دعوة لتطوير ستيكر نايل موتورز
استأذن الادارة في دعوة الأعضاء لتطوير ستيكر نايل موتورز ليحقق هدفه بشكل افضل
وعايز اعرف آراء الأعضاء المختلفة في الموضوع علشان لو الجميع متفق يبقى الادارة مطلوب منها ترتيب الموضوع ده يمشي ازاي
اولا : نشرح للأعضاء الجدد يعني ايه هو (استيكر نايل موتورز)
هو استيكر يحمل شعار منتدى نايل موتورز يتم لصقه على سيارات الأعضاء
تقريبا ده شكله
http://www6.0zz0.com/2008/04/26/18/503603787.jpg
طيب سؤال مهم : ليه ستيكر – لزمته ايه
الاجابة : تحقيق انتشار اكتر للمنتدى – الأعضاء تعرف بعض
طيب سؤال تاني : هل هو مجاني
الاجابة : تم عمله بمقابل رمزي ليس لتحقيق مكسب ولكن للمشاركة في مصاريف الهوستنج يعني الاستضافة على السيرفر وطبعا الموضوع اختياري بحت ، وده كان بـ 25 جنيه وكان فيه كام موضوع لأعضاء تطوعوا لتوزيعه للي عايز من الأعضاء
وده كان الموضوع
http://www.nilemotors.net/Nile/showthread.php?t=6588
طيب ايه الجديد
الجديد اني بعد عدة شهور من وجود الاستيكر على عربيتي حسب الصورة المرفقة
http://www7.0zz0.com/2008/04/26/18/673600499.jpg
حسيت فيه بالعيوب التالية :
- صغير أوي فمحدش بياخد باله منه
- اللون كمان على العربية مش واضح كفاية
- الاستيكر على العربية محتاج مواصفات تصميم تختلف عن شعار او لوجو المنتدى على النت – يعني ايه – يعني مثلا كلمة (نايل موتورز) الواضحة لم توضح انه منتدى على النت الا لو قربت جدا جدا من الاستيكر وعرفت انه فيه www، وبالتالي لو حد قراها هيقول (آه ده اكيد معرض السيارات اللي شاري منه العربية) ويمكن فيه بالفعل معارض سيارات في مصر اسمها نايل موتورز وما اكتر استيكرات معارض السيارات على العربيات
طيب المقترح
المقترح تطوير الاستيكر
انا بديت بنفسي وصممت وطبعت ونفذت وعلقت كمان – كما بالصور (طبعا بشكل مؤقت)
بس هو ينقصه طبعا الجانب الجمالي او لوجو المنتدى أو ما الى ذلك
http://www7.0zz0.com/2008/04/26/18/536031561.jpg
هو تصميم بسيط جدا انما حقق المزايا التالية
- كبير وواضح
- كلمه www و .com واضحة قبل وبعد اسم Nile Motors وبالتالي وضح أوي انه موقع على النت مش معرض سيارات
- كتبت بالعربي (منتدى السيارات الأول في مصر)
- اكتشفت ان افضل لون للكتابة للستيكرات على زجاج العربية هو الأبيض على خلفية شفافة (انا طبعته على خلفية حمراء لأن الورق ابيض اصلا انما اعتقد ان الحروف البيضاء على خلفية شفافة واللي بنشوفها على عربيات كتير بتكون اكتر كلام باين على اي عربية)
http://www7.0zz0.com/2008/04/26/18/832246955.jpg
أخيرا عايز اسمع أراء الأعضاء في موضوع تطوير الاستيكر
ولو فيه موافقة جماعية نبدأ نتكلم على الحجم المناسب والتصميم ومكوناته ويا سلام يا سلام لو اتعمل مضيء زي الاستيكرات اللي طالعة مضيئة اليومين دول كما بهذا الموضوع
http://www.nilemotors.net/Nile/showthread.php?t=15288
وكما قلت في الأول لو الموضوع عليه (موافقة) يبقى لازم الادارة تتولى الاعداد