بالمره ياجماعه مدام فتحنا الموضوع ده حد يعرف شركه الطارق للسيارات اللي موجوده في مصر الجديده ....حد تعامل معاهم او يعرف حد اتعامل معاهم ...ياريت الافاده
اصل انا جبت عربيتي من هناك وحصل معايا حوار مش ظريف وعاوز اعرف دي حاله فرديه ولا لا؟؟؟؟؟؟؟؟؟؟
عرض للطباعة
بالمره ياجماعه مدام فتحنا الموضوع ده حد يعرف شركه الطارق للسيارات اللي موجوده في مصر الجديده ....حد تعامل معاهم او يعرف حد اتعامل معاهم ...ياريت الافاده
اصل انا جبت عربيتي من هناك وحصل معايا حوار مش ظريف وعاوز اعرف دي حاله فرديه ولا لا؟؟؟؟؟؟؟؟؟؟
انا اشرت للموضوع ده قبل كده
الراجل بيقول اللى يشترى عربية زيرو ياخد باله كويس ويراجعها كويس
وانا معاه فى كلامه لأنى ساكن بجوار جراج خاص للمصرية للسيارات وبعدى عليه اكتر من مره فى اليوم الواحد والنهارده مثلا فى عربية رينو زجاجها الخلفى مكسور وواقع كله وفى عربية سوزوكى ماروتى عامله حادثة جامدة وواضح انها هتتكهن يعنى ملهاش لازمة وخدوا من ده كتير مره اكصدام بفانوس مره زجاج وكل ده لأنهم بينقلوا العربيات من التوكيلات بسواقين والسواقين دول بيعملوا بالعربيات عمايل متتعملش خالص بعربية زيرو
شكرا لنصيحتك اخى الكريم بس انا مش هقولك مش فارقه ومش عارف ايه لكن كل الى هقلهولك انا شفت حاجه غلط ومش احبها تحصل معايه او مع اى حد ومش قادر اغيرها وكل الوسيله الى امامى انى انشرها على النت واتمنى ان يستفيد منها الاخرين وانا الحمد الله مسئول عن كلامى وانا اعارف السمكرى وانا الى بحسبوه فالحمد الله مش كلام من هواء وربنا يحمينا جميعا اخى العزيز
ديه مصيبه فعلا
انا كنت سمعت عن الموضوع ده قبل كده بس بجد شكراً ليك عشان انت عرفت ناس كتير باللي بيحصل في العربيات الزيرو
ياريت فعلا كل واحد بيشتري عربيه زيرو يكشف عليها كويس
حوار فصل العداد دة بجد منتشر اوي
دة الواحد ممكن ياخد العربية و هي عاملة و لا 1000 كيلو
انا خالي اشترا الالنترا و كان عدادها مفصول بجد شغل حرامية و نصابين
لما كنت في الخليج العربيات كانت تتنقل بعربيات مجهزة من اللي ليها دورين كدا و بتشيل 6 عربيات او اكثر
و معلومة بقا ان العربية بتطلع من المصنع متفولة بنزين على الاخر معنى ان الواحد لما يشتريها يلاقيها فاضية دة دليل على ان اللي بينقلوا العربيات دول بيعدوا يلفوا بيها كأنها بتاعة اهلهم
انا شوفت عربية لانسر مرة ماشية على الدائري على 160 و كان هيشيل واحد و كانت مش معلقة نمر و عليها الكيس بتاعها
دة لو كانت بتاعت صاحبها ماكنش هيمشي بيها كدا لان اول 1000 كيلو تمشي على مهلك عشان ال rpm مايزيدش عن رقم معين و هو تلاقية جايب اخرة بيبوظ في الموتور
حسبي الله و نعم الوكيل
ربنا يستر على كل الى عايز يشترى زيرو
يا اخواني كل واحد يعقل الكلام ويحلله ويفهم اللي وراه وبعدين يقرر
يعني هنا مننكرش ان المنتدي مؤثر في ناس كتير
ومنستبعدش حرب الوكلاء والمعارض
واللي بيحاولو يستخدموا الموقع فيها
انا أول مرة أشوف الموضوع ده
بس والله ده خيال ولا في الأحلام
لدرجة اني أشك في مصدقيته
انا مشتري سيارة من دبي مش من مصر ورغم ذلك مش قادر اتخيل ان ده ممكن يحصل لأنه شئ مكشوف جدا تكون عربية راشة وتتباع على انها جديدة صعب جدا
مش ممكن تكون قلة الضمير وصلت لهذا الحد
حسبنا الله ونعم الوكيل
هي ناقصة
جزاك الله خيرا يا اخي
شكرا طبعا للأستاذ صاحب الموضوع..
