الموضوع: أنزل مصر ..... ولا أستمر في الغربة ؟؟ ... أشيروا علي.

انت ادري بظروفك فيه ناس رجعت و مبسوطة و الاكتر لما رجع مكنش مبسوط لانه معرفش يستثمر فلوسه بشكل جيد

لكن اللي شاغل تفكيري اليومين دول فعلا ازاي الواحد بعد ما اهله علموه و صرفوه عليه و ربوه يسيبهم و يسافر و هما بقوا كبار في السن و محتاجين او هيحتاجوا للرعاية

انا بحس ان معظم اللي بسافروا مبيفكروش في النقطة دي

المشاركة الأصلية كتبت بواسطة maka

انت ادري بظروفك فيه ناس رجعت و مبسوطة و الاكتر لما رجع مكنش مبسوط لانه معرفش يستثمر فلوسه بشكل جيد

لكن اللي شاغل تفكيري اليومين دول فعلا ازاي الواحد بعد ما اهله علموه و صرفوه عليه و ربوه يسيبهم و يسافر و هما بقوا كبار في السن و محتاجين او هيحتاجوا للرعاية

انا بحس ان معظم اللي بسافروا مبيفكروش في النقطة دي

النقطة اللى حضرتك ذكرتها دي مهمة جدا جداَ
لكن المشكلة ان الواقع بيفرض نفسة عليك بكل قوة
سواء الناحية المادية او الناحية المعيشية .

المشاركة الأصلية كتبت بواسطة nicegypt

النقطة اللى حضرتك ذكرتها دي مهمة جدا جداَ
لكن المشكلة ان الواقع بيفرض نفسة عليك بكل قوة
سواء الناحية المادية او الناحية المعيشية .

انا مع حضرتك والناحية المعيشية اهم من الناحية المادية

بس الواحد لازم يستحمل و يضحي علشان خاطر ناس ضحت

بس هيستحمل لحد امتي

المشاركة الأصلية كتبت بواسطة maka

انت ادري بظروفك فيه ناس رجعت و مبسوطة و الاكتر لما رجع مكنش مبسوط لانه معرفش يستثمر فلوسه بشكل جيد

لكن اللي شاغل تفكيري اليومين دول فعلا ازاي الواحد بعد ما اهله علموه و صرفوه عليه و ربوه يسيبهم و يسافر و هما بقوا كبار في السن و محتاجين او هيحتاجوا للرعاية

انا بحس ان معظم اللي بسافروا مبيفكروش في النقطة دي

والله يا أخي الكريم
حضرتك فرحتني جدا بالمشاركة دي

عارف أنا والله العظيم أهم سبب بيخلي فكرة الرجوع ملحة علي هي أمي ربنا يديها الصحة والعافية

دلوقتي عدت السبعين ورغم إن إخواتي موجودين جنبيها هم وعيالهم لكن ظروف المعيشه تاعبه الكل
وخصوصا إن الإنسان لما يكبر بيقى متعب ومحتاج صبر كتير في التعامل

وانا نفسي أنزل أعيش جنبيها وأراعيها وأوفرلها حياة كريمة

قلت لإخوتي أجيبلكم عربية علشان لو ماما إحتاجت حاجة توفرهالها بسرعة
لقيتهم بيقولولي فلوس العربية اديها لإخواتك يستفادوا بيها أحسن وماما بنخلي بالنا منها ما تخافش عليها

آخر مرة اتكلمت مع زوجتي قلتلها هأسألك سؤال وتجاوبي عليه بعد ما تفكري

اتخيلي لو إبني الصغير - على فكره أكبر أولادي عنده خمس سنوات فقط مش في مدارس خالص -
قلتلها لو هو كبر وكانت ظروفه الحمد لله مستورة وعنده اللي يكفيه
وبعدين جاتله سفرية بره براتب خيالي ما فيش وزير عندنا يحلم بيه
وانا كبرت في السن وكنت محتاجله
تخيلي لو سافر ورجع ما لقينيش هل هينفعه المال اللي هيجمعه

