الكارينز ما بتسحبش....افيدونى

**mizo6** · 12-06-2011 08:56 PM

ارجوكم يا خبراء واصحاب الكارينز افيدونى لان انا بصراحة قربت اقفل من العربية دى والسبب ان النهاردة وانا راجع على طريق اسكندرية الصحراوى ومشغل التكييف والعربية على وضع الاوتوماتيك وبضغط بنزين وحاسس ان العربية متكتفة وبعد سرعة 90 او 100 كل ما اضغط بنزين عدد لفات الموتور يزيد ويوصل الى5000 وصوت العربية يعلى فاضغط بنزين زيادة ببطء عشان تدى الغيار الاعلى الاقى الصوت يهدى شوية وعدد لفات الموتور ينزل الى 3000 ومع الضغط على البنزين الاقى الصوت يعلى تانى وعدد اللفات يعلى تانى .

نفس الموضوع اتكرر كتير و العربية متكتفة ومش راضية تزيد عن 120 روحت محول على وضع المانيوال فبداءت تسرع شوية بس ببطء ولما طفيت التكييف الوضع بدأ يتحسن اكتر.

الخلاصة ان عند تشغيل التكييف الوضع بتبرجل تماما مع العلم ان العربية عاملة 1100 كم فقط وكان معايا قبلها نيسان صنى وكان سحبها احسن مع العلم ان الناس قالولى العكس.

عشان كده انا خايف العربية يكون فيها مشكلة والل يمكن انا باعمل حاجة غلط فارجوكم افيدونى بسرعة افادكم الله

**ahmedsrs** · 12-06-2011 08:59 PM

انا معنديش كارينز بس العربية شكلها كبير على الموتور

**ashouhdy** · 12-06-2011 09:02 PM

انت لسة فى اول 1000 كيلو ... متحكمش عليها قبل ال 5000 وحاول تبقى تفتحها من وقت الى اخر

**loshabih** · 12-06-2011 10:14 PM

المشاركة الأصلية كتبت بواسطة mizo6

مش فاهم يعنى ايه افتحها

تفتحها يعني تقرص عليها وتجري بيها وتخلي عدد اللفات يعلي وبعدين وديها الصيانه يمكن الكومبريسور فيه حاجه وهيا اللي محمله علي الموتور

**mizo6** · 12-06-2011 10:27 PM

فين يا جماعة ردود خبراء الكارينز

**wshm** · 12-06-2011 10:28 PM

أنا معنديش كارينز و ناوي أشتريها و بسؤل مالكي الكارينز العربية فيها نظام الكيك داون يعني لما تدوس على دواسة البنزين أوي بتسقط غيار علشان تدي عزم للعربية و تسارع ليها في الحالات الحرجه و ده فعلاً إلي كان بيحصل مع حضرتك
يريت حضرتك تفيدني بخصوص معدل أستهلاكها للبنزين

**kar!m** · 12-06-2011 10:48 PM

يا باشا أنا اللى أعرفه ان اداءها مقارب للسيراتو .. أنا شايف برضه انك تستنى شويه و تحاول تفتحها و شوف الموضوع ده
http://www.nilemotors.net/Nile/196253-a.html

**mizo6** · 13-06-2011 11:43 AM

المشاركة الأصلية كتبت بواسطة wshm

أنا معنديش كارينز و ناوي أشتريها و بسؤل مالكي الكارينز العربية فيها نظام الكيك داون يعني لما تدوس على دواسة البنزين أوي بتسقط غيار علشان تدي عزم للعربية و تسارع ليها في الحالات الحرجه و ده فعلاً إلي كان بيحصل مع حضرتك
يريت حضرتك تفيدني بخصوص معدل أستهلاكها للبنزين

لحد دلوقتى محسبتهاش لان المشكلة دى مضيانى بصراحة ومش لاقى اجابة شافية لحد دلوقتى

**mohamed_selim** · 13-06-2011 12:17 PM

حضرتك عملت صينة 1000 ؟
روح اعملها و هتحس بفرق جامد ... متحكمش على العربيه فى الاول كده لازم تغير زيت و هينضفو البوجيهات و هتلاقى الدنيا مختلفه

كمان ال rpm المفروض ميعلاش عن 4000 فى التليين .... ارجع للمانوال و هتلاقى شوية نصايح

انا عامل 17000 لحد دلوقتى و اغلبهم على طرق سفر و العربيه بتجيب 160-170 مستريح (بس ميكونش فى هوا فى وشك)

الموضوع: الكارينز ما بتسحبش....افيدونى

LinkBack

أدوات الموضوع

عرض

-

-

-

-

المواضيع المتشابهه

العربية ما بتسحبش ومخنوقة ... أعمل ايه

الكارينز ما بتسحبش....افيدونى ارجوكم

العربيه ما بتسحبش

الكارينز بعد 1200 كم (الكارينز لا تقارن)

لانوس ما بتسحبش وصوتها عالي

الكلمات الدلالية لهذا الموضوع

المفضلات

المفضلات

ضوابط المشاركة