الموضوع: محدثتكم نور القمر من الفارم فيل الحقيقية (تم اضافة الصور)

شكرا للجميع ودعواتكم
لو نسيت ارد على حد ميزعلش لان النت بطيء جدا وببقى مش عارفة اعمل اقتباسات لكل المشاركات
البتاو حاجة شبه الرقاق بس حجمها اكبر والعجينة مكونها الرئيسي دقيق الذرة ودقيق القمح بيكون الربع مع دقيق حلبة وبيتبني له فرن من الطين كبير يساع البتاوه
بتوع الفيوم في القاهرة بيبعوه بس مش حلو ولا مظبوط زي بتاع بلدنا وبنجيب خبازة مخصوص للبتاو لانه مش سهل عمايله والهانم دي لازم تتحجز من قبلها بشهر وتششرط وتتنك على الناس براحتها
العيش الشمسي معرفوش ده مش تبعنا تقريبا اهل قنا او السوهاج هم اللي بيعملوه
هنا في العيش العادي البيتي الي بيبعوه بتوع الفيوم بردو بس بردو مش حلو وهو ممكن يتخبز عادي في الفرن بتاع الغاز بس طبعا في الفرن البلدي الطين بيبقه له طعم اروع وبيبنوا له فرن صغير توفيرا للطاقة والشجر المستخدم في النار مدام الموضوع هايبقه للعيش بس
اما موضوع نجيب بقر وحيوانات وطيور انا بهزر وبحلم مع الولاد
الحاجات دي عايزة رعاية من فلاحين وناس تكون متواجدة باستمرار
سن سيت تأجير ايه انا اصلا ناوية لما نخلص ان شاء الله هعمل دعوة عامة لكل البنات في المنتدى يجو يقضوا وقت معايا في البلد والمسافة ساعتين ونص بس سفر بس ادعيلي ده عمي قعد سنتين يبني في فيلته