آسف انا كتبت عذر بال ز وصحتها بال ذ
اكتب عذر ولا تكتب عزر
عرض للطباعة
آسف انا كتبت عذر بال ز وصحتها بال ذ
اكتب عذر ولا تكتب عزر
30 ألف كيلومتر فى السنة تقريبا بس مقسومة على عربيتين
يعنى السنة الماضية عملت حوالى 12 ألف بالصنى و 18 ألف بالريجاتا
الياريس جايبها 3 يناير 2008
انهارده عامله 7500 كيلو يعني نقول بمعدل 2000 كيلو في الشهر يعني 24 الف كيلو في السنه.
السويفت جات يوم 12 فبراير 2005
كانت عامله 60 الف كيلو
دلوقتي عامله 130 الف كيلو يعني بمعدل 20 الف كيلو برضه.
ايه يا جماعه اللي بسمعه ده انتو بتحنطو العربيات ولا ايه
بصو العربيه دي انا بدفع فيها فلوس عشان استخدمها لنفسي مش اركنها واخنق نفسي فالبيت
اضحكو . انا استلمت العربيه يوم الثلاث بليل والراجل قالي متزدش عن 80 خالص والكلام ده لحد ماتيجي صيانه الالف كيلو. وانا طبعا بتخنق من موضوع 80 ده المهم روحت اعمل صيانه الاف كيلو يوم السبت الصبح يعني في صافي 3 ايام عملت 1000 كيلو والراجل مكنش مصدق
المهم العربيه معايا بقالها سنتين واربع شهور وعامله 86500 كم يعني متوسط 36000 كم في السنه او 3000 في الشهر او 100 في اليوم وانا اصلا شغلي بياخد بتاع 100 كم في اليوم يعني كده تمام وانا راضي اوي والحمد لله
انا معايا دايو لانوس و كنت مشتريها من 10 شهور بالظبط و كانت عامله 120000 و دلوقت انا باكتب الكلام ده و هى عامله 149800 ويوم الثلاثاء حاعمل صيانه ال 150000
يعنى فى اخر 10 شهور كانت بتعمل 3000 كم فى الشهر
و فى الثمانى سنوات اللى قبل كدة كانت بتعمل 15000 فى السنه يعنى معدل 1250 كم فى الشهر
اما بالنسبه لسوالك هل لو عربيه عامله كيلومترات كتير زى 90000 فى السنه
اه حشتريها لان الموتور بالنسبه لى مش من اساسيات السياره بس تكون نزله حلوه بجد مش زى ما انتى بتقولى ياريس موديل 2007 و ب 88000 كدة هوا منزلش اصلا كدة تعتبر غاليه بس فى حاجات مينفعش اصلحا او اغيرها زى حاله الصالون حاله العربيه العامه من بره يعنى لو موديل 2004 و راشه نضافه مش حبص عليها لان اكيد صاحب العربيه دى مبهدلها لكن لو موتورها مفوت حاشتريها
انا عن نفسى لما موتور الدايو عندى ال 1500 حارميه و اروح اشترى واحد مستعمل و ممكن اشوفلى واحد 2000 سى سى اركبه و اكلم الاستاذ ممدوح يمكن يرضى يظبطهالى :) زى ما كان ظبط النوبيرا و تبقى اول لانوس 2000 فى مصر على فكرة انا عربيتى لسه فابريكه من بره و جوه مرشتش حتى الاكصدامات بس متغيرلها رفرف فى التوكيل:(
طب اسمعوا دى، زوجة خالى عربيتها اللانوس عاملة 3000 كم فى 4 سنين، يعنى هتعمل صيانة ال5000 بره الضمان :d و عندى الصنى عاملة 36000 فى 6 سنين :d، اللانوس بقى عملت بيها 26000 كم فى اول سنة
طيب الحمد لله ده انا كنت فاكر العربية عاملة كتير :):)
124 الف كيلو فى 7 سنين يعنى بمعدل 17 الف كيلو فى السنة
بس لو قسمناه هتلاقى 100 الف كيلو على طرق سفر و ال24 الف داخل البلد
