اريد المشورة من اهل الخبرة فانا اريد شراء سيارة وميال للوجان بس اغلب الاراء متجه للانوس علشان رخص اسعار قطع الغيار فيريت النصح مع العلم انها اول سيارة ليا ..
عرض للطباعة
اريد المشورة من اهل الخبرة فانا اريد شراء سيارة وميال للوجان بس اغلب الاراء متجه للانوس علشان رخص اسعار قطع الغيار فيريت النصح مع العلم انها اول سيارة ليا ..
مافيش حد عنده رد او نصيحه
ياباشا هو الافضل انك تحط الموضوع فى قسم اللوجان نفسه
لان احنا لينا قسم مختص بينا
عموما هنا برده مع اخواتنا
انا قولت الكلام ده كتير قبل كده لدرجة انى بفكر انسخه عندى علشان كل واحد يسال سؤال حضرتك الزق الاجابه على طول من غير ماتعب نفسى
اولا انا مش بحب افرض رايى على حد لان اهتمامات كل واحد ومتطلباته فى عربيته بتختلف من واحد لاخر
ثانيا مميزات اللوجان عن اخواتها الكوريين اللى اى واحد يلاحظها ومفيش اتنين يختلفوا فيها
عاليه عن الارض
واسعه جدا
شنطه كبيره جدا
جنوط 15
بطاريه جافه
واخده 3 نجوم فى اختبارات الامان الاوروبيه
العيوب الملحوظه واللى محدش يقدر يختلف عليها
قطع غيار غاليه ( بس الملاحظ ان العربيه بتنتشر انتشار كبير وده بيطمن ان انشاء الله قطع غيارها حتنتشر كمان واسعارها حتنزل ده غير انا متباعه باكتر من مليون وحده فى اوروبا والعالم من 6 سنوات وده طبعا معناه ان فيه مخزن كبير لقطع الغيار الاستيراد ان شاء الله حيتوافر فى مصر يعنى المووضع شوية وقت بسيط )
انا حاسس انها مش ناعمه اوى زى اللانوس مثلا بصراحه بس الفرق مش كبير اوى وفيه ناس بتقول ان مفيش فرق تقريبا
السحب بتاعها ابطء من الفيرنا طبعا لان الفيرنا تقريبا اسرع عربيه 1600 سى سى فى مصر
شوف احتياجاتك ايه وقرر
وعلى فكره انا جبت اللوجان وانا من سكان الاقاليم ورغم ان مفيش قطعة غيار واحده ليها عندنا وكل قطع غيار اللانوس موجوده لانى مقتنع بيها تماما وبحمد ربنا انه وفقنى ليها