الموضوع: اشتريت الكيا سيراتو الحمد لله

اولا مبروك يا باشا
ثانيا ده الشياط ده طبيعى شوية و حيروح ان شاء الله

المشاركة الأصلية كتبت بواسطة m.alaa92

اولا مبروك يا باشا
ثانيا ده الشياط ده طبيعى شوية و حيروح ان شاء الله

الله يبارك فيك

هو الشياط ده في ناس كتير قالتلي ده شياط الفابريكه
لان الاجزاء العربيه اول مره تسخن

المشاركة الأصلية كتبت بواسطة hasanmagdy

مبروك يا باشا على العربية انت اشترتلها ضمان والا طنشت وجبتها منين لانى ناوى بس اول الشهر ان شاء الله وهى خليجى اية وبكام

بس ياباشا
العربيه خليجي هاي لاين سبويلر هو قال سعودي بس انا لاقيتها كويتي معرفش وحش ولا حلو
بس الضمان الحقيقه نفضت لان المعرض قالي الضمان ده اي كلام مافيش احسن من ضمان الوكيل من الاخر
وقالي العربيه جديده ومعمولها اختبار pdi
والعربيه جايه من المخزن بسواق والسواق جاي من مصر الجديده لفيصل سايق
واحنا جربناها لحد 100 كانت كويسه
وان شاء الله ربنا يستر ومايطلعش فيها حاجه
بالنسبه للسعر انا معمول معايا واجب جامد قالي متقولش لحد السعر ده كام لاني خالي زبون المحل مشتري من هناك اكتر من 9 عربيات لانسر
بس انا هقولك
هو ارخص من ريان 3الاف جنيه
بجد 3 الاف جنيه عن ريان وريان اصلا ارخص من الوكيل ب 4 الاف جنيه
بس ماففيش معاها ولا هديه ولا غطا ولا الهوا المعرض اسمه الابيض اوتو موتيف

الف مبروك يا باشا وربنا يديك خيرها ويكفيك شرها

المشاركة الأصلية كتبت بواسطة abouleila

نفس الجملة سمعتها من واحد صاحبى طلع انه مندوب البنك اللى اشتريت منه العربية

دفعت 4 الاف ج فى الهوا و6 شهور وانا دايخ علشان مشكلة عربيتى واللى اتحلت الحمد لله

كل ده علشان قالى الضمان ملوش لاازمة وانت اولى بالفلوس ....كل ما افتكر ادعيله بصراحة

على فكرة احنا جيران انا من التعاون

كويس جدا احنا فعلن جنب بعض اووي
بس بصراحه هي صعبه اوووي ان تبقي عربيه زيرو وفيها مشكله جااامده
لاكن مشكله حضرتك كانت بسيطه بس المشكله ان تشخيص العربيه غلط
انا انشاء الله هعمل الصيانه الاولي بس في التوكيل
ولو في اي عطل هخليهم هم اللي يشخصوه
انا اعرف مركز معتمد من eit
قريب مني ومنك جدا هتأكد من العنوان واقولك عليه