على فكرة انا بحب اشوف العداد اللى بيبقى كاتب كيلومتر كبير بحس كده بالعشرة و الحب المتبادل و ان العربية لفت مع صاحبها فى كل حتة
كنت هنسى :D
الف مبروك على العربية يا onna و ربنا يباركلك فيها و يحفظها
تالت بيتلز في حياتي عملت بيها 55 الف تقريبا او 60 في سنة وشوية
الاكسيل برضه عملت بيعا 60 الف في سنة وربع تقريبا
الريو 29 الف في 10 شهور
الكرولا عشان اترحمت من مشوار العاشر كل يوم 20 الف في 9 شهور
ولسة الصيف ماجاش
قبل ما الصيف يخلص غالبا هاكون قفلت ال 40
لاني بروح اسكندرية كل اسبوع تقريبا غير بقية مشاويري
عربية والدي بقي كنت فاصل العداد بتاعها لما اجي اروح مشاوير بعيدة
كنت ممكن اقولوة رايح الشغل واطلع بيها اسكندرية واجي
وبغيرلها زيت من وراة كمان
:D:D:D:D
طب عندنا سكودا فيفوريت موديل 94
و عاملة 63750 كيلو متر
و العداد بتاعها مفصلش ولا مرة
و مترفعتش ولا يوم واحد
يعني بمعدل
2625 كيلو متر في السنة
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟
نوبيرا زيرو - يوميا من العاشر من رمضان الى مدينة نصرو عودة عن طريق "طريق السويس" لاتي اكتشفت انه اسرع بكتير من طريق الاسماعيلية و تقريبا اغلب الطريق على الخامس
في 13 شهر عامل حوالي 34000 كيلو
بس انا فهمت ليه الناس بتقول ان نوع المشي بالعربية بيفرق (يعني الطوالي احسن للعربية) لأن تقريبا و الحمد لله العربية زي يوم ماجبتها - يعني مش حاسس انها تعبت معايا مثلا.
بس الصراحة انا اللي بدأت اتعب و غالبا حانتقل للقاهر قريبا ان شاء الله- ادعولنا ربنا يوفقنا
عربيتى هيونداى إكسيل 1994
عامله 116000 كم
العربية الفيات القديمة كنت شاريها عاملة 25 الف و شوية..
بس اكيد مكانش الرقم ده بس..
عشان في ناس كتير متعرفش ان الفيات القديم نسبة كبيرة جدا منه لو مكانش كله عداده بيتقفل علي 100 الف كم بس.. ما علينا.. انا اشتريت العربية عاملة رقم بمئات الالاف و جنبه حاجة و عشرين الف..
قعدت بيها تقريبا 5 سنين و نصف.. العداد فصل مني في تاني سنة.. ماعرفش مشيت بيها قد ايه بصراحة.. انا عملت عمرة ليها بعد 4 سنين و نص.. في المدة دي انا متأكد اني مقفلتش 25 الف كم.. عشان العربية مشاويرها كلها صغيرة جدا في الاجازات بس.. مفيش شغل بالعربية و كانت علي قد ايام الكلية بس.. وبعد العمرة عملت 4500 كم في سنة كاملة.. كان منهم 1800 كم تليين
كنت باخد العربية بالليل وانزل اتفسح بيها علي 50 -60 كم عشان الين..
الكورسا اللي معايا حاليا اشتريتها من 3شهور و نص..
كانت ماشية 130 الف كم تقريبا في 11 سنة.. موديل 97..نقول في 10 سنين..
يعني تقريبا 13 الف في السنة.. بيتهيألي رقم مش كبير قوي.. معقول يعني..
و في الفترة الحالية في ال3 شهور و نص دول ماشي بيها لحد دلوقتي اقل من 3000 كم..
شاملين سفر مرة طنطا و مرة اليكس.. يعني جوة البلد ماشي بيها بتاع 2000 كم و برة ع الطريق حوالي 1000..
