السلام عليكم ورحمة الله وبركاته

معلشى ياجماعه انا عارف انى بغتت عليكم اليومين دول وكل شويه اعمل فيكم مقالب وزمانكم بتقولوا هو الواد بتاع دمنهور ده فاضى ومش وراه حاجه غيرنا
مره اقولكم انى بعت العربيه ومره افكركم بموضوع الفار دخل المصيده


انا فعلا فاضى اليومين دول وبرجع من الشغل مش ورايا حاجه غيركم حتى كورس البرمجه اللى كنت حاطط عليه امل متكعبل فيه اخر كعبله وكل شويه يعطل كانه عربيه كحيانه عاوزه تروح مقلب خرده واخرها المحاضر بتاعنا مرته ولدت من 3 اسابيع ومن ساعتها مشفناش وشه وشكله حالف مايرجع الشغل قبل لما بنته تروح المدرسه

المهم دية شوية فيديوهات من اليوتيوب بتوضح اد ايه اللوجان عربيه جامده وبتقدر تدخل مناطق جبليه وتنزل منحدرات وتطلع مطالع وطبعا علوها مساعدها على كده
والميزه انها بتحسسنى انى راكب عربيه دفع رباعى لانى بحب النوع ده جدا من العربيات بتحس فيه بالامان وان الطريق ملكك


[youtube]http://www.youtube.com/watch?v=xPrXTkPTUDk[/youtube]

[youtube]http://www.youtube.com/watch?v=odKN9mxvAY0[/youtube]

[youtube]http://www.youtube.com/watch?v=I9YcKOuQOdU[/youtube]

[youtube]http://www.youtube.com/watch?v=ST6EqtSITM0[/youtube]

وفيه فيديوهات تانيه كتير بس النت مش مساعد عندى وبطىء جدا واللى عاوز اكتر يكتب فى اليوتيوب logan offroad