ترموستات الكوع

**SYD** · 10-07-2011 10:01 AM

المشاركة الأصلية كتبت بواسطة abokoko

فى طريقة بس انا قريتها فى المنتدى من غير ما اجربها رغم انها نظريا عجبتنى جدا ونسيت اعملها مع المرة الاخيره
وهى
قبل التنظيف للدورة شيل شوية مياه من الريداتير مثلا عن طريق فك الخرطوم ونزل شوية مياه على الارض او فك الطبة فى الرداتير الالمونيوم اللى من تحت المهم زود المياه بدل اللى قلت بزجاجه اواتنين --خل -- حسب حالة الريداتير
وامشي بالعربية مسافة حوالى 30 كيلو علشان تقلب المياه مع الخل داخل دورة التبريد وينظف الموتور كمان كويس
وبعد اعمل دورة التنظيف
ملحوظة
المياه اللى هتنزل بعد لالغسيل بالخل مفروض هتكون رائحتها سيئة للغاية

وعلى فكرة انا مقتنطع بالخل لاننا فى البيت بنستخدمه على فترات فى تنظيف الغسالة الاتوماتيك بعمل دورة غسيل كاملة من غير ملابس ومن غير مسحوق فقط بزجاجة خل

انا كمان قريت نفس الموضوع بتاع جلجل
بس ماجربتهاش

الله المستعان
،
،

**essamenen** · 10-07-2011 05:23 PM

المشاركة الأصلية كتبت بواسطة abokoko

حضرتك تقصد انى الشاهين وال128 المجمعيين فى مصر من غير ترموستات الكوعه \\ الترموستات الميكانيكى \\؟؟؟!!!!

تمام يا باشا

**abokoko** · 10-07-2011 11:33 PM

المشاركة الأصلية كتبت بواسطة essamenen

تمام يا باشا

شكرا للمعلومة وانا اول مرة اعرفها

**abokoko** · 10-07-2011 11:47 PM

بفرض انى هستمر بدون ترموستات الكوع
هل استمر بالوضع الحالى -وهو - غلق دخول الماء الساخن للموتور بقطعة الخشب التى وضعها الميكانيكى على شكل خابور
ام هناك اضرار من ذلك

**windofchange** · 11-07-2011 03:26 AM

المشاركة الأصلية كتبت بواسطة syd

ياباشا العفو
انا خبرتي من اني ركبت العربية من الزيرو وفضلت معايا 7 سنين ومشيت بيها 137,000 كم
حضرتك ممكن تغير الردياتير (انا شخصيا ماغيرتوش)
ممكن تغير الثرموستات بواحد أقل (أفضل الحلول)
ممكن تركب مفتاح للمروحة تشغلها من جوة
الكشف الدوري علي طرمبة المياة ويستحسن تكون ايطالي
ممكن تستخدم مياة خضراء وتنظيف الدورة بأستمرا

حضرتك ممكن تنظف الدورة بنفسك تحت البيت
يستحسن لو تكون العربية بردة علي الأقل الموتور مطفي من 8 ساعات
او تكون دايرة بس شادد الشفاط علي 2 rpm
هتلاقي في الردياتير الأصلي بتاع العربية طبة حديد بينفع تتفك حضرتك لو فكيتها هتنزل كل مياة الردياتير وتحط خرطوم من فوق وتفضل تنزل المياة النظيفة وهتلاقيها بتنزل من تحت صفرا واول لما تبدأ تنزل نظيفة حضرتك شيل الخرطوم واقفل الطبة من تاني بأحكام

طريقة تنظيف أخري أكثر أحترافية بشرط تكون العربية دايرة وشادد الشفاط علي 2 rpm
وممكن تخلع الكوعة بتاعة المياة (خرطوم المياة) الراجع من الموتور وداخل علي الردياتير (ودة بيبقي اعلي الردياتير) وتحط بردو خرطوم مياة في الردياتير (بس ماتفتحش المياة علي أخر حاجة) هتلاقي الخرطوم بينزل المياة من الموتور لونها أصفر غامق وبينزلها علي مراحل (يعني شوية المياة هتندفع وشوية تلاقيها شرشار) ودة طبعا بسبب طرمبة المياة وادخل جوة العربية وافضل زود بنزين باستمرار (كارك بنزين) لتفادي تبطيل المحرك من شدة البرودة

وبعد عملية التنظيف هذه (الأحسن اجراء عملية التنظيف مرة كل 6 شهور علي الأكثر) تقدر تستعمل المياة الخضراء والتزويد يكون بمياة مقطرة لخطورة المياة العادية علي دورة التبريد والمحرك لأحتوائها علي املاح معدنية في غاية الخطورة علي المحرك وأجزائه

والله المستعان
،
،

يا سلام لو الطريقة دي فيديو.......وهي متفوتش الموتور؟

**SYD** · 13-07-2011 04:17 PM

المشاركة الأصلية كتبت بواسطة windsofchange

يا سلام لو الطريقة دي فيديو.......وهي متفوتش الموتور؟

حضرتك الأبيزا وضعها مختلف في تنظيف الردياتير
ممكن تدخل منتدي سيات هتلاقي طريقة للغسيل في موضوع اسمه مياة الردياتير

والله المستعان
،
،

**ahsara** · 24-07-2011 01:59 AM

انا غيرت الكوع بنفسى و جبت كوع فاضى من غير ترموستات و طبعا ركبت طبه خشب علشان الغى الراجع بتاع المياه السخنه . و على فكره التغيير سهل اوى

**abokoko** · 24-07-2011 03:08 AM

المشاركة الأصلية كتبت بواسطة ahsara

انا غيرت الكوع بنفسى و جبت كوع فاضى من غير ترموستات و طبعا ركبت طبه خشب علشان الغى الراجع بتاع المياه السخنه . و على فكره التغيير سهل اوى

عيب طبة الخشب لو المياه نقصت -قلت - ده بيخلى الخشب يرجع يكمش وفى الحالة دى ممكن يطلع فتافيت خشب
وتبقى رواسب مش حلوه
علشان كده انا بسال على الكوعه اللى من غير ترموستات ومطببه جاهزه -مسدوده - ولما الاقيها هغيرها واشيل الخشبه

-

الموضوع: ترموستات الكوع

LinkBack

أدوات الموضوع

عرض

-

-

-

-

-

-

-

المواضيع المتشابهه

ترموستات الكوع لادا -131

ترموستات الكوع

ترموستات الكوع

موضوع ترموستات الكوع؟؟؟

ازاي تعرف اذا كانت ترموستات الكوع شغاله ولا لا ؟

الكلمات الدلالية لهذا الموضوع

المفضلات

المفضلات

ضوابط المشاركة