الموضوع: مواقف و طرائف بحة يونيو-2011

المشاركة الأصلية كتبت بواسطة a.saad

موقف طريف تانى اطرافه شنورى ومحمد مصطفى وانا وغازى
كنا رحنا عند بحة استطلعنا وقلنا نبص على القهوة الاول
واحنا ماشيين لقينا الحاج احمد ابراهيم ماشى
بصراحة حرضت عليه محمد مصطفى انا وشنورى
شــــــــــــــــــــــــ ــيــــــــــــــــــــــ ـــله
محمد مصطفى عزف سلام جمهورية الفرامل العظمى واسمع احلى صفارة للكاوتش وشوف احلى خضة على الحاج احمد
احنا مش اسفين يا حاج احمد

أستاذ: أحمد سعد ما فتكرتش حضرتك الا لما دخلت المنتدى
فاكر رابطة مالكي السيارات الهاتش باك و شعارها أهو انا اللي كنت قايل الشعار "من النهاردة ما فيش سيدان"
بالمرة هي الرابطة دي راحت فيييييين

احب اضيف موقف اني لما تهت الأول كلمت محمد بك الشنوري !! قالي خد كلم محمد ابو الوفا ها يديلك نمرة خد من القاهرة اسمه حسن كلموا ها يوصفلك !! قولتله امين !!
سجلت نمرة الأستاذ حسن !!!
وبعدين اتصلت !!
الو الأستاذ سعد ؟ محدش يسألني سعد ده جه منين هوا قايلي حسن بقوله يا سعد !!
لأ مش حسن مين انتا
انا سيد خطاب يا فندم !!
يا عم فوق بقى ابوس دماغك انا شنوري هههههههههه يعني اتصلت بيه وكم الإصرار اللي عندي انه سعد مش عارف ليه وهة يقولي يا عم قولتلك اسمه حسن حسن حسن !! فوق بقى شوية :d :d

ده غير سيد اللي بيسال واحد علي قهوه ليالي الحلمميه قاله قدام علي اليمين بس متعرفش المسلسل هيبتدي امتي

بس ونبي متفكرنيش ده انا وسعد كنا ها نموت منه والله !! احنا ند مستشفى احمد ماهر وهوة قال الجملة دي وانا حسيت اني وقعت من طولي اصلا !! قالك المسلسل ها يتذاع الساعة كام ههههههههه والله محمد ابو الوفا لقيته بصلي بصة غريبة جدا وانا بقولكم الموقف ده :d :d

سيد كان تايه يا جماعه واتصل بيا 30 مره من 5 ارقام مختلفه
لما بقيت كل نمره تجيلي معرفهاش اقوله ازيك يا سيد ولحد النهارده تاثير سيد مضاعش
فبما ان تاثير سيد اقوي من تاثير بحه
فانا بقترح اننا ناكل سيد المره الجايه

هههههههه 5 ارقام ههههههههه ده تمويه يا فندم هه والله همة كانوا رقمين ولكن كانوا على التوازي :d :d
سيبك انتا القلبان كله كان باين عليك يا كبير بعد الأكل :d :d
والله هيا نمرتين بس انتا ساعتها كنت جي من السفر وباين عليك عدم تدارك الموقف يا كبير :d
قالك ناكل سيد المرة الجية يا كبير لو عايز حالة التوهان دي تصيبك ابعد احسنك لحسن دي بتودي في مصايب والله :d :d

سيد تقريبا دخل سال حد مرتين قبلنا
نايل موتورز
والناس بصت له باستغراب
فعلشان كدة كان خايف يسالكم

انا دخلت قهوة اولانية لقيت ناس بتلعب بي اي اس !! يا جماعة انتو تبع نايل موتورز !! لأ !!
كلمت الشنوري انتا فين قالي انا قدام بيت الأستاذ غازي طيب ممكن توصفلي شكل اي حد ؟ قالي معرفش
طيب اي تي شيرت يا كبير قالي برضوا معرفش انتا تدخل القهوة وانده على شنوري هههه وانا وسعدالدين وقافين عمالين نبص في الأشكال اللي قدامنا يمكن نتعرف على حد من الصور السابقة :d :d
في الآخر اكتشفنا اننا في قهوة غلط !!
لما وصلنا ليالي الحلمية !! كان الحل اننا قبل ما ندخل على حد ونورط نفسنا !!!
نعمل تفكير اذكى !!!
احنا نشوف الأعداد الكبيرة ونستبعد الأعداد القليلة !!
ولكن كان ساعتها العدد طبيعي يعني كانوا حوالي 6 !!!!
قولنا ندور على الأشكال اللي باين عليها الثقافة وتكون شكلها باين انه عندها ثقافة تكنوليجية :d
وبعدين نشوف على الطرابيزيات اللي فيها تفاوت عمري يعني مش كلهم في الـ 40 ومش كلهم 20 ولكن يبقى في تباين عمري لأنه الشبكة العنكبوتية بتلم من كل سن :d :d
متخيل احنا وقفنا عامالين نعمل ايه هههههههه والله انا كان ناقص اروح الجهاز المركزي للمحاسبات اعمل كشف بيان باللي قاعدين على القعوة وفي الآخر دخلت وبقلب يا جماعة من غير ضرب ولا حد يفكرني مجنون انتوا تبع نايل موتورز ؟ هههههههههه
قيه بعد كده كمان :d

سؤال يا جماعه

هو فين زاجو اللي كان محسسني انه هيفترس بحه

وفي الاخر مكلش

انا كنت لابس قميص زيتي وحد من الاعضاء جه سلم على وسألني انت عسكري ؟؟!!! طبعا اقرع وزيتي وزمباوي يبقى اكيد عسكري المهم انا كنت مشيت الساعة 2 بعد منتصف الليل كان حذر التجوال اشتغل وانا مروح كانت الشرطة العسكرية قافله نفق العباسية في اتجاه مصر الجديدة وبيعدوا عربية عربية ويبصوا فيها...العسكري بتاع الشرطة العسكرية سألني انت في سلاح ايه ؟؟!!! وحلفت ميت امين اني معرفش مرفت يمين ..!!! قلتله مدني قالى امال لابس ميري ليه لما قرب وشاف ان القميص خامة وتفصيل مختلف ضحك وعداني ودي كانت اخر مرة هلبس فيها القميص ده

ودي صورة القميص والقرعة منورة جنب الحاج احمد كبيرنا