| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 5 1 2 3 4 5 الأخيرةالأخيرة
النتائج 1 إلى 10 من 50

  1. #1

    الصورة الرمزية yousef1978

    رقم العضوية : 46226

    تاريخ التسجيل : 05Sep2009

    المشاركات : 1,006

    النوع : ذكر

    الاقامة : ملوي

    السيارة: Mercedes 280E

    السيارة[2]: BMW 535

    دراجة بخارية: لا توجد

    الحالة : yousef1978 غير متواجد حالياً

    افتراضي أنزل مصر ..... ولا أستمر في الغربة ؟؟ ... أشيروا علي. - Facebook Twitter whatsapp انشر الموضوع فى :

    hasad">

    السلام عليكم

    أنا يا جماعة شغال في الإمارات - بلاد البترول الذي لا ينضب والمعمار الذي لا يضاهي - والنظام الذي لا يقارن
    والحر واللهيب الذي لا ينتهييييييييييييييييييييي ي

    أديلي ثمانية سنوات تقريبا وأنا متغرب
    وبأمانة تقريبا لم يمر علي يوم وشعرت فيه براحة نفسية

    كان سفري للإمارات إبتعادا من مشاكل إجتماعية كان البعد هو الحل الوحيد لمداواة جروحها

    عملت أول سنوات بوظيفة أقل واتبهدلت جسمانيا ونفسيا

    وفي السنوات الأخيره ربنا أكرمني وأخذت مكانة جيده في عمل

    كل ما أحاول ان أستقيل من عمل أجدهم يزودو راتبي لكن أصمم على موقفي وأستقيل وأدعوا الله أن أنزل
    ولكن أجد شيئا يعيق نزولي وبمنعني بشدة

    لدرجة إني أول مرة نزلت بعد سنة لقيتهم تاني يوم بيتصلوا علي في شغلانه قدمت عليها من حداشر شهر وبيقولولي الموافقة عليك طلعت تعالى استلم الشغل

    آخر مرة كانت من سنتين لما الكفيل اللي انا على إقامته قرر إنه لا ينتظر أكثر من ذلك ويلغي لي الإقامة لأني تركت العمل معه من سنة وعملت في شركة أخرى

    وفرحت وحمدت الله كثيرا - لكن كنت أعمل في جزيرة وظللت أسبوعا أنتظر أن تهدأ الرياح وتتحرك السفن حتى أرجع وآخذ حاجتي وأرحل - يعني إمشي - فوجدت واحد بيتصل علي ويقولي فيه واحد محتاج مهندس يعمله كفالة ويسيبه يشتغل براحته

    فضلت أشترط على الراجل وهو يوافق لغاية ما عملي إقامه وقالي اشتغل بره براحتك

    كل ما تيجي مشكلة وأقول هانت ربنا أراد إني أمشي وأذن أن يكون رزقي في مصر ألاقي المشكلة إتحلت

    كل ما أنوي خلاص ألاقي عقبة ليست بالهينة

    يعني مرة كل ما املك وهو تحويشة سنة ونصف طارت مرة واحدة في تجربة تجارية فاشلة وبقى علي فلوس

    مرة منتظر لما أكمل نصيبي في بيت علشان يكون عندي ملك عقبال عندكم جميعا

    مرة السفينه والرياح

    وأخيييييييييرا حصلت المفاجأة السارة التي كنت أتوقعها وثار الشعب المصري

    وفي أول فرصة لميت حالي وقدمت على إجازة ونزلت أنا وأولادي علشان ألحق الإستفتاء

    وبعد أسبوعين لقيتني خلصت فلوس فقلت مش مهم أرجع ألم حاجتي وأستقيل وكفى الله المؤمنين القتال

    ولغيت إقامة أولادي تماما حتى لا يفكروا في الرجعة بتيتا

    فوجئت بمشكلة هيتعرض لها أخويا ولازم أكمل ثلاثة أشهر وبعد كده اقدم استقالتي

    قلت في بالي أستمر شهر وبعدين أقدم على إجازة بأي طريقة وتكون مشكلة أخويا اتضحت

    زميلي في العمل استأذني وقدم على إجازة وقاللي اسبوع وأرجع علطوووووووووول
    فضل مأخر إجازته وبعد شهر نزل وقعدلي شهر هناك كمان وانا على نار

    قبل ما يرجع بيوم لقيت قرار جاي من المدير العام في أبو ظبي بإلغاء جميع الإجازات لأجل غير محدد وحاولت وحاول مدير الفرع يشوفلي حل وفي الآخر بعتلي إيميل بيقول فيه يا جماعة ما حدش يحرجني لأن ممنوع حد ينزل إجازات اليومين دول

