علامة في التابلوه مش موجودة في الكتالوج

**firstknight_eg** · 12-06-2011 10:15 PM

يا جماعة النهاردة وانا سايق ظهرت علامة غريبة المهم صورتها وبصيت في الكتالوج ما لقيتلهاش اثر

العربية تيجو 2000 سي سي اتوماتيك

والعلامة لما بطلت ودورت تاني راحت، ها يا جدعان ايه الافادة

**khaled_Saga** · 12-06-2011 11:18 PM

العلامة مش واضحة منقدرش نحكم ومش هقدر اقولك صورها تانى لانها مبقتش موجودة وان شاء الله متظهرش تانى

**firstknight_eg** · 12-06-2011 11:35 PM

استاذ خالد هي علامة لونها برتقالي وشكلها تقريبا زي شكل العلامة بتاعت الفرامل اللي هي رقم 8 بس طلعت مكان العلامة رقم 12

والغريب انك لما بتدور المفتاح تكة واحدة العلامة ديه ما بتنورش اصلا

ومحدش يقول انها علامة الفرامل عشان علامة الفرامل بتنور وتطفي عادي

الشيء الغريب انها مالهاش وجود في الكتالوج لا العربي ولا الإنجليزي

**khaled_Saga** · 12-06-2011 11:40 PM

انا فعلا كنت هقولك انها شبه علامة الفرامل

انا راييى انها مادام مظهرتش تانى يبقى مفيش قلق ومتضايقش نفسك خالص وربنا يباركلك فى عربيتك وتفضل مستمتع بيها

**firstknight_eg** · 12-06-2011 11:48 PM

المشاركة الأصلية كتبت بواسطة khaled_saga

انا فعلا كنت هقولك انها شبه علامة الفرامل

انا راييى انها مادام مظهرتش تانى يبقى مفيش قلق ومتضايقش نفسك خالص وربنا يباركلك فى عربيتك وتفضل مستمتع بيها

علي فكرة ديه تانية مرة تظهر بس اول مرة من فترة بعيدة بس اول ما تبطل تروح علي طول وانا تقريبا عرفت هي بتظهر إزاي بتظهر لما تبقي العربية باردة وتبقي دايس بنزين خفيف وفجأة تتقل رجلك علي البنزين ، تديك العلامة ديه اكنها بتقولك خد بالك

المهم انا والحمدلله ما عنديش هس هس الصيني، ومستمتع بالعربية علي الأخر وربنا يديمها علينا نعمة إن شاء الله

بس اللي غايظني إزاي علامة في العربية ومش موجودة في الكتالوج

عموما انا صيانة ال 15 قربت وهسأل في التوكيل واقولكوا

**khaled_Saga** · 13-06-2011 12:25 AM

المشاركة الأصلية كتبت بواسطة firstknight_eg

علي فكرة ديه تانية مرة تظهر بس اول مرة من فترة بعيدة بس اول ما تبطل تروح علي طول وانا تقريبا عرفت هي بتظهر إزاي بتظهر لما تبقي العربية باردة وتبقي دايس بنزين خفيف وفجأة تتقل رجلك علي البنزين ، تديك العلامة ديه اكنها بتقولك خد بالك

المهم انا والحمدلله ما عنديش هس هس الصيني، ومستمتع بالعربية علي الأخر وربنا يديمها علينا نعمة إن شاء الله

بس اللي غايظني إزاي علامة في العربية ومش موجودة في الكتالوج

عموما انا صيانة ال 15 قربت وهسأل في التوكيل واقولكوا

لا ماهو كتالوج الاسبرنزا فيه العجايب ولا يرقى انه يكون كتالوج لعبة اطفال .. فعلا حسيت فى بعض النقاط انه بيتكلم عن عربية تانية غير عربيتى

**zipper** · 13-06-2011 12:46 AM

السلام عليكم و رحمة الله و بركاته

استاذ firstknight_eg برجاء عمل كشف على كمبيوتر العربية افضل بكتير لان لو فيه حاجة او مشكلة فى الحسسات الكمبيوتر يكشفه بدل ما المشكلة ما تتفاقم بالتوفيق ان شاء الله

**samehsalem** · 13-06-2011 12:57 AM

باشا حضرتك تشتري علبة زيت باكم وتزود زيت الفرامل والعلامة هتروح انشاء الله بس هات زيت موبيل...وابقي طمني عملت ايه

**firstknight_eg** · 13-06-2011 01:32 AM

المشاركة الأصلية كتبت بواسطة samehsalem

باشا حضرتك تشتري علبة زيت باكم وتزود زيت الفرامل والعلامة هتروح ان شاء الله بس هات زيت موبيل...وابقي طمني عملت ايه

استاذ سامح والله انا شكيت انها الفرامل وبصيت علي زيت الفرامل لقيته مليان علي الاخر

انا عموما رايح التوكيل قريب وهسأل عليها واديني مصورها علي الموبايل عشان عارف انه هيقول مفيش حاجة زي ديه