ميل سنه خفيفه في دريكسيون الصني

**FBIAhmed** · 13-06-2011 03:52 AM

ازيكو يا جماعه عاوز اخد رايكو في حاجه كده فيه ميل سنه خفيفه شمال في الدريكسيون بالذات على الطرق الطوالي و لو جمنبي حد مبيبئاش موجود الميل ده مع العلم ان العربيه لسه عامله 500 كيلو بس و ضغط الهواء و الزوايا متظبطين عند بريدجستون مدينه نصر هل ده عادي ولا اطلب في صيانة الالف يبصوا عليها زوايا تاني بعد ما ظبطتها في بريدجستون

**SeaShark** · 13-06-2011 10:26 AM

المشاركة الأصلية كتبت بواسطة fbiahmed

ازيكو يا جماعه عاوز اخد رايكو في حاجه كده فيه ميل سنه خفيفه شمال في الدريكسيون بالذات على الطرق الطوالي و لو جمنبي حد مبيبئاش موجود الميل ده مع العلم ان العربيه لسه عامله 500 كيلو بس و ضغط الهواء و الزوايا متظبطين عند بريدجستون مدينه نصر هل ده عادي ولا اطلب في صيانة الالف يبصوا عليها زوايا تاني بعد ما ظبطتها في بريدجستون

أولا حضرتك عامل 500 كيلو بس و رايح تظبط الزوايا برة طيب ما كنت تستني لما تروح التوكيل في صيانة الالف عشان تعملها !!

و عايز أعرف حضرتك ليه روحت تظبط زوايا و هواء يعني العربية اول ما استلمتها كانت بتحدف منك او كان فيها حاجة مش مظبوطة؟

حرام يعني العربية لسه جديد متخليش حد يلعب فيها برة التوكيل.

المشاركة الأصلية كتبت بواسطة moustafa_saad

الميل ده جه من ظبط الزوايا
حله ان تفك الطاره وتعدله تانى عند بتاع الزوايا برده

----1

لا طبعا عدلة الطارة بيكون ليها رجلاش لوحدها بعيد عن رجلاش الزوايا في العفشة الامامية و مش ممكن طبعا يفك الطارة عشان يعدلها !!!! دي عربية 2011 مش موديل 60.

أرجو التأكد من المعلومة قبل التعليق.

**wardet** · 13-06-2011 10:26 AM

نفس الكلام عندى من يوم ما جبت العربية من شهر

**samsong** · 13-06-2011 02:41 PM

اخي الكريم .اعتقد فك التاره دي مشكله علشان ايرباج واسال وخذ بالك
لانها مكلفه جدا
روح التوكيل واضبط كل حاجه

**mff_629** · 13-06-2011 03:35 PM

المشاركة الأصلية كتبت بواسطة moustafa_saad

الميل ده جه من ظبط الزوايا
حله ان تفك الطاره وتعدله تانى عند بتاع الزوايا برده

إياك إياك تفك الطارة أبدا أبدا
هتفتح عليك مشاكل ملهاش حصر

**mimi83** · 13-06-2011 04:04 PM

---------------

تحذير للعضو بمخالفة القاعدة رقم (6) بند رقم ب
وفى حالة التكرار سوف يتم توقيع عقوبة وقف يوم

يرجى مراجعة قوانين وقواعد المنتدى

مشرف القسم

15ب

**Ahmed.TV** · 13-06-2011 04:30 PM

كل ده حيتظبط فى صيانة الالف اللى جاية

ومفروض لو اى مشكلة حصلت ليك تستنى الصيانة وتبلغهم فيها على كل شى عندك

انا حرد على موضوعات كلها هنا

موضوع ظبط الزوايا ده كنت تعمله اثناء صيانة الالف , اذا كان فى حاجة فى العربية , يعنى مش العربية مظبوطة او ملحقتش تعرف اى حاجة فيها , وتخرج من المعرض وانت مستلمها وتروح تعمل ظبط زوايا !

فالما تروح الصيانة وتحجز الصيانة الجاية فى اى مركز اسال الاول جهاز ظبط الزوايا سليم وشغال عندكم ولالا ,, لان بيعطل كتير فى السبع لو حتروح السبع
وتجرب العربية مع اى مهندس قبل ما تطلب يعملوا ظبط زوايا , لان ممكن العربية ميكنش فيها حاجة وتدفع تمنها على الفاضى
متطلبش حاجة , قولهم بس انا العربية بتحدف شمال او يمين , والطارة مش مظبوطة

وبخصوص الطارة اللى مش مظبوطة هما حيظبطوها ويعدلولك كل حاجة , وكمان النقرة اللى عندك لما تروح وتقولهم عليها حيظبطوها ويعملوا الرجلاش بتعها

كلها امور بسيطة , وواردة فى اى عربية حتى لو كانت ايه

وبلاش مخك يوديك ناحية علبة الدريكسيون , والقصص دى , وحتى لقدر الله لو فى حاجة وده شى مستبعد كله بيتغير على الضمان , فاليه تجيب لنفسك الاول , وتتعب نفسيتك

ده غير انك لسه مجربتهمش فى اى طلب وهما قصروا عشان كمان تقلق من التوكيل والعربية

انت دافع فلوس كبيرة , اتمتع بالعربية وافرح بيها ,, ولو فى حاجة لقدر الله انت فى الضمان , ان شاء الله لو كنت شارى العربية مستعملة حتى , طالما معداش وقت الضمان وخلص

تحياتى

**MOK3336** · 13-06-2011 05:32 PM

إن شاء الله شكلة بسيطة و متعقدش نفسك كان عندي نفس الموضوع كان الدركسيون مائل سنة بسيطة و مع ذلك العربية كانت ماشية عدل و لما كنت اعدل الدركسيون عشان يبقي مظبوط كانت بتحود
وقولتلهم عليه في التوكيل و ظبطوه و طلع كمان جرب معايا و تمام الحمد لله فا مش مستهله انك تغير الطارة كلها دي صامولة بس بتتربط او بتتهوى شوية في العربية من تحت

-

الموضوع: ميل سنه خفيفه في دريكسيون الصني

LinkBack

أدوات الموضوع

عرض

-

-

-

المواضيع المتشابهه

ضرضره خفيفه ... فلتساااااعدونى يا رجال e36

عربيتى بعد تعديلات خفيفه

صوت تكه خفيفه فى بدال الفرامل

رعشه خفيفه فى الدركسيون

رعشه خفيفه فى الدركسيون

الكلمات الدلالية لهذا الموضوع

المفضلات

المفضلات

ضوابط المشاركة