    الثلاثة أشهر أوشكوا على الانتهاء وأنا كل يوم بيمر على كأني في سجن بورتو الخانكة

    من أسبوع لقيتهم بعتولنا العقود الجديدة وكان أول واحد يتبعتوله هو العبد لله
    وزودوا المرتب كمان والحمد لله ومطلوب ردي أوافق ولا أرفض والمنتظرين كثرررررررر

    مش عارف حاسس بمغناطيس بيشدني للبلد دي كل ما احاول أبعد عنها

    وغير كده كل ما أكلم الهانم زوجتي المصون تحكيلي عن - حادثة قبل النوم - وحوادث إيه من اللي قلبكم ما يستحملهاش من قتل وتمثيل جسس وفين في المنيا مش في الليثي ولا العتبة ولا شارع عبد العزيز - عبد العزيز بيه لحسن يكون معرفة حد فيكم -
    ده غير الخطف والإغتصاب والسرقة بالإكراه
    وإخواتي يقولولوي أوعى تنزل بري
    وألاقي واحد صاحبي بيكلمني يقولي إوعى تنزل طيران
    واحد تاني يقولي لو المغرب أذنت عليك في الطريق نام مكانك وما تتحركش
    وكل شوية واحد يقولي على شغل في الإمارات
    وواحد يبعتلي على سلف لأن الحال واقف

    مش عارف حسسوني كأن البلد في الضياع والحرب قامت خلاص والناس بتاكل في بعض وما حدش بيعرف أخوه

    طب إيه الحل - دلواكيييييت عاد - بالصعيدي

    أستقيل وأقول مصر أمامكم والكنسلة خلفكم

    ولا أستمر ولا أعمل إيه

    علما باني لو نزلت ممكن أخلي الإقامة شوية من غير ما ألغيها لكن الوظيفة هتروح مني ودلوقتي الحصول على فرصة عمل مناسبة في الإمارات كالحصول على لبن العصفور

    أنا خلاص كرهت حياتي ومنك لله يا مبارك ضيعت شبابنا وحياتنا وانت في السلطة وانت براها - ربنا يورينا فيك يوم لا ينسى من ذاكرة التاريخ

    أنا الصراحة طبيعتي عاطفي جدا ورومانسي شويتين وعندي حنين للشارع الزبالة اللي كنت عايش فيه وأنا صغير وللمدرسة الغبية اللي كنت بأنضرب فيها وأنا طفل وللترعة المعفنة دلوقتي اللي كنت بأعوم فيها من ورا أهلي

    أنا حاسس زي ما أكون سمكة قرموط كانت عايشه في مجراية ميه راكده وعكره فخدوها حطوها في بحر مالح بين شعاب مرجانيه
    وبعدين رجعوها تاني
    فالسمكة لو قعدت في البحر تحس إنها مخنوقة لأنها مش متعودة على السمك ده وعلى الملح ده
    ولما رجعوها للمجراية الحقيره حست بالإكتئاب من الفرق الشاسع بين المحيط الصافي والمجراية العكره

    أفيدوني أيها الناس
    أشيروا علي أيها الزملاء

    بس يا ريت بالله عليكم اللي يقول رأيه يفكر فيه كويس لأن المستشار مؤتمن
    وانا الصراحة مش بأحب التفكير التقليدي بتاع إن فاتك الميري اتمرغ في زبالته وعصفور في القفص خير من عشرة على السفرة والكلام ده

    تحياتي للجمييييييييييييييع

    بسم الله الرحمن الرحيم (حَتَّى إذا اسْتيْأسَ الرُّسُلُ وَظَنُّواْ أنَّهُمْ قدْ كُذِبُواْ جَاءَهُمْ نَصْرٌنَا فَنُجِّيَ مَن نَّشَاء ولاَ يُرَدُّ بَأسٌنَا عَن القوْمِ المُجْرِمِينَ ) صدق الله العظيم. سورة يوسف.110


  2. #2

    الصورة الرمزية ZALABANY

    رقم العضوية : 2846

    تاريخ التسجيل : 28Oct2007

    المشاركات : 2,776

    النوع : ذكر

    الاقامة : Cairo

    السيارة: Lancer 1600 cc F/O A

    السيارة[2]: Fiat tempra 94 1600cc

    دراجة بخارية: لا يوجد

    الحالة : ZALABANY غير متواجد حالياً

    افتراضي -

    نصيحة أخوية من واحد رجع وندم ما ترجعش لسه شوية على البلد دي
    ارجع لو معاك اللي يسكنك ف ارحاب او التجمع وعندك حاجه تجيبلك دخل ثابت 10 الاف جنيه في الشهر وعندك عربيتك ووظيفه محترمه
    غير كده ما ترجعش