طبعا الستات بيجيبوا ألف مبرر علشان يفرضوا رأيهم - لكن انا مش بألتلفت لكلام زوجتي لو مش متوافق مع فكري وبأسمعه علشان أبقى مستمع جيد وأفكر فيه وبيعدي زيه زي غيره

يعني قالتلي ما هو هو هيبقى عنده عيال ومطلوب منه يوفرلهم حياة كريمة زي ما انت بتحاول
وبعدين ابعت نصف مرتبك لإخواتك وده هيخليهم يعيشوا هم ووالدتك في ظروف أحسن واتزل كل شوية سلم عليها
وكمان لو نزلت وظروفك اتبهدلت هتبقى تعاملك معاها زي تعاملهم لأنها هي نفسها مش هتتحمل معاناتك وفقرك

أنا الصراحة تقريبا أهم سبب بيدفعني للنزول هو إني أرافق أمي وأحاول اعوضها - عن قرب مش عن بعد - عن مآسي السنيت والتعب

وأكبر حاجة مخوفاني من النزول هي الوضع الأمني
يعني على سبيل المثال
نزلت من ثلاثة أشهر وروحت أسلم على واحد صاحبي في مكتبه لقيت بره مكتبه فرح فيه بيرة وشكلهم بيشربوا بانجوا كمان
والراجل قافل باباه ورافض يفتح رغم أنه سامع الجرس
في الآخر لما اتصلت عليه فتحلي وقالي معلش أنا خايف لحسن حد من بتوع الفرح يكون شارب وبيخبط علي
وأقسملي إنه عد وهو ماشي ستة وتلاتين رشاش آلي ناس ماسكينهم ومنهم أطفال وبيحيوا بيه كل شوية
وعلى فكره الصعيد وخصوصا المدن ما فيش فيه منظر الأسلحة اللي بتطلع في التلفزيون كده
ولا كان حد يجرؤ من عشر سنوات يظهر إمتلاكه لفردة كاوتش بتضرب نار

ومرة ناس عازونا نفض مشكلة روحنا واحنا قاعدين فوجئت بواحد اتنرفو وكاسر زجاجة بسبسي
والتانيين راحوا جابوا مطاوي وسنج
والوضع بقى حالة حرب مصغره وربنا سترها وما حدش اتعور وفي الآخر اتصالحوا وكل واحد باس التاني وكأن ما فيش مصيبة وقتل ودماء كانت ممكن تسيل لو مطوة واحدة طولت شوية وعورت حد

وده بيخليني أفكر في حلول بديله إن مثلا أنزل كل شهر أسبوع
الحمد لله دلوقتي قربت أبني شقة لوالدتي - قبل ما أبني لنفسي وده أقل واجب
وناوي أشطبهالها كويس وأكتبها بإسمها علشان تبقى قاعدة بكرامتها في ملكها

لكن مش عارف بعد ما أخلص اللي محتاجة هيكون معايا فلوس أعيش وأستثمرها ولا لأ لأن فيه إحتمال تحصل حركة ركود عقاري السنين الجاية وده وارد

أنا يمكن مش مشكلة عندي المعاناه قوي
يعني أي ظروف تعيشني وأي جو ممكن أتصرف فيه وأظبط فيه شغل يعيشني عيشه معقولة وخصوصا إن الحمد لله الواحد لسه سنه مش كبير وكمان عنده مهنة وخبره كويسين - بس دايما كل المجربين بيقولوا العيشه اللي بتاع الخليج متخيله في ذهنه مش هتناسب ولاده لأنهم مش هيتحملوا يعيشوا زي ما هو كان عايش ويصرفوا بنفس طريقته وهو صغير