و أنا شخصيا أشتغلت قبل كدة عند معرض شهير هو فرع واحد فقط بس اشتهر بسرعة أوي و لو اني أسمه علي اسم الـ.... ما علينا لحسن يقولوا تشهير و لا حاجة و انا مش ناقص........
المهم زبون جه وانا واقف و كان راجل كبير و معاه زوجته و راكبين عربية فيات131 تعبانة و نزلوا منها واضح انهم واخدين مكافأة المعاش مثلا و هيحطوا جزء منها و يمكن كلها في عربية المهم الراجل و مراته واضح انهم مش فاهمين في العربيات أوي و دخلوا سألوني عن عربية في رينج تقريبا من 60 الف لـ 80 ألف حاجة كدة المهم قلت لهم في هيونداي فيرنا و في هيونداي أكسنت و في دايو لانوس و في دايو نوبيرا و و و و و دي مميزاتها كذا و دي مميزاتها كذا و في عربية أسمها بروتون قالوا لي أيه بروتون دي قلت لهم عربية صناعة ماليزية و دورت لهم العربية و دخلتهم يتفرجوا عليها و كله تمام و لقيت زميل داخل عليا و بيقول لهم علي فكرة حضرتك العربية دي مش ماليزي زي ما زميلي قال لحضرتك (اللي هو انا) دي ياباني و طبعا كلامه مفيهوش أي شئ من الصحة لأني عارف و متأكد من كلامي و مشي الزبون بعد ما شكرنا و طبعا حس اننا بننصب عليه و قرر أنه ينسحب و يمشي هو و زوجته بالـ131
و لقيت زميلي (العزيز الصادق) بيقولي اوعي تقول لزبون اني العربية دي ماليزي قلت له ليه قال لي عشان تبيع قول لهم ياباني و بعد اذنك بقي عشان رايح أصلي!!!!!!!!!!!!!
بصراحة صعقت و أكيد حاليا بيبيعوا العربيات الصيني علي أنها ألماني.
حاجة غريبة و الضمير انعدم و مفيش ثقة في حد للأسف و كأني دي هي أصول البيع و الشراء و التجارة!!!!!!!!!!!
و بجد يا جماعة أرجوكم أي حد معندوش خبرة ناوي يروح يشتري ياخد معاه حد يكون بيفهم في العربيات كويس و الكلام ده للزيرو قبل المستعمل عشان محدش يضحك عليه أو يغشه.
واحد صاحبي اشترى افيو زيرو خليجي مو2006 وطلعت واخده خبطه في الشاسيه...والشاسيه متعدل .....وطبعا مالهاش ضمان :120146b:120146b
على فكره ياجماعة الموضوع ده منتشر فى معظم المعارض الموجوده فى مصر اساى ان العداد يكون مفصول ويشغلوه قبل ما تستلم العربية مهما كانت ماشيه قبل كده
وممكن تكون اتباعت لزبون قبلك ومعرفش يخلص ورق البنك فترجع للمعرض تانى وتتباع للزبون الجديد على انها زيرو مع انها ممكن تكون ماشة كام الف قبل كده
اما بالنسبة للخبطات والتصليحات فحدث ولا حرج وعلى فكره الكلام ده فى معظم المعارض مش المصرية فقط