  3. #3

    الصورة الرمزية waelfarid

    رقم العضوية : 43173

    تاريخ التسجيل : 06Jul2009

    المشاركات : 1,402

    النوع : ذكر

    الاقامة : حاليا السعودية

    السيارة: مازدا 929 مو89

    السيارة[2]: فيات 1100 واتعلمت فيها كل حاجة وبعتها

    دراجة بخارية: no

    الحالة : waelfarid غير متواجد حالياً

    افتراضي -

    اصبر واستحمل يا نجم انت طالع بره علشان اللي جوة يعرفو يعيشو مثال من اقوالك انك فكيت زنقة اخوك
    وما استحق ان يولد من عاش لنفسه فقط واصبر واحتسب الاجر عند الله
    وعلي فكرة كلنا كدة
    حد غاوي يتغرب
    وحب الوطن من الايمان وكله مقدر ومكتوب
    ونصيحة واحد قالهالي طول مافيه باب رزق مفتوح خليك فيه لحد ما يقفل لوحده متقفلوش انت بايدك وربك هو الرزاق توكل ولا تتواكل
    الاحوال في مصر لسة مش مستقرة وبرضه انت بتفيدها بفلوسك اللي بتبعتها او بتنفقها في مصر وربنا يوفقك ويوفقنا جميعا

    الحمد لله الذي عافانا مما ابتلي به غيرنا وفضلنا علي كثير ممن خلق وجعلنا مسلمين<!-- google_ad_section_end -->
    كن عالما أو متعلما أو محبا للعلم ولاتكن الرابع


  4. #4

    الصورة الرمزية amrelsaqqa

    رقم العضوية : 50133

    تاريخ التسجيل : 17Oct2009

    المشاركات : 4,727

    النوع : ذكر

    الاقامة : Menofia

    السيارة: Toyota Corolla 2001 1.3 A/T

    السيارة[2]: Peugeot 301 M/T 2014

    دراجة بخارية: لايوجد

    الحالة : amrelsaqqa غير متواجد حالياً

    افتراضي -

    استمرررررررررررررر واوعى ترجع دلوقتى


  5. #5

    الصورة الرمزية eng.m7md.ali

    رقم العضوية : 55300

    تاريخ التسجيل : 09Dec2009

    المشاركات : 8,794

    النوع : ذكر

    الاقامة : مدينة العبور

    السيارة: PROTON GEN2

    السيارة[2]: ...

    دراجة بخارية: no bike

    الحالة : eng.m7md.ali غير متواجد حالياً

    افتراضي -

    خليك عندك احسن
    مصر زي الاول ويمكن انيل كمان

    eng f3lix سابقا


  6. #6

    الصورة الرمزية Khaled Online

    رقم العضوية : 93531

    تاريخ التسجيل : 05Apr2011

    المشاركات : 2,095

    النوع : ذكر

    الاقامة : Cairo

    السيارة: غير معروف

    السيارة[2]: غير معروف

    الحالة : Khaled Online غير متواجد حالياً

    افتراضي -

    وعليكم السلام ورحمة الله
    شوف يا أستاذ يوسف

    حضرتك ممكن ترجع في أي وقت ومهما كانت ظروفك، لكن فيه حاجة منعاك: خوفك من البلد

    طيب أنا إن كنت مكان حضرتك هسأل نفسي مجموعة أسئلة:
    1. أنهي أحسن لي ولولادي على المدى الطويل؟
    2. هل عطشي لبلدي ممكن أرويه بإجازة أطول المرات القادمة التي يتاح لي فيها فرصة النزول ولا الموضوع أكبر من كدة؟
    3. هل هناك فرصة عمل أو تجارة معقولة في مصر هنزل عليها ولا هفضل أدور؟
    4. إن لا قدّر الله حصل في الأمور ما لا يرام لمّا أكون نزلت، مين هيقف جمبي لحد ما أقف على رجلي تاني؟ ولا مفيش؟
    5. هل ممكن أمسك العصى من النصف...أستقيل بس أخلي الإقامة وأنزل مصر وربنل يسهل؟ طيب هل أنا مستعد ماديا للكلام ده من ناحية لو فرصة الشغل والرزق اتأخرت في مصر؟ لاحظ إن عامل الولاد ومدرستهم هنا هيأثر على القرار.

