الكارينز ما بتسحبش....افيدونى

**all4love** · 17-06-2011 05:41 PM

المشكله ديه في البنزين انا كانت بتحصل معايا برضو رحت التوكيل عملتها صيانه قالي مفهاش حاجه بس الكارنز مينفعش تدوس عليها جامد بس تابعت معاها بقالي فتره لقيت انو البنزين في بعض المحطات بيغشوووه

**RedBull_30** · 17-06-2011 06:08 PM

مع احترامي لكل الاراء اللي سمعتها حرام اوي ننصح الراجل بانه يدوس على ااموتور ويفتحه والكلام ده ولسة العربية عاملة 1100 , انا متأكد انك هتلاقي في المنوال بتاع العربية زمن للتليين وسرعات مححدة ميتفعش تتخطاها لغاية ما عداد الكيلو متر يوصل لرقم معين اكيد مكتوب عندك وانا عن نفسي بنصح كل الناس بلاش موضوع التفتيح ده وبلاش تقرص على الموتور قبل 5000 كيلو
ومن ناحية تانية نرجع لمشكلتك اولا حاول متحطش بنزين غير من محطة انت واثق منها و ثانيا اعتقد بشكل كبير ان الموتور محتاج يتزبط على الكمبيوتر بتاع التوكيل واحتمال يبان ان فيه مشكلة في بوجيه محتاج تنضيف او يمكن مش واصل ليه كهربا من الاصل

اخيرا بلاش تقرص على العربية وتحاول تجرب قوتها بدري بدري كده وان شاء الله تطلع المشكلة بسيطة عن كده ومتقلقش محركات كيا الجديدة كلها جميلة و بتسحب كويس بس انت تصبر و تروح التوكيل و اوعى تخلي حد يتعامل معاها غير التوكيل

**hany667** · 19-06-2011 11:48 AM

السلام عليكم وارق التحية
حضرتك ده مش الطبيعى للعربية أنا معايا الهاى لاين وعامل 13000 كم وبصراحة زى الفل اللى عند حضرتك ده مش طبيعى وبأنصحك أنك لازم تروح التوكيل أكيد الموتور عايز يتظبط وبلاش موضوع تفتح الموتور العربية لسة بتلين وعلى فكرة ان اصل لسرعة مثلا 130 او 140 بيكون ببساطة والموتور عدد لفاتة لا تزيد عن 3500 تقريبا وعموما تحت أمرك فى أى إستفسار

**mohamed_selim** · 19-06-2011 12:04 PM

المشاركة الأصلية كتبت بواسطة ansa3a

مشكلة السحب دى تتحل فى التوكيل روح والمهندس يطلع يجربها معاك واذا كان فيه مشكلة اكيد هيكتشفوها

وتتحل ان شاء الله

اما بالنسبة لتجربتى مع الجميلة الكارينز

السحب ممتاز بالنسبه لحجمها واسهلاك الوقود ده ليا معاه تجارب غريبة جدا واكتشفت فيها حاجه غريبة

الكارينز على السرعات الضعيفة من 60-100 كيلو متر استهلاك 13.3 كيلو فى اللتر بكل دقه يعنى ممتاز جدا

وده بيكون معظم الوقت داخل المدينه انا ساكن فى الشروق وبنزل بيها مصر الجديده ووسط البلد استهلاك رائع مع التكييف كمان

اما الغريب ان لما بسافر بيها وبدوس اكتر من 120 بيزيد الأستهلاك ووصل معايا 12 كيلو فى اللتر بحسابات دقيقة

ولما مشيت بسرعة من 140-160 استهلاك رهيب وصل 8 كيلو متر فى اللتر يعنى احسن اداء ليها على السرعات المتوسطه والضعيفة عكس كل السيارات ودى تجربتى بالنسبة للأستهلاك البنزين

وانا وصلت بيها ل 23000 كيلو متر وجربت فى جميع الظروف

وللعلم انا معايا خليجى هاى لين 2011

ارجو انى اكون شاركت بما يفيد

ده طبيعى فى اى عربيه .. افضل استهلاك بنزين لو السرعه 90 ... اقل من كده او اكتر الاستهلاك هيزيد ... طبعا ده فى الظروف القياسيه يعنى مفيش ريح فى وشك و الطريق يكون مستوى ....

كل ما تجرى مقاومة الهوا بتزيد فاستهلاك البنزين يزيد ....

يوم الاربع رحت الغردقه عامل حوالى 11.5 كيلو فى اللتر ... ماشى ما بين 110-140 و التكييف شغال ...
رجعت امبارح ماشى 110-120 و هوا شديد فى وش العربيه و مشغل التكييف اللتر عامل 8 كيلو ...
فرق استهلاك كبير بس مقاومة الهوا من اكتر الحاجات اللى بتستهلك بنزين على الطريق السريع و كان هوا شديد جدا

**MMMERO** · 20-06-2011 05:34 PM

السلام عليكم
اولا احب اطمنك ان العربية اصلا مش كدة خالص العربية لو فى هواء ومشغل التكييف على وضع الاتو مش هتجيب اكتر من 150 -160 انما لو قلبت على المانيول هتلاقى فرق كبير انا جربت لغاية 190 بس خفت بصراحة من السرعة ومنصحش اى حد ان يعملها والعربية حتى 150 ودة انا جربتة على طريق الاسكندرية زى الفل والثبات ممتاز اكتر من كدة مش حلو اوى
انما مشكلتك دى لازم العربية يتم الكشف عليها فى التوكيل علشان تعرف السبب وكمان ما تقرص على العربية اوى اكشف الاول وبعدين جرب زى ما انت عاوز