بني سويف و المنيا و أسيوط لحد ديروط بكل المراكز و كل المحطات لم أجد فيهم أي نوع بنزين يوم الخميس و النهاردة من بني سويف لحد المنيا برضه ...............
مش قادر أفهم السبب ايه
بني سويف و المنيا و أسيوط لحد ديروط بكل المراكز و كل المحطات لم أجد فيهم أي نوع بنزين يوم الخميس و النهاردة من بني سويف لحد المنيا برضه ...............
مش قادر أفهم السبب ايه
بنى سويف مافهاش اي حاجة والا 80 والا90 والا92
أزمة البنزين انتهت تقريبًا
8/28/2011 1:32:28 pm
القاهرة - بعد مرور أقل من شهرين على انتهاء أزمة السولار، والتى أصابت قطاعات النقل والصناعة بالشلل لمدة أسبوعين، خسرت فيها مصر ما لا يقل عن 20 مليار دولار بتقدير خبراء البترول، بدأت أزمة جديدة شملت جميع المنتجات البترولية على مستوى الجمهورية.
والأزمة الحالية محل خلاف، يؤكدها خبراء البترول، وينفيها مجلس الوزراء، فى حين تبقى الهيئة العامة للبترول فى حالة حيرة بعد أن أكد المسئولون بها «زيادة نسبة البترول التى تم ضخها فى السوق المصرية 20% عن المعدل الطبيعى والكلام لمحمد شعيب نائب رئيس الهيئة العامة للبترول.
أنا شخصيا لا أعرف أسبابا محددة للأزمة الحالية يبرئ شعيب ساحة الهيئة الهامة للبترول والوزارة من أى تقصير، اللى علينا إننا نضخ البترول فى السوق وحتى يكتمل دور الهيئة، قام المسئولون بالاتصال الدورى برؤساء مجالس إدارات شركات توزيع البترول الحكومية والخاصة، كلهم قالوا إن الكميات فى المحطات كافية، بل على العكس فى محطات مش عارفة تستقبل الكميات الزيادة.
شعيب يرى أن المعالجة الإعلامية للأزمة تتسم بالمبالغة، وهو ما أكده بشكل صريح البيان الذى أصدره مجلس الوزراء يوم الاثنين الماضى، لينفى ما أثير بالمواقع الإلكترونية حول وجود شلل فى بعض المحافظات بسبب اختفاء البنزين بكل فئاته.
وتستهلك مصر يوميا 18 إلى 19 مليون لتر من البنزين بأنواعه، حسب ما يرصده إبراهيم زهران خبير البترول، فيما وصلت نسبة العجز إلى 20% فى السوق المصرية على مستوى الجمهورية منذ أول رمضان.
زهران، عضو معهد بحوث البترول، يؤكد أيضا أن هيئة البترول لم تقلل من حصة البترول، ولكنه يجد سببا وحيدا ومنطقيا من وجهة نظره لتبرير ما يحدث فى سوق البترول، وهو أن المشتقات البترولية يتم تهريبها إلى ليبيا وغزة.
الأسطى سعيد سائق تاكسى، يعمل فى شوارع القاهرة منذ التسعينيات، لم يجد خيارا سوى شراء بنزين 90، بفارق سعر يصل للضعف، عشان كدا السوق السودا تبقى أرخص، حتى لو زادت 10 قروش للتر فى رأى محمود الذى يمتلك شبكة قوية من علاقاته مع تجار السوق السوداء، كونها خلال فترة عمله.
لكن محمد شعيب نائب رئيس الهيئة العامة للبترول يرد على هذه التصريحات بأن «محافظة المنيا تحديدا تم تمويل كل المستودعات بها بنسبة 100%».
تصر الهيئة العامة على لسان شعيب على أن الأزمة انتهت تقريبا ويوضح شعيب أن دائرة العمل والرقابة على المستودعات والتى تقوم بها وزارة التضامن والبترول، لن تثبت أى مخالفات، أما تهريب البترول على الحدود فهو من اختصاص الجهات المعنية بعيدا عن الوزارة والهيئة.