    حال البلد مش هكلمك عليه عشان ميأثرش على تفكيرك ولا قرارك
    ولو عايز تفاصيل من هنا لحد بكرة، بسيطة... ممكن كل واحد من الزملاء الأفاضل في المنتدى يحكي عن تجربة واحدة حصلتله أو يقول رأيه في مصر بعد الثورة...حتى عشان يبقى مصدر معلوماتك أكتر من شخص

    ربنا يوفقك ويهديك للصواب


  7. #7

    الصورة الرمزية dramir1

    رقم العضوية : 63884

    تاريخ التسجيل : 02Mar2010

    المشاركات : 2,270

    النوع : ذكر

    الاقامة : cairo

    السيارة: بارك الله فيما رزق

    السيارة[2]: نيسان تيدا بلس 2010

    دراجة بخارية: no

    الحالة : dramir1 غير متواجد حالياً

    افتراضي -

    اقتباس المشاركة الأصلية كتبت بواسطة waelfarid مشاهدة المشاركة
    اصبر واستحمل يا نجم انت طالع بره علشان اللي جوة يعرفو يعيشو مثال من اقوالك انك فكيت زنقة اخوك
    وما استحق ان يولد من عاش لنفسه فقط واصبر واحتسب الاجر عند الله
    رأي صائب 10000%

    *اللهم اصلح احوال مصر واصرف عنها الفتن*


  8. #8

    الصورة الرمزية egyptiandiver

    رقم العضوية : 78189

    تاريخ التسجيل : 21Aug2010

    المشاركات : 2,570

    النوع : ذكر

    الاقامة : 6 october

    السيارة: Nissan Sunny 2013

    السيارة[2]: Lanos 2008

    دراجة بخارية: no

    الحالة : egyptiandiver غير متواجد حالياً

    افتراضي -

    Salam aleko
    I am sorry my friend I have no arabic on my key board... but this is your life & the choice is yours - if you have a good option in Egypt ok then return .... but if not stay in Emirates until the situation in Egypt becomes better because the economy now in Egypt is in a down turn - Allah kareem I know what u are speaking about because I was working in Saudi Arabia - may Allah change everything 4 u 4 the best
    Your brother
    Ahmed Samy


  9. #9

    الصورة الرمزية bassem.naguib

    رقم العضوية : 5577

    تاريخ التسجيل : 12Feb2008

    المشاركات : 4,439

    النوع : ذكر

    الاقامة : cairo

    السيارة: يا رب

    السيارة[2]: Fiat One twenty eight M/T

    دراجة بخارية: لا يوجد

    الحالة : bassem.naguib غير متواجد حالياً

    افتراضي -

    اقتباس المشاركة الأصلية كتبت بواسطة zalabany مشاهدة المشاركة
    نصيحة أخوية من واحد رجع وندم ما ترجعش لسه شوية على البلد دي
    ارجع لو معاك اللي يسكنك ف ارحاب او التجمع وعندك حاجه تجيبلك دخل ثابت 10 الاف جنيه في الشهر وعندك عربيتك ووظيفه محترمه
    غير كده ما ترجعش
    اقتباس المشاركة الأصلية كتبت بواسطة waelfarid مشاهدة المشاركة
    اصبر واستحمل يا نجم انت طالع بره علشان اللي جوة يعرفو يعيشو مثال من اقوالك انك فكيت زنقة اخوك
    وما استحق ان يولد من عاش لنفسه فقط واصبر واحتسب الاجر عند الله
    وعلي فكرة كلنا كدة
    حد غاوي يتغرب
    وحب الوطن من الايمان وكله مقدر ومكتوب
    ونصيحة واحد قالهالي طول مافيه باب رزق مفتوح خليك فيه لحد ما يقفل لوحده متقفلوش انت بايدك وربك هو الرزاق توكل ولا تتواكل
    الاحوال في مصر لسة مش مستقرة وبرضه انت بتفيدها بفلوسك اللي بتبعتها او بتنفقها في مصر وربنا يوفقك ويوفقنا جميعا
    الكلام ده عين العقل .

    وفيه نقطة عاوز أوضحهالك أن مصر مش بالسوء اللي أنت متخيله من حيث جرائم القتل والترويع والعجز الاقتصادي والحاجات دي .. لو ركزنا شوية وافتكرنا الماضي حنلاقي الصورة هي هي تقريباً قبل الثورة (وعلشان أكون صريح لأبعد حد الأوضاع أسوأ شوية صغيرة) .. كل ما في الأمر أن كان في توقعات للأحسن بس لسه محصلش (لأسباب عديدة ومعروفة) بالإضافة إلى تركيز الإعلام على الجرائم وخلافه .
    وعلى فكرة ده طبيعي لأي شعب بيمر بالمرحلة دي بعد أي ثورة .. وإن شاء الله الأمور تبقى في تحسن باستمرار .. علشان كدة استحمل وخليك هناك لحد ما الأمور تستقر بشكل كبير وساعتها لو عاوز تنزل بشكل نهائي أنزل على حسب رغبتك .






