-
اختناق فى السرعه ؟
السلام عليكم ورحمة الله وبركاته
بعد اذن حضراتكم عايز حد يعرفنى ليه العربيه مش بتسحب معايا زى الاول مع العلم ان العربيه زيرو ولم تكمل عامها الاول حتى الان بمعنى طلوع الكبارى بحس ان العربيه مخنوقه اوى ومش بتسحب معايا خالص لدرجه انى بحس ان العربيه هاتبطل منى مع العلم انى بنزل بالغيار للاقل ومع ذلك بردو حاسس باختناق فى العربيه هل ده من فلتر الهواء ولا فى حاجه تانى ؟
للعلم العربيه شيفورليه لانوس موديل 2011
ولكم منى جزيل الشكر
-
عامله كام كيلو ؟؟
اخبار الصيانه ؟؟
البوجيهات ؟؟
الفلاتر ؟؟
-
عامله 14600 ك
والصيانه منتظمه فى التوكيل كل 5000 ك
وكل زياره للتوكيل بغير فلتر الزيت والبنزين
-
طب و فلتر الهواء ؟؟ روح عند واحد بتاع كاوتش ,, و فكه و انفخه بالهواء , او غيره
و شوف النتيجه
-
و ايه اخبار سواقتك ؟؟ هاديه و لا رياضيه ؟؟
لأن ممكن تكون العربيه مكتومه من المشي الهادي و البطيء و الزحام
-
بالعكس يا استاذ احمد انا مش بحب السواقه الهاديه وده اللى مخلينى عايز اعرف العيب منين ومش عايز اخلى حد يلعب فى العربيه وانا مسافر دلوقتى ومش هاعرف اروح التوكيل قبل 10 ايام علشان كده بتقل عليكم وبسأل وانا بجد شاكر لحضرتك جدا وهاعمل بنصيحتك بكره ان شاء الله واوديها لحد ينضف فلتر الهواء وربنا يسهل
ومره تانى الف شكر لحضرتك وجزاك الله خير
-
روح قفل العداد على طريق السخنه أو امشى على سرعه عاليه .. وارجع وهتلاقى الدنيا تمام ان شاء الله :00020140:
وربنا يكفيك شر الطريق
-
انا عملت زى ماقالى استاذ احمد ونضفت فلتر الهواء وحسيت ان فى فرق كبير عن الاول ابتدت العربيه تسحب معايا وان شاء الله انا راجع من السفر بعد كام يوم وهاجرب اكتر على طريق اسكندريه الصحراوى وربنا يسهل ان شاء الله والف شكر لكم جميعا على تعاونكم معى وبجد انا سعيد جدا انى اشتركت فى منتدى رائع زى ده
تحياتى لكل القائمين على المنتدى وجزاكم الله خير
-
عفوا يا أستاذ هاني
لو فعلا المشكله في الفلتر .. انت كده ممكن تغيره .. و تمنه مش هيجيب 20 جنيه .. هتحس بفرق أكبر كتير في السحب
-
ان شاء الله انا نازل القاهره قريب وهاروح التوكيل علشان الصيانه الدوريه وهاغير الفلتر بالمره وبجد والله انا استفدت كتير جدا من المنتدى واقسامه كلها غاية فى الروعه وربنا يجازيكم خير على المعلومات القيمه اللى بتفيدو بيها الناس
Content Relevant URLs by
vBSEO 3.6.0 PL2