تاية فى بحر الايفون و الف شكر لتعب شنورى معايا امبارح

**M.Alaa92** · 12-06-2011 03:32 PM

الحمد لله الوالد قرر بعد عراك من شهر 1 اللى فات الى امس فى شهر 6 انى اغير التليفون انا كنت مكلمو عن
iPhone3GS المهم احنا طبعا فى شهر 6 وطبعا قبل ما انزل امبارح قولتلو مفيش 3GS جديد يبقى نجيب 4 وهو يقولى يهديك يرضيك فى الاخر قالى هو 3GS بس غير كدة قولتلو حاضر نزلت شارع الموبيلات اللى فى اسكندرية وهات يا تدوير على 3GS جديد مافيش خالص كلو مستعمل و انا طبعا بطيخة فى الاستعمال وكل الموبيلات اللى جبتها جديدة لانج و قعدت اسمع اسعار كتــــــــــــيـــــر جداااا و المفتوح و المش مفتوح و المتشفر الخخخخ و كل واحد بسعر .

اتصلت ب شنورى باشا اول واحد و الصراحة راجل 100/100 و الله قرفتو اسئلة وهو شرحلى حاجات نفعتنى و اقسم بالله لولا المكالمة بتاعتو دى كنت لابست فى الحيط لابسة سوووودة المهم الف شكر يا شنورى باشاااا بجد و الله .

المهم دلوقتى عايز استفسر عن كذا حاجة
1- عايز 3GS و يكون 16G يعمل كام فى السوق؟
2- اعرف اتاكد ازاى انو مفتوح رسمى ( شنورى قاللى خلية يعمل update عشان تبقى مطمن) فى حاجة تانية؟
3- عايز اتاكد ان التليفون مش ملعوب فية من جوة اعرف منين ؟
4- اية اللى اخد بالى منو و انا بكشف علية؟
4- وهل لية اكواد اعرف بيها السيريال زى النوكيا؟و اعرف اتكلم كام ساعة وكدة؟
5-ازاى اكشف علية؟؟؟
6- ترشحولى اشترية منين فى اليكس؟

انا عارف انى طولت عليكو على الاخر بس اعمل ماليش حد اثق فية غيركو

و السلام ختام

**memo_p910** · 12-06-2011 04:35 PM

لازم واحد خبره يشتريه معاك الايفون بحره غويط

**ahmedbatoos** · 12-06-2011 05:05 PM

1- مستعمل ومفتوح رسمي وحالة مية مية مش اقل من 2000

2- من رقم السيريال . . وتكتب علي النت الرقم في مواضيع كتير كاتبة كل رقم سيريال مفتوح ولا مقفول علي شبكة وتحت انة شبكة مقفول
وفي طرق تانية اسهل وانت واقف دور لاني مش فاكر انا الجهاز معايا من مدة
3-انة مش مفتوح وكدة روح لمحل اسمة عبد الوهاب قدام شارع شكور اسئل اي حد علية هيكشف ويقلك ودة احسن واشهر واحد بتاع ايفون في اسكندرية اعرفة
4-ان امكانيات الجهاز شغالة

**M.Alaa92** · 12-06-2011 05:12 PM

طب لو روحت لعبد الوهاب ده حلاقى عندو ايفون ولا ده كشف بس ؟؟

الف شكر لردك و اهتمامك

**ahmedbatoos** · 12-06-2011 05:51 PM

المشاركة الأصلية كتبت بواسطة m.alaa92

طب لو روحت لعبد الوهاب ده حلاقى عندو ايفون ولا ده كشف بس ؟؟

الف شكر لردك و اهتمامك

مظنش . . اسئل معرفش والله

انت ممكن تشوف ايفون من الي بيجو من برة بيتباعوا علي النت . . او تدور في شارع شكور ونادرا لما هتلاقي لانة بيتباع علي طول

واي سؤال انا موجود انا معايا نفس الجهاز الي بتدور علية من اول ما نزل الحمد للة . . والجهاز جيد جدا في رأي

**JapRuleZ** · 12-06-2011 06:01 PM

Android OS نصيحة لوجه الله
و يا سلام لو samsung galaxy sII

**M.Alaa92** · 12-06-2011 08:18 PM

طب يعمل كام لو جديد؟؟
او مستعمل؟؟

**JapRuleZ** · 12-06-2011 09:36 PM

على حسب الموديل
samsung galaxy ace 2000 LE
samsung galaxy sL 2999
samsung galaxy s 3400
samsung galaxy s2 4800
الاسعار دى تقريبية
و شوف ال htc بردو حلو ال desire
قارنهم مع الiphone لو عاوز فى phonearena.com