السلام عليكم و رحمة الله و بركاته
عند شراء سيارة بالقسط من معرض المتحدة لتجارة السيارات بمدينة نصر
و هو يتعامل مع بنك ناصر
هل لما اجى اكيش بعد مدة معينة يشيل الفوايد من عل باقى المبلغ فعلا زى ما قالى فى المعرض ؟
أفيدونا :16:
عرض للطباعة
السلام عليكم و رحمة الله و بركاته
عند شراء سيارة بالقسط من معرض المتحدة لتجارة السيارات بمدينة نصر
و هو يتعامل مع بنك ناصر
هل لما اجى اكيش بعد مدة معينة يشيل الفوايد من عل باقى المبلغ فعلا زى ما قالى فى المعرض ؟
أفيدونا :16:
بيشيل تلتين الفايدة وياخد تلت الفايدة علمبلغ المتبقي
بيشيل جزء وبيسيب جزء
اسمها غرامه تعجيل دفعات
المعرض قاللي بيشيل الفوايد كلها
هتأكد منه تاني
المعرض مش من حقه يتكلم باسم البنك
انا متاكدة ملبنك نفسه
بياخد تلت الفايدة ويخصم التلتين
صاحب المعرض كان مدير بنك ناصر عشان كده هوه عارف النظام ..
و عجبني جدا شروط البنك : ضامن موظف حكومة و الفايدة 6 في المائة , و تقسيط لحد 7 سنوات , و مش مشترط تأمين .
الصراحة دي افضل شروط في التقسيط انا لقيتها
طب انا بفكر أقسط عربيه هيونداى فيرنا . حد عنده فكره؟
الصراحة ردود تكفى و توفى
بس برضه انا بتعامل مع معرض تقريبا الى بيتعامل معاه الاستاذ mazag
صاحبه قالى انه مدير البنك و نفس الكلام
ان البنك بيشيل الفوايد كلها
الواحد لازم يشك فى كل كلمة بيسمعها و ربنا يستر
ده الحاج محمد راجل كبير في السن و قدام البنك الأهلي جنب صيدلية بتاعة بنته مش كده ؟ هوه ده لو انت قصدك عليه
انا اخدت منه عربية لانوس من اسبوعين لأختي و كان التعامل معاه كويس جدا .
انا والدي اشتر لانوس تقسيط من بنك ناصر
جه يكيش اخر3 سنين لاقهم واخدين 6000 زياده فوق المبلغ
search for Loan Amortization table and calculation it's standard for all banks
طب اية المعارض الكبيرة الى بتشتغل مع بنك ناصر يا رجالة ...
علشان قبل كدة اتنصب علينا من سيتى بنك ....
واختى عايزة ماروتى ليها وبيقلها تامين 1300 .. وانا مستحرم اامن الماروتى بصراحة هههههههه
هوه المتحدة يا باشا
بصرة يا معلم \\\\
و لا حاجة من كل ده
أنا رحت قعدت معاه و مضيت الورق كله عنده و هوه ظبط كل حاجة
و أخدنا يومين و استلمنا
بس كنت دافع نص الفلوس مقدم و مقسط مع بنك المشرق
انا اخدتها 3 سنين
بس ممكن تقسط لحد 5
و البنك في اول عباس العقاد
مش عارف الاجراءات طويلة و لا بسيطة ..
لسه هجربه خلال شهرين لأني محتاج عربية تانية بس لما ابيع البيجو اليومين دول هبدأ في التقسيط مع ناصر
أنا هجرب اشتغل مع ناصر الشهر اللي جاي لما ابيع البيجو عشان محتاج عربية تانية
http://www.nsb.gov.eg/nsb/togaria/malaki.aspx
دا يا جماعة لو انت عاوز تدفع مقدم ومش عارف هتقسط اد ايه على كام سنة
انا صديقي اشترى byd f3
اجراءاتها اخدت حوالى شهر وشوية ( ودا لان مكنش في بي واي دي ف السوق)
لكن غير كده اجراءاتها كويسه جدا
انا كنت بشوف السبيرانزا a113
تدفع لها 12 او ازيد سنة
و600 ف الشهر لمدة 7 سنين
ياريت يا جماعة لو حد اتعامل مع بنك ناصر يقولنا :
بعد ما الضامن بيختم الخطاب من الشركة و بوديه البنك
هل دفع المقدم يكون فى البنك فى يوم التسليم و لا دفع المقدم فى المعرض
و العقد ف البنك يكون مذكور فيه الدفعة المقدمة و ادفعها هناك و لا ادفعها فى المعرض
و هل البنك بيدى جواب استلام أو مستند استلم بيه السيارة من المعرض
و ياريت لو فى اجراءات لازم ناخد بالنا منها يقولنا عليها
بقولك يا باشا انت فى تعاملك مع معرض المتحدة - بنك المشرق
خدت صورة من عقد البنك - عقد السيارة - فيه المقدم و الاقساط
و لا صورة عقد فيه مقدم الحجز بينك و بين المعرض
و هو مضاك على ايصال استلام سيارة
و لا ايه الاجراءات
و اضح ان انت خلصت الاجراءات فى المعرض و مرحتش البنك خالص
كنت في المعرض امبارح و سألت على النسبة اللي بتتخصم لو دفعت كاش ...
بتدفع 15% من باقي الفوايد
و يتم خصم 85% من الفوائد اللي عليك