الموضوع: فرامل بترعش

السبب هو تيل الفرامل ودة شىء طبيعى فى اى عربية
العلاج خرط الطنابير وتغيير تيل الفرامل
تقبل تحياتى

شكرا لردك بس التيل فيه لحميه كتير و العربيه يعتبر جديده

المشاركة الأصلية كتبت بواسطة smsm_nabawy

معظم الأحيان ،، بيكون خامة الطنبور نفسه ،، و أحياناً التيل نفسه ،، و احيان أخرى طريقة المشي

بما ان حضرتك عايز تفهم ،، أسمحلي أطول عليك و أشرحلك واحده واحده !!

1-الطنبور نفسه ... أحياناً بيكون معمول من سبيكة غير متجانسة تماماً ،، و بالتالي لما بيجي التيل يقرص عليه ،، ممكن ياكل منه حتت ،، و بالتالي بياكل فيه "مع أن المفروض ان الطنابير هي الي تاكل في التيل " ،، لكني بفضل تغير التيل و الطنبور دورياً لأن الأتنين بيتاكلو ،، و لكن معدل تآكل التيل المفترض انه يكون أكبر من الطنبور
2-التيل ،، أحياناً بيكون معمول من سبيكة مش نظيفة أوي ،، بتخليه ميتاكلش بسهولة !!

و بالتالي عند كبس التيل على الطنبور ،، هو الي بياكل في الطنبور ،، مع قساورة الطنبور في المقابل ،، بياكل الطنبور من حتت أه و حتت لا

3-طريقة القيادة ،، حيق أنه أحياناً الواحد و هو ماشي بيكون في مياه في الشارع ،،

طبعاً معروف أن الفرامل ،، مع الأحتكاك بتسسخخخن !! و في الحين لما حضرتك تكون ماشي و يكون فيه بركة مياه ولا حاجة !! و تنزل فيها بالعربية !!

او لما تكون بتغسل العربية في البنزينة ،، و يجي مياه على الطنبور و هو سخن ،، ده بيسبب انه يحصل فيه أنبعاجات "عالي و واطي"

==============================
ازاي تعرف تتفاداها ..
~~~~~~~
1-أحرص على شراء قطع الغيار الأصلية من التوكيل لضمان جودة الخامة ،، و المان في الأستعمال " ولو ان ختى الخامات الي في التوكيل بيكون التيل فيه نسبة نحاس كتير ،، و بيصفر و أنت بتفرمل ،، و أحياناً كمان بيكون سبيكته ناشفه و بتاكل في الطنابير ،، لكن أياً كان فالتوكيل هو الأضمن"

2-تجنب النزول في برك المياه ،، أو غسل العربية في البنزينة بعد مشوار طويل و مجهد مثلاً ، او المشي بسرعة فوق مساحة مبتلة من الشارع "طالما في الأمكان.. " لكن أذا كان تجنبها فيه خطر عليك ،، او على العربيات الي حواليك ،، ادخل فيها ،، حتعمل أيه يعني ؟؟ :)))

3-حاول أستخدام الفرامل بأنتظام أثناء الفرملة ،، و الفرملة بمعدل ثابت ،، متفرملش مرررة واحده و تسيب و تدوس و تسيب و هكذا !!

تحياتي ،، :) و يا رب اكون أفدتك

الف الف الف الف الف شكر ليك
بصراحه انا استفدت من كلامك و طمنتنى
بالنسبه للخرط مش عارف هنا اذا كانو بيخرطوا ولا لا هشوف كده و اصبر على التيل علشان شايف ان فيه لحميه كتير

الخرط في اوروبا اكيد موجود دول هما الي بدعوا المخارط