صباح الفل على اعضاء احلى منتدى
ازيكم يا جماعة ؟ كيف اخباركم و احوالكم فى الحر الجميل دا
عموما انا عندى ليكم خبر حلو و نصيحة
انضم الى اعضاء نايل موتورز الكرام السيد / زياد خطاب :15_2_143:المولود يوم 1/6/2011 فى نفس شهر ابوه .
دا الخبر الحلو الذى بشارك فيه اخواتى
نجى بقى للنصيحة :
كل واحد بيفكر يولد مراته فى مستشفى عبد القادر فهمى ، بلاش ، بجد عن تجربة الصيت و لا الغنى ، انا كنت متخيل انها مستشفى محترمة و انها احسن مستشفى ولادة فى مصر ، بس بعد الله عنيته و اللى شوفته من عدم اهتمام بالطفل او بالمريضة الا لما تقلب الدنيا و تزعق و تكلم مدير المستشفى تلاقى الاهتمام و المعاملة الكويسة . و بعدين هما سفين فلوس و اهم حاجة تدفع التامين الاول و طبعا تلاقى الممرضات بقولوك كلامة واحدة " الف مبروك " و لو مفيش فلوس تلاقى البوز . بجد يا جماعة بلاش المستشفى دى .