الموضوع: خاص لمن يريد شراء سياره جديده

أخواني الأعزاء تسمحولي أحكيلكم تجربة مماثلة حصلت معايا مع أني شاري العربية من بره مصر ، كنت اشتريت عربية النترا 2006 من السعودية زيرو و نزلت بيها مصر و جمركتها و الحمد لله مكنتش خبطتها و لا عملت بيها أي حوادث ، لغاية ما في مره و هيا واقفة جه ميكروباص و حك جنب العربية فخد معاه الباب الأمامي و جزء من الرفرف ، و لما رحت أرشها (بالطبع خارج التوكيل علشان غبور بيه و اعلاناته أنه غير مسئول عن أي سيارة من خارج مصر) المهم لقيت الراجل بيقولي هو انت راشش جزء من الباب الخلفي قبل كده ، قلت له لا دي العربية زيرو ، قالي بص كده من الجنب لقيت قعلاُ البوية الامامية ناعمة جداُ و الخلفية محببة شوية قالي علشان دي أخدت سكينة معجون طبعاُ مصدقتش الكلام ده بس بعد كده رحت لمهندس في التوكيل اتعرفت عليه قالي ساعات العربيات أثناء نقلها في المراكب بتتحك و تتجرح و طبعاً بنعالج الموضوع ده قبل بيع السيارة ما هو مش ممكن نرجع العربية علشان خدش و لا تجريح (بس بصراحة قايم كامل يتم استعدالة و تتباع كأنها زيرو هو ده النصب بعينه)
لكن اللي فهمته ان بعض الوكلاء المحترمين لما بيكون في عيب بسيط زي ده بيقولك عليه و ينزلك من سعر العربية كمان و الله أعلم
سامحوني على الأطالة

على العموم شركة مصرية اغلى من التوكيلات بكثير

شكرا اخوانى الكرام على ردودكم الجميل واتمنى الخير للجميع باذن الله وان تنتبهو جيدا عند شراء سيارة جديدة وبلاش نفرح بالدعايه والهدايا

اولا: شكرا جزيلا استاذ ashahbour على توجيهك النصيحة لنا جزاك الله خيرا عنا وربنا يفك كربك و يوسع عليك ويرزقك عملا اخر احسن من عملك مع هؤلاء ربنا يسامحهم :( عليك بالدعاء لله دائما بان يبدلك عملا غيره وتاكد ان الله سيكون معك ان شاء الله.

ثانيا: اسجد لله شكرا ان ربنا انقذني من ورطة شراء سيارتي من عندهم على اخر لحظة بعد ماكنت حجزت عندهم في الاول ولكن الحمد لله ربنا القى الرعب والخوف في قلب والدي منهم على اخر لحظة بعد ما بداووا بالتلاعب في الالفاظ وتغيير الكلام والاتفاقات بعد ما قبضوا مقدم الحجز وقعد يقوللي يابنتي دول نصابين الحقي نفسك وروحي خدي فلوسك قبل ماتتدبسي .. في الاول مكنتش مصدقة والدي وكنت بقول ازاي ناس زي دول ممكن يضحوا بسمعتهم علشان ايه يعني؟ بس الحمد لله لما بدأوا بالتلاعب من تاني يوم رحت وسحبت فلوسي وسمعت كلام والدي ورحت حجزت مع وكيل دايهاتسو نفسه وانتظرت شهر وقلت امري الى الله..

المهم بقى انا والحمد لله استلمت سيارتي خلاص بس هل ياترى الكلام ده ممكن برده يتعمل من الوكيل؟؟؟ يعني هل ممكن تكون عربيتي برده لا قدر الله اترشت او اتسمكرت قبل الاستلام وانا معرفش؟؟؟ وازاي ممكن اعرف حاجة زي كدة لو كانت حصلت ؟؟؟ ولا صعب الوكيل يعمل كدة والكلام ده بيحصل في المعارض بس؟؟ بالرغم من ان في اخ قال هنا سابقا انه اتعرض للموقف ده من وكيل سيارته في السعودية :(

المشاركة الأصلية كتبت بواسطة emam

احييك بشدة على صراحتك ياريت نسمع تعليق من زميلنا الاستاذ مصراوى على هذا الموضوع

اخى الفاضل اعتقد ان حضرتك خلطت بين مصريه والمصريه وفيه فرق كبير بين الاتنين يعنى الاولى هى توكيل متسوبيشى بمصر ودى ملهاش علاقه بالموضوع اللى اتكتب اما التانيه فهى مجرد شركه لبيع العربيات الزيرو .. يعنى الموضوع ليس له دخل بتوكيل متسوبيشى فى مصر وانما بأخلاقيات وضمير الشركه الاخرى