الموضوع: ارجو المساعده مشكله بعد التسقيط

السلام عليكم
انا معايا لانسر بطه موديل 93 اوتوماتيك كان فيها مشكله فى الموتور و عملتله نص عمره وبضه ماكانتش العربيه مظبوطه كانت بترجرج لما بنقل والكاربيراتير كان بيرشح والفتيس تعبان سالت كزا واحد العربيه دى تستاهل يتصرف عليها ولا لا الناس كلها اجمعت على انها تستاهل نزلت الحرفيين قلت ادور على فتيس وكاربيراتير لقيت الفتيس ب 1500 جنيه والكاربيراتير ب 1000 والاسبيراتير ب 950 وانا بدور لقيت نص فيه مكنه 1300 زى اللى معايا بس انجكشن اللى عجبنى فيها انها ماشيه 28000 كيلو بس لاكن مافيهاش تكييف فاخدتها بالفتيس والضفيره والكنترولر والكبالن والقواعد وطرمبه البنزين
المهم ركبت كل حاجه والعربيه بقت تمام والسحب احسن من الاول بكتير قلت اروح اركب التكييف لقيت ان الضفيره الجديده مافيهاش وصله للتكييف المهم الكهربائى بتاعى عملها والتكييف اشتغل بس المشكله ان لما اشغل التكييف الاقى العربيه بتوطى جامد وترجرج سالت قالى لازم تتحط على السكانر و يتظبط الايدل بتاعها علشان تعلى مع التكييف قلت ماشى رحت لواحد عنده اسكانر ركب ياعم وظبط لنا الايدل بعد ما وصل قالى الفيشه بتاعت الاسكانر عندك مش واصلها كهرباء لازم نجيب الcircuit digram بتاع الضفيره دى علشان نوصلها صح طبعا الكهرباءى اللى ركب لى الضفيره اللى فى الحرفيين شكله كنافه وكل اللى عمله انه شال من النص حط فى عربيتى وبس
معلش انا طولت عليكوا بس انا تقريبا صرفت على العربيه دى قد تمنها وزهقت من العربيات كلها والصنايعيه كلهم نفسى اروح لواحد بيفهم عاوز واحد يكون عنده اسكانر ويعرف يظبطلى الايدل بتاع العربيه ولا اروح التوكيل وهل هما لسه بيشتغلوا فى العربيات دى ولا هايشتغلونى انا ولا اعمل ايه

معلش سؤال تانى هوه اللى انا عملته ده من اوله صح ولا لا علشان انا ابتديت احس انى صرفت فلوس فى الهوا على عربيه ماتستاهلش كل اما اصلح عيب مايتصلحش و يطلع لى عيب تانى جنبه زى وجبة الكومبو