الموضوع: ترموستات الكوع

المشاركة الأصلية كتبت بواسطة syd

ياجماعة احنا بنتكلم عن الحرارة وكأن العربية اشتكتلك
العربية اللادا ومعظم العربيات مصممة علي حرارة تشغيل 89 وهتلاقي ثرموستات الردياتير الفبريكة 89
بالنسبة لثرموستات الكوع فهو في غاية الأهمية لأنه بيحافظ علي درجة حرارة الموتور عند درجة تشغيله المصمم ليها وفعلا لو اتشال هتلاقي العربية مع السرعات والطرق المفتوحة درجة حرارتها نزلت كتير لدرجة انك لو وقفت هتلاقي الموتور بيرعش من البرودة
ولو شيلته بردو هتفضل تشتكي من الحرارة العالية في الاشارات
الحل انك تغير ثرموستات الردياتير بواحد اقل 67 - 81
ودة هيحل جزء من المشكلة بتاعتك
الحل التاني تغير الردياتير بواحد اكبر شوية (3 ماسورة) الميه هتبقي اكتر وبالتالي هتاخد وقت اطول علي ماتسخن وفي نفس الوقت هتاخد وقت اطول علي ماتبرد
الحل الثالث تركب مفتاح للمروحة تشغلها من جوة وياريت لو مفتاح بلمبة مبين عشان تعرف ان المروحة اشتغلت لو اشتغلت من الثرموستات
الحل الرابع استخدم مية خضرا تركيز 50%

انا شخصيا غيرت الكوعة تماما بواحدة من غير ثرموستات بتاعة 124 وندمت علي الاصلية
حاول تدور علي كوعة ولو استيراد وتركبها لأن بجد مهم جدا الحفاظ علي درجة حرارة الموتور

والله المستعان
،
،

اولا الكلام منطقى ومقبول جدا
ثانيا فى الاشارات وبعد شيل ترموستات الكوع الحرارة مش بتوصل لدرجة عالية زى الاول لكن فى الفر فى التاء او فى مواجهة الهواء الحرارة بتنزل فعلا جامد وده اللى بيخوف الواحد على الموتور + خوفى ليكون التنتيشة على الغيار التانى وبالذات والعربية لسة فى بداية التشغيل -صباحا او ظهرا - ليكون السبب منها

ثالثا انت بتقول انك غيرت الكوعه ب كوعه 124
هل ده معناه ان كوعة اللادا راكب فيها او معاها الترموستات مش موجوده الا اسيراد ومفيش منها جديد ؟؟؟

بكرر
ولا واحد معاه لادا غير ترموستات الكوع ؟؟
عايزين حد ينقل لنا تجربة تغيير ترموستات الكوع
ويقول لنا الاسعار او الانواع

عندى شايلها ومركب مروحة تستمد حركتها من الموتور او الكرنك
عند زميلى شايلها ومركب مروحة كهرباء بثرموستات 60-82
عندى الحرارة بتوصل اول الاخضر فقط سوا فى اشارات او مشوار سفر
عند زميلى درجة الحرارة من اول الاخضر الى نهاية الاخضر فقط وصوت الموتور اهدى من عندى

المشاركة الأصلية كتبت بواسطة mrastra

عندى شايلها ومركب مروحة تستمد حركتها من الموتور او الكرنك
عند زميلى شايلها ومركب مروحة كهرباء بثرموستات 60-82
عندى الحرارة بتوصل اول الاخضر فقط سوا فى اشارات او مشوار سفر
عند زميلى درجة الحرارة من اول الاخضر الى نهاية الاخضر فقط وصوت الموتور اهدى من عندى

حضرتكلغيت ترموستات الكوع عن طريق طبه
ولا عن طريق وضع طقعة لخشب لغلق الماسورة

المشاركة الأصلية كتبت بواسطة abokoko

حضرتكلغيت ترموستات الكوع عن طريق طبه
ولا عن طريق وضع طقعة لخشب لغلق الماسورة

ولا دى ولا دى
حركة كدة بيعملها بتاع الردياتير
بيجيب شمبر كاوتش داخلى وبيحطة ادام فتحة الماسورة ويجيب خرطوم بنفس مقاس الماسورة بطول مثلا 10 سم ويلبسة فى الماسورة ويربط علية بكولية وخلاص على كدة

المشاركة الأصلية كتبت بواسطة mrastra

ولا دى ولا دى
حركة كدة بيعملها بتاع الردياتير
بيجيب شمبر كاوتش داخلى وبيحطة ادام فتحة الماسورة ويجيب خرطوم بنفس مقاس الماسورة بطول مثلا 10 سم ويلبسة فى الماسورة ويربط علية بكولية وخلاص على كدة

المشاركة الأصلية كتبت بواسطة midonbtc

اشترى واده مططببه جاهزه من عند حمدى لادا تمنها 35 جنيه

انا عندى اغلق الفتحة بقطعة خشب زى الوتد شكلها على الصاروخ عنده
بس واحد نصحنى انى اشيلها واركب المطببه او اى شيئ آخر
بسبب احتمالية تفتت الخشب وتسرب اجزاء منه الى الموتور

ايه رايكم فى الكلام ده