الموضوع: سيتروين c4 2009 حالة نادرة

المشاركة الأصلية كتبت بواسطة sammor_28

بسم الله ماشاء الله العربيه حالتها ممتازه

ربنا يوفقك في البيع

ربنا يكرمك يا باشا .. والعربية فعلا حالتها ما شاء الله افضل من الصور كمان ومن الداخل كالجديدة بالظبط .. ربنا يبارك للي هيشتريها ان شاء الله

بالتوفيق. بس الصور مش شاملة. يعني المفروض صورة من الأمام وصورة من الخلف وكام صورة بزوايا وكام صورة من جوة. بس الصراحة العربية شكلها حالتها كويسة جدا. مبروك للي يشتريها. وبرضه يا باشا حط إعلانك على contactcars.com و fabreka.com وإلزق ورقة مكتوب عليها للبيع وموديلها ورقم تليفونك عشان الزباين تتهافت. عن تجربة nilemotors مش قد كدة في البيع. بس كونتاكت وفابريكة والورقة الملزوقة ممتازين :)

المشاركة الأصلية كتبت بواسطة amr81

حضرتك معلش هو ايه الفرق مابين 2009 وما قبله
وحضرتك شغال في hp صح ؟
ليه أصحاب كتير عندك
وممكن أعرف هتبيعها ليه بكل امانة ؟

ال 2009 مختلفة في الشاسيه ( نفس 308 لكن اللي قبلها نفس 307 ) كمان شكلها من قدام مختلف كبوت واكصدام و اعرض من اللي قبلها --- من جوه العدادات ( ديجيتال ) مختلفة عن اللي قبلها ، والموتور اقوى والتم تلاشي كل المشاكل اللي كانت في الفتيس بفيرجن احدث ، ده اللي فاكره ولو افتكرت حاجة تانية هقولك ..

بالنسبة ل hp ، اه فعلا انا شغال فيها .

هبيعها ليه ، والله بكل امانة محتاج فلوسها ، لكن والله ما فيها اي مشاكل خالص وبكل امانة فعلا حالتها كالجديدة وصعب جدا تلاقي اختها بالحالة دي ...


وتحت امرك في اي استفسار تاني

على فكره ، أنا عدلت السعر على كونتاكت ل 101000 جنيه ، وده نهائي ان شاء الله .

available

المشاركة الأصلية كتبت بواسطة rs12

معلش يا باشا

هى العربية ديه بيعها تقيل شوية ..

بس ان شاء الله هتلاقى اللى يقدرها بالذات ان حالتها ماشاء الله زى الزيرو

بالتوفيق فى البيع ان شاء الله

يا باشا الف شكر لمرورك ، أنا والله لولا عاوز فلوسها ما كنت بيعتها ، فعلا العربية زي الزيرو ، ربنا يبارط للي هيشتريها.