و الحمد لله العدادات بتاعتها تمام ولا بتفصل ولا اي حاجة زي القديمة..
بالمناسبة.. انا اسف جدا علي الاطالة.. باسرح و بانسي نفسي وانا باكتب..
الظاهر اني رغاي قوي و مش واخد بالي..:)
عربيتى اللانوس جبتها من الجمرك عاملة 70000 كم حاليا بعد سنة عاملة 81000 كم تقريبا
وقبلها الكورولا قعدت معايا 5 سنين وكنت شاريها وهى عاملة 50000 كم تقريبا وبعتها وهى عاملة 73000 !!
مبروك عليكى العربية وربنا يكفيكى شرها :)
الظاهر يا عبد الله بك.. اننا من نفس النوع..
يا بخته اللي بيشتري مننا عربيات..
ربنا يباركلهم بقي..:)
تصدقي أنا زعلت بقى .. إزاي ملحقشي الموضوع من أول صفحه :p.. أزاااي .. جيت متأخر قوي
وزعلانه أوي على ال 50 كيلو.. ده ممكن العربيه تعملهم وهي وقفه في مكنها.. :D
أنا بقالي سنه و أربع شهور وقربت خلاص على ال 25k كيلو..
خلي بالك .. طبيعة المشواير ذات نفسها بتفرق .. يعني لما ربنا يكرمك وتتجوزي إن شاء الله .. أنا شوفت مره إن بيتك هايبقى بعيد عن الشغل وهاتمشي دائري كتير.. معنى كده .. عداد الكيلو مش هايلاحق على نفسه وهايقولك .. كفايه حرااااااااااااااااام :)
بس ال 45 على اليارس كانت كتير في سنه.. لأن المتوسط الطبيعي من 15 إلى 20 كيلو في السنه
يارب ألحق المره اللي جايه أدخل في أول صفحه :D:p:p
ممكن ياجماعه حد يقولي انا عملت بعربتي كيلوات كتير ولا لا اصل بصراحه مش عارف.
عربيتي استلمتها في شهر 11 عام 2007 كانت عامله 50 كيلو دلواقتي احنا في شهر 4 لعام 2008 وعامل بيها 8500 كم ياتري ده معدل كويس ولا عالي ياريت تفيدوني...؟
1900k/m in 4 mothes
طيب اللي عمل الرقم القياسي ليه جايزة ولا لأ؟؟؟؟؟؟؟؟؟؟؟؟؟؟؟؟!!!!!!!!!!!!!! !
أنا ضربت الرقم القياسي في المنتدى والحمد لله:)
أنا رخصت العربية يوم 13/6/2007 ولحد الساعة ده عملت بالظبط 49400 كيلو (تسعة وأربعين ألف وربعمائة كيلومتر) وفيه شهر بحاله كنت فيه برة مصر يبقى أنا متوسط 5500 كيلو في الشهر:)
شاريها 8/8/2007 يعنى تقريبا 9 شهور
و عامله 17 الف ك
يعنى بمعدل 2000 ك
شاهين من 1998 لحد دلوقتي ..... 54300 يعني لسة حتي مكملتش 55 الف ..... واحد صاحبي مستلم صني في شهر 11 اللي فات و عامل لحد دلوقتي ...... 24050 يعني تقريبا نص اللي الشاهين عملته في 10 سنيين
والله يعني الواحد مش عارف يقول ايه في الاعداد اللي مكتوبه و انا عن نفسي حبقي محرج و انا بقل اللي عملتوا بالعربيه بتاعتي
كان معايا لانوس زيرو شاريها في شهر 9 - 2004 و بعتها من حوالي 4 شهور كده و كانت عامله 155 الف و حبه مش فاكرهم اد ايه صراحه و جبت الحمد لله نيسان صني و عملت بيها 5500 في شهرين تقريباً
مش عارف بقي بس هوه اكيد مش شويه ولا كتير اوي الكيلومترات دي
اه نسيت و كان في لانسر 99 زيرو بردوا و علي ما اتذكر عملت بيها 110 الف في سنه و 8 شهور بردوا حاجه زي كده
