ودي الصور يا رب تكون واضحة وجزيتم خيرا ...
سؤال اخير معلش .. انا عاوز اجنط العربية واجبلها جنط 17 هل ده هياثر على العفشة في حاجة وخاصة لو هجيبلها كوتش عريض ...
http://up11.up-images.com/up/viewimages/b683d3bf67.jpg
http://up11.up-images.com/up/viewimages/4784d3e953.jpg
http://up11.up-images.com/up/viewimages/5353ecb5ec.jpg