السلام عليكم
سلامى لطنانى ولكل الزملاء ( فادى-اشرف-هلالى-تامر-وليد- وكل الناس الحلوة )
اولا ابقى كلمنى يا طنانى لما تجيب موبايل
نخش فى الموضوع
من زمان وانا نفسى اركب جنوط بس بصراحة مستحرم انى ادفع فى الجنط الواحد 1700 او 2000 جنية
واذا جبت صينى يبقى الجنط الواحد 1000 جنية
طبعا موضوع نوع الجنط الاحس قتل بحثا . معروف ان الاوروبى رقم واحد ثم الكورى ثم الاندونيسى واخرهم الصينى
واختلفو حول الجنط الرومانى
المهم كنت بكلم مع واحد صاحبى عنده شركة استيراد وتصدير صغيرة ومعاه بطاقة استيرادية وبيبعت يجيب حاجته عن طريق TNT او DHL او اى طريقة . فقالى ماتخش على النت وتجيب الجنط اللى انت عايزة وابعت اجيبهولك
ماكدبتش خبر دخلت النت ودعبس ولقي اسعار من 87 دولار للطقم ( يعنى اربعه ) وحتى 3000 دولار للطقم
اللى محيرنى بقى الاتى
1- انى لقيت كل الجنوط خمس خرم للمسامير و والعجل عندى 4 خرم
2- هل الجنط اللى هاجيبة هاينفع على العربية ( لان حصل قدامى وانا عند واحد بيرصص العجل اضطر انه يفك العجل وخرط حاجة يا اما فى الجنط يا اما فى الطنبورة )
فمعنى كده ان مش اى جنط يليق على اى عربية ( طبعا مش قصدى يليق شكلا انا صدى يليق ميكانيكيا )
3- فكرة انى اشترى حاجة من برة ويتنصب عليا ولا لا انا ببحث فيها مع صاحبى ده عشان مايتنصبش عليا
4- وكمان لقيت ان فى مواقع بتطلب منك موديل العربية وسنة الصنع والماركة عشان تحددلك نوع الجنط المناسب بس مشلاقى اوبل خالص
5- بيسألو على مواصفات اضافية للجنط وانا طبعا بطيخه مش فاهم حاجة . المواصفات الوحيدة اللى اعرفها انه يكون جنط روش طحن
6- مقاسات الجنوط من 13 الى 30 . انا كل اللى اعرفه واحتمال يكون غلط ان عربيتى جنطها مقاس 16
مع ان العجل 185/68/14
ياريت تشاركونى اراءكم فى الموضوع
تحياتى
وائل فرغلى
المفضلات