-
الحمد لله ربنا سترها
و انا ماشى النهاردة على الطريق السريع (حارة رايح وحارة جاى) فوجئت بتوكتوك جاى فى المخالف فجيت الحق نفسى عشان آخد اقصى الشمال فلما امنت الطريق و لسه باحود لقيت المحترم بيعدي الطريق بالتوكتوك .. بيعدي الطريق مخالف بالعرض ..... و انا ماشى على 90 المهم كبست الفرامل على قد ما اقدر و فاديته و انكتب له عمر جديد لان وش العربية كان داخل فى جسمه و الحمد لله ربنا حفظ لى العربية
انا كتبت الموضوع من باب "واما بنعمة ربك فحدث" والحمد لله على نعمة الستر و يمكن حد يستفيد من الموضوع ده ويخلى باله من الناس اللى ماشية مخالف خصوصا وانهم كترو قوى
-
الحمد الله ان ربنا كفاك شر الحادثة و ربنا يستر طريقنا
-
الف حمد لله على السلامة
و الحمد لله انها عدت على خير
-
الحمد لله ربنا سترها
ربنا يسترها معانا جميعا
-
الحمد لله على نعمة الستر وكفانا الله شر الطرق والسائقين
وعليك بركعتين شكر لله
ويا رب اقوم من النوم ملاقيش ولا توك توك في البلد نهااااااااااااااااااااااا اائي
آآآآآآآآآآآآآآآآآآآآآآآآم يييييييييييييييين
-
ويا رب اقوم من النوم ملاقيش ولا توك توك في البلد نهااااااااااااااااااااااا اائي
والله نفسى انا كمان
-
حمد لله علي السلامة
فعلا التكاتك بقم عاملين زي النمل في الشوارع مبقاش حاجة بتلمهم يمشي عكس يقطع الشارع يمشي مع العربيات في السريع كله شغال معاهم
-
الحمد لله .
والمشكله مابقتش فى التكاتك بس ، دى التكاتك والميكروباصات والتاكسيات وسواقه الستات والشباب المتهور والشعب كله : ))))))
ربنا يسترها على الجميع .
-
-
الحمد لله وربنا يسترها معانا ومعاكم و على فكرة المنطقة اللى انا فيها مفيهاش تكاتك لكن فيه جزء من الناس نفسيته فاسدة وفاكر ان عشان الثورة قامت تبقى خلاص البلد سايبة يمشى مخالف ماشى او حتى فى منطقة مش مسموح له المشى فيها عادى .. وناسيين ان فيه ناس ضحت بحياتها عشان البلد تتحسن و يجي شخص مخلص يمسكها ... وربنا يهدي
-
الحمدالله ربنا سترها معاك
Content Relevant URLs by
vBSEO 3.6.0 PL2