ان شاء الله هشتري الرينو لوجان ولكن...........

**akramtiti** · 12-06-2011 01:53 AM

السلام عليكم ورحمه اله وبركاته

يسعدني انضمامي للمونتدى المحترم ده والحمدلله انا مفتنع بالعربيه جدا وحبهبها بس المشكله ان ناس كتيييييير مخوفاني منها زي اللي قال التوكيل مفيش نفس وقطع الغيار الغاليه والسعر اعاده البيع وان العربيه فيها كمبيوتر وممكن يعطل بسرعه ومحدش يعرف يصلحه وسعر اعاده البيع هيكون في الضيياع وبقولولي اتفرج عليها بعد سنتين تلاته وبيرشحولي الفيرنا او اللانوس بس ان مقطنع بالعربيه ياريت حضراتكم تفوديني بما يردي الله لانها سوف تكون عربيه العمر ان شاء الرحمن وياريت حد يقولي افرب فرع للصيانه في الاسكندريه وايه نظامه من حيث الجوده والتعامل والوقت وهل في محلات هناك بتبيع قطع الغيار معلش تقلت عليكم بس اكيد حضراتكم هتعزروني وياريت اعرف اماكن الصيانه عامه لاني من دمنهور وجزاكم الله كل خير

**ayman1204** · 12-06-2011 03:07 AM

نفس الكلام اللى اتقالنا وركبنا دماغنا وجبنا اللوجان وبمشي دلوقتى على كل واحد اقوله شفت كلوا مكنش عاوزنى اجيبها ولما جبتها لقيت الناس بتكلمنى عنها وبتسال عنها وكمان بتجيبها وكلوا بدا يجبها

اتوكل على الله وهاتها

**ashouhdy** · 12-06-2011 03:13 AM

لو مقتنع بيها يبقى هاتها العربية جميلة وفى انتشار يعيبها قطع غيارها غالية بس انت فى الضمان 3 سنيين شاغل دماغك لية ؟
وعلى مايخلص الضمان حتكون رخصت وانتشرت اكتر

**engahmedamin** · 12-06-2011 07:07 AM

المشاركة الأصلية كتبت بواسطة ashouhdy

لو مقتنع بيها يبقى هاتها العربية جميلة وفى انتشار يعيبها قطع غيارها غالية بس انت فى الضمان 3 سنيين شاغل دماغك لية ؟
وعلى مايخلص الضمان حتكون رخصت وانتشرت اكتر

كلامك موضوعى يا دكتور

**mosomodo** · 12-06-2011 01:03 PM

يا سيدى انا كنت زيك بالضبط و اشترتها ومن ساعت ما ركبتها و انا بشكر الله يوميا على توفيقى فى شرائها و صدقنى طالما عجباك لا يمكن ان تركب اى عربيه تانيه.

**Dr.Karim Emam** · 12-06-2011 01:46 PM

توكل على الله و مش هاتندم.
بالنسبة لمراكز الصيانه, في واحد في سموحة و الأساسي في العامرية و مستوى الخدمه بهما محترم جدا
بالنسبة لقطع الغيار , فيه محل إسمة الوشاحي في محطة الرمل خلف سينما مترو و ده معتمد من التوكيل, و فيه محلات في شارع صلاح الدين شغاله في اللوجان.

**Super_Star_h** · 12-06-2011 03:33 PM

توكل على الله
العربيه معايا داخله على سنتين ومافيهاش مشاكل بسم الله ما شاء الله
كله دلوقتى بيقولى احسنت الاختيار فعلآ
عربيه نعمه جدآ وثابته وعفشتهاا جامده وبتستحمل
وعاليه عن الارض ودى ميزه مهمه جدآ جدآ هتعرف قيمتهاا
مشكلتهاا فى قطع الغياار واهى بتنزل واحده واحده هتبقى ماليه السوق
حاول تحافظ عليهاا بس وانت ان شاء الله مش هتحتاج لتوكيل ولا لصنايعيه

**akramtiti** · 12-06-2011 10:02 PM

جزاكم الله كل خير علي تعاونكم فعلا منتدي وقسم محترمين
بس معلش اخيرا :فعلا في رينو لوجان مغربي ولوجان اتحد اوربي وايه الفرق وبكام

**Xlance2010** · 13-06-2011 08:23 PM

اللوجان المغربى هى نفسها التى يتم تصديرها الى مصر والى دول الاتحاد الاوروبى يعنى نفس العربية اللى حضرتك راكبها هنا هى اللى راكبها المواطن الانجليزى او الالمانى او الفرنسى ولكن كل دولة لها اشتراطات خاصة بالكماليات ووسائل الامان مثل الوسائد الهوائية او تصفيح الابواب وما إلى ذلك ولكن الاساسيات واحدة فتوكل على الله فالمغربى فوق الممتازة ويكفى ان السعر الحقيقى للسيارة لو انها تم تحصيل جمارك عليها سيزيد حوالى 30000 جنيه يعنى سعرها يتعدى المائة الف للفول اوبشن فتوكل على الله واستخره سبحانه وتعالى وبذلك تكون قد استخرت الله واستشرت اهل الخبرة وإن شاء الله يكون اختيارك موفق وفلوسك فى مكانها ،، ولك تحياتى

-

الموضوع: ان شاء الله هشتري الرينو لوجان ولكن...........

LinkBack

أدوات الموضوع

عرض

-

-

-

المواضيع المتشابهه

كنت هشتري رينو ساندريو أوتوماتيك ولكن لفت نظري السريون الأوتوماتيك فما رأيكم ؟؟

هشتري لوجان 2010 وعايز افحصها فحص شامل

ان شاء الله هشتري فيرنا

هشتري لوجان خلاص

إن شاء الله هشتري على أول 10 ...

الكلمات الدلالية لهذا الموضوع

المفضلات

المفضلات

ضوابط المشاركة