المصدر : جريدة الشروق
لا حول ولا قوة إلا بالله
كلام مش مظبوط ولازلنا نعانى من نقص البنزين بكل أنواعه
نزلت من شويه اشوف محطات البنزين لعل وعسى يكون كلامهم صائب
لاقيت زحام فوق الوصف
وطوابير رهيبه معطله المرور فى الشوارع
محمد شعيب نائب رئيس الهيئة العامة للبترول يرد على هذه التصريحات بأن «محافظة المنيا تحديدا تم تمويل كل المستودعات بها بنسبة 100%».
محافظة المنيا تحديدا لا يوجد بها أي نوع من أنواع البنزين و لا حتى سوق سودا فيها
أنا أخدت أول امبارح 60 لتر بالعافية من 4 محطات في بني سويف و رحت وديتهم المنيا ..... و النهاردة جبت 80 لتر برضه و مسافر بكرة أوديهم عشان عربيات اخواتي و ولاد عمي ... و كلهم بطلوا يستخدموا العربيات الا في المشاوير المهمة جدا بس ...
ليه بقى حكومة الثورة تكدب على الشعب .... ده احنا قلنا هنتحمل أي حاجة عشان تيجي حكومة شريفة و أمينة على أموالنا و حقوقنا .... يا خسارة
عندنا بردة مافيش 80 خااااااااالص
المحطات سبب الأزمه دي ومعرفش ليه
امبارح روحت ومعايا جركن عايز املاه 80 قبل المفطر ع طول دخلت للراجل قالي مفيش قعدنا نقوله هوا جركن وبتاع قعد يحلف ويقولي والله ما هحلف كدب مفيش
ولسه رايحين نمشي لقيت واحد طالع من محطه البنزين جوا مسمعش الحوار مع الراجل الاولاني ف بيقولنا عاوزين ايه قولناله 80 قال تعالو راح حطلنا بنزين وملا الجركن :N_no[1]: قولناله هوا في أزمه قال لا مفيش أزمه
معرفش اصحاب المحطات بيقولوا ليه مفيش شكلهم عايزين يرفعوا سعره ولا ايه
مع العلم انا الواحد بيلاقي 92 و 90 بسهوله اكتر من ال 80
للعلم الغربية اي ازمة بتلاقيها اول محافظة ومن يومين مكانش فالمحافظة كلها اي نوع من البنزين بسبب تكرار التصريحات عن احتمال رفع اسعار البنزين وطمع وجشع اصحاب المحطات الا من رحم ربي
من جريدة اليوم السابع
إحباط محاولة تهريب ألف طن بنزين مدعم خارج البلاد
الثلاثاء، 30 أغسطس 2011 - 15:09
نجحت الإدارة العامة لشرطة ميناء الإسكندرية البحرى فى إحباط محاولة تهريب 1029.9 طن بنزين مدعم لخارج البلاد، وذلك بعد أن وردت معلومات لإدارة البحث الجنائى تفيد قيام شركتين بمحافظة الإسكندرية بشراء وتجميع كميات كبيرة من المواد البترولية المدعم والمخصصة للاستهلاك المحلى لتصديرها خارج البلاد بطرق غير مشروعة بالمخالفة للقوانين، وذلك بهدف الاستفادة من فارق السعر المحلى والعالمى.
أكدت التحريات صحة تلك المعلومات، وتبين قيام المسئولين بتلك الشركات بشراء وتجميع كميات كبيرة من المواد البترولية من البنزين المدعم من السوق المحلى وإعادة تعبئتها داخل عبوات مدون عليها بيانات الشركة وباسم تجارى يفيد أنها مادة مذيبات ومخففات عضوية وذلك بالمخالفة للحقيقة حيث قدرت كمية المضبوطات (1029,9 طن) بنزين مدعم، فتم ضبطها قبل تصديرها إلى خارج البلاد عبر ميناء الإسكندرية البحرى.
لينك الخبر
اليوم السابع | إحباط محاولة تهريب ألف طن بنزين مدعم خارج البلاد
حسبى الله ونعم الوكيل
أنا عديت على كذا محطه النهاردة مفيهاش نقطة وقود !!!
مفيش بنزين بكافه أنواعه
ومفيش سولار