    Life's too Short for the Wrong Job

    ziabassem سابقا


  10. #10

    الصورة الرمزية عمرو عمارة

    رقم العضوية : 4782

    تاريخ التسجيل : 23Jan2008

    المشاركات : 1,853

    النوع : ذكر

    الاقامة : القاهرة

    السيارة: سيريون 2008 1.3 16v

    السيارة[2]: كليو 2003 1.2 16v

    دراجة بخارية: لا

    الحالة : عمرو عمارة غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة yousef1978 مشاهدة المشاركة

    أستقيل وأقول مصر أمامكم والكنسلة خلفكم

    ولا أستمر ولا أعمل إيه

    علما باني لو نزلت ممكن أخلي الإقامة شوية من غير ما ألغيها لكن الوظيفة هتروح مني ودلوقتي الحصول على فرصة عمل مناسبة في الإمارات كالحصول على لبن العصفور

    أنا خلاص كرهت حياتي ومنك لله يا مبارك ضيعت شبابنا وحياتنا وانت في السلطة وانت براها - ربنا يورينا فيك يوم لا ينسى من ذاكرة التاريخ

    أنا الصراحة طبيعتي عاطفي جدا ورومانسي شويتين وعندي حنين للشارع الزبالة اللي كنت عايش فيه وأنا صغير وللمدرسة الغبية اللي كنت بأنضرب فيها وأنا طفل وللترعة المعفنة دلوقتي اللي كنت بأعوم فيها من ورا أهلي

    وعليكم السلام يا باشا

    بص يا باشا.....طبعاً حقك تحن للوطن وتشتاق للشارع القديم ولكن في أرض الواقع الحال بيختلف كتير جداً

    المشكلة إن إنت متعود على مستوى معيشة معين في ظروف خاصة صعب إنك تنزل عنها ومش هتلاقي بسهولة نفس مكانة وظيفتك وراتبك هنا في مصر

    أنا والدي أستاذ جامعي كان مقيم في مكة عشر سنوات وقرر من سنة فاتت يأخذ نفس قرارك ده لنفس الأسباب......والله شهر ومستحملش وكان ندمان أشد الندم على الإستقالة إلي أقدمها وكان بيكلم معارفه هناك ورئيس القسم للرجوع ولكن المحاولات فشلت والحمد لله ربنا رزقه بشغل خاص في السعودية....بيقعد إسبوعين ويسافر إسبوع وده فرج عنه كتير

    أنا مش بقولك إهنا هنا عايشين في جحيم....لأ....بس إهنا متأقلمين خلاص على ظروف المعيشة وبنحاول نغير البلد ونفسنا البلد تنضف عشان ولادنا وأنا جالي كذا عرض للسفر برة ورفضت لهذه الأسباب

    وفقك الله

    قال رسول الله صلى الله عليه وسلم " لا تزال طائفة من أمتي ظاهرة على الحق حتى تقوم الساعة "



 
صفحة 1 من 5 1 2 3 4 5 الأخيرةالأخيرة

المواضيع المتشابهه

  1. مواقف وطرائف ...فى بلاد الغربة
    بواسطة emadkamel في المنتدى المنتــــــدى الاجتمــاعى
    مشاركات: 42
    آخر مشاركة: 11-01-2017, 09:32 AM
  2. اخوكم في الغربة محتاج مساعدة اجدع ناس
    بواسطة amruo في المنتدى ورشـــة نــايل مــــوتـــورز
    مشاركات: 7
    آخر مشاركة: 21-03-2012, 07:40 PM
  3. اخوكم في الغربة محتاج مساعدة اجدع ناس
    بواسطة amruo في المنتدى ورشـــة نــايل مــــوتـــورز
    مشاركات: 0
    آخر مشاركة: 20-03-2012, 10:28 AM
  4. أنزل الى الشارع --- بلال فضل --
    بواسطة ashouhdy في المنتدى المنتــــــدى الاجتمــاعى
    مشاركات: 17
    آخر مشاركة: 22-03-2011, 06:24 PM
  5. أشيروا عليا يا شباااب معايا 75 ألف و عايز عربية مستعملة
    بواسطة batool2008 في المنتدى المنتــــــدى العـــــــــــام للسيــارات
    مشاركات: 23
    آخر مشاركة: 22-10-2008, 01:57 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2