الصراحة أنا دلوقتي كفة النزول راجحة يمكن بنسبة سبعين في المائة

أما موضوع إني أنزل إجازة وأجرب فمش عارف حاسس إن الواحد لازم يخوض التجربة مرة واحدة بعد ما يفكر كويس - لأني لو نزلت إجازة هتكون قصيره وممكن تديني إحساس ومفهوم مش حقيقي في أي الإتجاهين
وكل اللي بيحصل إني أنزل أصرف ما في الجيب وأرجع تاني آخد دوري في ماكينة جمع الفلوس

على فكره آراؤكم مش بتفيدني أنا بس لكن بتفيد ناس كتير بيقروا الموضوع
وعلشان كده ما تحوموناش منها

تحياتي

أنا آسف إني لن أقرأ كل الردود قبل أن أرد بسبب طولها وضيق وقتي هذه الأيام


وهذا هو ردي على موضوعك:

واضح إن حضرتك مهندس
يبقى في المجال
وبصفتي في المجال هكلمك على اللي انا شايفه


كلنا الآن سعداء جداً بعد أن طرد الله تعالى مبارك وأذله هو وأهله وجنوده

لكن بالنسبة للحالة الإقتصادية للبلد
فهي في أسوء حالاتها من سنوات طويلة
المكاتب الإستشارية بعضها قفل
وبعضها خفض المرتبات الربع أو النصف
وبعضها خفض وقت العمل مع تخفيض المرتبات

وبعضها الآن ومن المكاتب المشهورة بدأ يمضي الناس على إستقالة بدون تاريخ عشان يستعملها عند اللزوم

وبعض المكاتب لم تتأثر لكن دون توظيف جدد


شركات المقاولات
بعضها مشى ناس كثير
والبعض الآخر حاله مثل حال المكاتب الإستشارية الآيلة للإغلاق

شركات السيارات تعيش كساد لم تعشه من قبل
ويزيد عليه إنخفاض قيمة الجنيه مما أدى لزيادة الأسعار
وعندما تجتمع زيادة الأسعار مع الكساد وتوقف البيع فالنتيجة دمار
ربنا يستر


أقصد
لو إنت نازل عشان فاكر إن ثورة الجمعة المباركة 28/يناير حولت مصر إلى بدل غنية
يبقى إنت فاهم غلط ومنتنزلش


لكن لو هدفك من النزول هو إن معاك رأس مال ومش هتدور على مكان تشتغل فيه
فلك الإختيار


وملاحظة اخيرة
رغم أني لست من هواة السفر والعمل بالخارج
لكن هنك رد لاحظة لزميل عزيز

وهو يتحدث عن الوالدين وكيف نتركهم ونسافر للعمل بالخارج بعد أن تعبوا وربوا وعلموا

كلامه صحيح وجميل

لكنه يصطدم بواقع مر
هذا الواقع من الممكن أن تتغلب عليه بالصبر أحياناً
وتحمل الفقر والبطالة أحياناً

المهم أن النية هي عدم ترك الوالدين ليشعروا بالوحدة والوحشة

في النهاية لن يخذلك الله أبداً

لكن ليس كل إنسان سيتحمل ذلك حتى النهاية دون أن يجزع ويعترض ويتضرر من الأقدار وقد يصل بالبعض للكفر

نسأل الله العافية


ملاحظة أخيرة

لابد أن تلاحظ أن كثير أو أغلب السادة الأعضاء في هذا المنتدى هم طلبة حتى لو لقب البعض منهم نفسه بلقب مهنة معينة
وأنا لا أقصد الإعتراض على ذلك

لكن أوضح لك أنه قد يكون إحساسهم بسوق العمل منعدم نوعاً ما

والله أعلم

-

كل إللي بتحكية ده إشارات من الله سبحانة وتعالي إن رزقك هناك في الإمارات
أنا كنت زيك وأنا في السعودية
قعدت 3 سنين عايش عيشة ضنك ومش عايزة تفتح معايا ابدا ... لغاية ما أيقنت إن رزقي مش هناك
ولما نزلت مصر ربنا فتحها على والحمد لله
الوضع معكوس معاك .... إذن إقرا الإشارات جيدا ... وإستخير ربنا .... ثم إعقلها وتوكل