الباور عمال يتقل يتقل يتقل

**best2010** · 13-06-2011 01:19 AM

بصراحة باور هو وقلته واحد .. لما جبت العربية وانا ملاحظ ان الباور تقيل .. و عارف ان دية ملاحظة عامة فى اللوجان ومفيش مشكلة . ، لكن المشكلة ان الباور عمال يتقل يتقل وبسمع صوت تكتكة خفيفة لما باخد يوتيرن .. وحاسس دلوقتى انى سايق لادا .. قولت ممكن يكون زوايا فرحت قيست الزوايا لقيها تمام ، الأحتمالات الباقية حسب كلام الناس ممكن يكون علبة الدركسيون او مشكلة فى ماكينة الباور .. ولانى ما عنديش خبرة انا رايح بكرة المقطم .. هل انا لوحدى اللى حاسس بالمشكلة دية واللا ايه ؟

**amr.elsayed** · 13-06-2011 01:29 AM

انا ماعنديش تقل الباور دة ... مش للدرجة اللى بتتكلم بيها .. عندى لما الباور بحس انه تقل سنة باروح اظبط ضغط الكاوتش لان بيكون العجل الامامى ريح شوية والعملية بترجع زى الفل وماعنديش التكتكة دى الا لو مدى اشارة ودة عادى لكن من غير اشار يبقى كدة فى حاجة
روح اكشف وان شاء الله خير

**mohandes0ali** · 13-06-2011 04:13 AM

من تجربتي اكتر حاجه بتقل الدريكسيون هوا ضغط الهوا اللي مش مزبوط....

**MOUSTAFA_SAAD** · 13-06-2011 07:05 AM

المشاركة الأصلية كتبت بواسطة ringoo

انا ماعنديش تقل الباور دة ... مش للدرجة اللى بتتكلم بيها .. عندى لما الباور بحس انه تقل سنة باروح اظبط ضغط الكاوتش لان بيكون العجل الامامى ريح شوية والعملية بترجع زى الفل وماعنديش التكتكة دى الا لو مدى اشارة ودة عادى لكن من غير اشار يبقى كدة فى حاجة
روح اكشف وان شاء الله خير

المشاركة الأصلية كتبت بواسطة mohandes0ali

من تجربتي اكتر حاجه بتقل الدريكسيون هوا ضغط الهوا اللي مش مزبوط....

+11111111111111

**MOUSTAFA_SAAD** · 13-06-2011 07:06 AM

مره بتاع كوتش مش بيفهم ظبطلى ضغط الكاوتش على 45
كنت حاسس ان الدركسيون ولا الباورالكهربا
بس طبعا ده غلط

**ABOHAZEM_NEW** · 13-06-2011 02:00 PM

كشفت على زيت الباور

**a7madahly** · 13-06-2011 08:41 PM

بص على زيت الباور

**nodey** · 13-06-2011 11:35 PM

شوف حضرتك صوت التكته ده عيب خراطيم الباور الواصلة من طرمبة البور الي الدودة حسب ما بيسومها هنا بالسعودية
وده معناه ان الضغط داخل الخراطيم دي فقد وده اللي متقل البود في حالة وجود زيت بعلبة البور وسلامة طرمبة البور
لما تكشف عليها بالتوكيل طمني كانت من ايه عشان نزداد خبرة بالسيارة الجميلة دي
ربنا يعطيك خيرها ويكفيك شرها امييين

**best2010** · 14-06-2011 01:37 AM

متشكر جداً لكل مشاركتكم وارائكم المفيدة .. انا النهاردة الصبح كنت فى المقطم وشكيت من تقل الباور ومن الرجه اللى بتحصل عند الطلوع من الثبات .. استلم منى المهندس العربية الساعة 12 ظ واستلمت الساعة 4 م والنتيجة كانت كالتالى :
1- موضوع الرجة اللى فى الطلعة قالى مفيهاش حاجة .. والكلمة دية لما بتتقال بعرف ان ما ما فيش حد كلف خاطرة علشان يصلح وقد كان الرجة زى ما هية وبتزيد مع التكييف واى حمولة زيادة .. ما علينا
2- المشكلة الأساسية وهى الباور .. قالى ان عندك المساعد الأيمن لازم يتغير !! وهو ده اللى متقل الباور وعامل صوت التكة اللى فى الدريكسيون !! طبعاً انا ما اقتنعتش بالكلام ، المهم سالته طب ازاى المساعد باظ وانا عامل يا دوب 10000 كيلو وسواقتى هادية جدا .. قالى ممكن مطب او حفرة !! طيب ما تغيروه يا جماعة قالى على حسابك .. كام يا عم راح ضرب رقم كده قبل الضريبة وبعد الضريبة هيعدى 600 ج .. قلتله طب اجيب انا المساعد قالى ما ينفعش لازم تجيبه من عندنا .. اديته ضهرى ورحت اخدت العربية ومشيت وانا فى منتهى السعادة ... محتاج رأيكم يا جماعة لأنى اتخنقت من الناس دول وحاسس انهم بيشتغلونى وخايف يكون العيب من علبة الدريكسيون مثلاً وهما مش عايزين يقولوا علشان دى قطعة مكلفة

**Egyzizo** · 14-06-2011 02:09 AM

أنا غيرت مساعد فى صيانة الـ 5 آلاف ، وكان فيه تلميحات منهم انى أدفع تمنه وقالو لى هتدفع 550 جنيه ، فلما اندهشت وأبديت اعتراضى لأن العربية لسه بشوكها، غيروه فى الضمان ومادفعتش حاجة.

اسألهم سؤال مباشر : ضمان المساعد كام كيلو ، والإجابة هى اللى هتحدد تعمل ايه ، وسيبك من اللف والدوران بتاعهم.

مع تحفظى على السبب من الأساس لأنى مش قادر افهم ازاى مساعد بايظ يتقل الباور ؟؟؟!!!!!

.

الموضوع: الباور عمال يتقل يتقل يتقل

LinkBack

أدوات الموضوع

عرض

الباور عمال يتقل يتقل يتقل - انشر الموضوع فى :

-

-

-

-

-

المواضيع المتشابهه

حد سمع عن منظف دورة الباور الي بخلي الباور يرجع خفيف

الفيكترا تسخن = الباور يتقل .. اريد حلاااا

زيت الباور وعلاقته بليونة الباور !!!

من خرج من دايو يتقل مق(دايو) :)

ايه الى ممكن يتقل الدريكسيون الباور

الكلمات الدلالية لهذا الموضوع

المفضلات

المفضلات

ضوابط المشاركة