البسات 99 شاريها لما كنت في 3 كليه عامله 80 الف كيلو الوقتي و انا في 6 طب عامله 170 الف كيلو سفر من دمياط للقاهره و مطروح و كل اسبوعين اسكندريه كل ده في 3 سنين بس
بس طول ما صاحب العربيه بيعملها صيانه الكيلوات مش بتفرق كتير
انا شفت بسات ماشيه 80 الف كيلو مش بيتعملها صيانه متكسره و طالع عينها مدفعش فيها جنيه
و عربيتي ماشيه 170 بس الى حد ما كويسه
وواحد صاحبي معاه بسات برضه موديل 2002 ماشيه 300 الف كيلو و احسن مليون مره من عربيتي لان بيتعملها الصيانه الازمه في مواعيدها
انا عملت بعربيتي 60 الف في 6 شهور
انا عامل10000 كيلو في 3 شهر
العربيه عامله 294000 كيلو أوبل فكترا 95 أنا كنت أشتريتها من عمى من 3 سنين و العربيه كانت طلقه و فل أوي... أنا مش فاكر أنا خدت العربيه و هى عامله كام كيلو بس كان فوق ال000 200 حاجه صغيره ... يعنى تقريبا 80000 فى 3 سنين.
انا معايا بونتو 2003
عامل بيها 54 ألف كيلو
في خمس سنين
يعتبر قليل
كان معايا تويوتا كورولا وعملت بيها 77 الف فى 19 سنه ( كانت مراتى اللى بتستعملها )
معايا الان هايما فاملى من يناير يعنى 4 شهور و نص لسة ماكملتش ال 1000 كم الاولى - كتير ؟
يا باشا كتير ايه بس..؟؟
لما تحب تبيع عربية بعد كده ابقي قولنا.. :) :) :)
واضح ان حركة سعاتك بالعربية قليلة شوية.. يعني لسة مكملتش تليين العربية لسة..؟؟
لأ لسه - فيه حاجة؟ بكرة هديها لابنى يكمل تليينها
طبعا كدة علشان انا بالمعاش دلوقتى و يادوب من البيت للنادى - وطبعا البنزين غلى و المعاشات مش بتزيد اوى
لكن ايام الشغل كنت فريرة عملت ب دايو اسبيرو على الزيرو حوالى 80 الف فى خمس سنين - كتير اهه
يا باشا ربنا يديك الصحة..
بس برضه ال80 اللي عملتهم ايام الشغل ميعتبروش كتير في 5 سنين..
في ناس بتعملهم في سنتين.. :)
بالمناسبة.. الدايو سبيرو دي من العربيات اللي ماخدتش حقها في البلد دي..
المسافات فى اسكندرية غير القاهرة خالص , انت لو خدت اسكندرية كلها بالطول من ابو قير للانفوشى ماتكملش 20 كم على ما أعتقد
انا عربيتى بتعمل تقربيا 150 كم فى اليوم الواحد تقربيا فى الخمس شهور الى فاتو من ساعة ماستلمت العربية شهر 1-2008 علمت لحد النهارة 9250 كم
انا عربيتي اشتريتها 5/6/2006
عاملة بعد سنتين 46000 كيلو
انا العربية تكمل معايا سنة بعد يومين و كده بقت عمالة 15500 تقريبا فسنة منهم شهر كانت مركونة لانى كنت مسافر بره مصر
مليــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــون
:D:D:D:D طبعا مش انـــــا هــــمــــا 7200 كم شهر ونص واكمــل سنة
17000 كيلو
فى سنة
منهم حوالى 4000 سفر
30,000 ك / م فى سنه بالظبط
سياره موديل 2005 جايبها عالزيرو عملت بيهاا انا ووالدي 205000 ربنا يباركلنا فيها..
ويباركلكم في عربياتكم..