الموضوع: خاص لمن يريد شراء سياره جديده

المشاركة الأصلية كتبت بواسطة abdelaziz-waleed

الساكت عن الحق شيطان اخرس

الراجل جزاه كل خير بينبه على قد ما يقدر وممكن يكون مايقدرشي يسيب الشغل لأنه مفيش شغل تاني غيره. فبيحاول يرضي ضميره على قد ما يقدر.
جزاك الله خيرا يا اخي وانا اعتبر ده ليس ابدا من الخيانة المهنية. لا طاعة لمخلوق في معصية الخالق

+1000000000000000000000

على فكرة الكلام دة مش جديد و معروف .. وفى اغلب المعارض لآن بيبقى هو دة المكسب الحقيقى لة ..ولا انت فاكر الباكوين تلاتة اللى بياخدهم فى الزيرو ابو شوكة هما دول مكسبة فى كل حتة ..وبرضو ناس كتير بتبقى عارفة او حاسة كدة وهيا بتشترى بس بيبقى مضطر بدل الحجز شهور او بيغورة فرق السعر البسيط

السلام عليكم

ياجماعه الكلام الي بيحصل ده ده مظهر من مظاهر النصب والغش الكتير قوي وبتحصل في بلدنا وزادت بعد ارتفاع الاسعار والمشاكل الي احنا فيها

يعني كل المظاهر دي محدش هيقدر يواجها غيرنا

فياريت اي حد يقع في موقف زي دي مسكتش وكمان يعمل بلاغات لكل الجهات المسئوله عن بيع المنتجات والغرف التجاريه وكمان يعمل محضر غش تجاري

علشان الحراميه تتعظ

وعموما المشكله ان الانسان لو عاوز يسرق بيسرق بس حسبي الله ونعم الوكيل

المشاركة الأصلية كتبت بواسطة hazem_khidr

شكرا لتوضيحك
بس ليا سؤال
حضرتك عضو قديم ليه ما فكرتش تعمل الموضوع دا من زمن
مش جايز لو عملته من فتره كنت منعت عضو كان ناوي يشتري من معرضكم و يبقي كسبت فيه ثواب ؟

ياأستاذ حازم بيقول لحضرتك أنه شغال بقاله شهرين أتنين بس
وجزاه الله كل خير أنه بينبه الناس
وحسبى الله ونعم الوكيل فى كل نصاب وحرامى فى البلد الزفت دى

اخوانى الكرام اولا الى بيقول انى بخون امانه فاظن ان دى مش امانه والله اعلم وعلى فكره انا لسه فى الشغل ومش سيبتوه بس ناوى باذن الله اسيبوه فى اققرب فرصة
اما بخصوص انى عضو قديم وليه مش كتبت من زمان فانا شغال فى المعرض ده من شهر 3 الى فات لسه وكنت شغال حسابات بس وفى شهر 4 نزلت مسكت حركه وعرفة الليل فكرة ابقه اكلم العملا الى بيستلمو حاجه بايظه بس مش عارف حسيت انها صعبه وقولت احسن وسيله انى انشر الخبر والى عاوز يصدق يصدق والى مش عاوز هو حر فى حياتى وعربيتوه وشكرا

الاخوه الى عاوز تتاكد فى المنصوره فى سمكرى اسموه احمد عزب فى شارع مستشفى الصدر ده بيصلح عربيات المعارض الزيرو وسمكرى دراجه اوله بجد والمعرض عندنا اتعامل معاه فى العربيه الكورولا الى ردة القايم دى والله اعلم الى هيروحلوه هيقولوه ولا لا بس الى يروح يكون ذكى ويوقعه فى الكلام وشكرا

المشاركة الأصلية كتبت بواسطة ashahbour

اخوانى الكرام اولا الى بيقول انى بخون امانه فاظن ان دى مش امانه والله اعلم وعلى فكره انا لسه فى الشغل ومش سيبتوه بس ناوى باذن الله اسيبوه فى اققرب فرصة
اما بخصوص انى عضو قديم وليه مش كتبت من زمان فانا شغال فى المعرض ده من شهر 3 الى فات لسه وكنت شغال حسابات بس وفى شهر 4 نزلت مسكت حركه وعرفة الليل فكرة ابقه اكلم العملا الى بيستلمو حاجه بايظه بس مش عارف حسيت انها صعبه وقولت احسن وسيله انى انشر الخبر والى عاوز يصدق يصدق والى مش عاوز هو حر فى حياتى وعربيتوه وشكرا

يا ashahbour احنا كلنا بنحييك على شجاعتك و خوفك على مصلحة الاخرين وشهادتك بكلمة حق و كلنا عارفين الشغل وضغوطة و مش سهل ان كل واحد يشوف حاجة غلط فى شغلة يسيبة
انت بس فجرت مفاجأة لآن كل الناس اصلاً بتخاف من المستعمل و بيهربوا للزيرو عشان اضمن ..فأى حد بيفجر مفاجأة او يعمل صدمة لحد ..لازم يتوقع اى رد فعل .. ونادر وحازم بيتكلموا بصفة عامة عن المبدأ مش لشخصك او المعرض اللى بتشتغل فية خصوصاً

واخيرا ..
لا الخوف من المستعمل ..هاينتهى
ولا الحذر من الزيرو ... هايختفى

دى حقايق موجودة و علينا مواجهتها و محاولة التغلب عليها