الموضوع: تسريب لزيت الفتيس

المشاركة الأصلية كتبت بواسطة abohassan

السلام عليكم ورحمة الله وبركاته
أنا معايا فيات اونو موديل 2000
و عندى مشكله .. عندى تسريب لزيت الفتيس من عند كاوتشة الكوبلن الداخلى .. بس مش عارف هل دا عيب من الكاوتشه ولا فيه أويلسيل مثلا ممكن يتغير ...؟؟
لانى رحت للميكانيكى فا قرطلى على الكويلات الى ماسكه الكاوتشات بس لسه فيه تنقيط

دا غير انى رحت اظبط زوايا الراجل ظبطلى الزوايا وعوجلى الطاره .. !!!! مش عارف بقى أظبط زوايا تانى ولا اخلى الرجل يخلع الطاره ويعدلها


الرجاء الإفاده

نفس الموضوع كان عندي في الفيورا ,حضرتك بتغير كاوتشة الكوبلن الداخلي بواحدة جديدة و تتاكد انها نفس المقاس , المهم تكون ماسكة كويس علي الاكس اللي طالع من الجيربوكس و رايح علي الكوبلن الخارجي لمنع تسريب الزيت تاني , و خد بالك لما تبص علي الاكس اتاكد اذا كان قطرة سليم ولا اتاكل و قطرة رفيع شوية عند حتة الكاوتشة و حتحتاج تجيب كاوتشة اضيق شوية علشان تمسك علية كويس في الحالة دي.
و موضوع الطارة , كان الراجل بيخلع الطارة و يظبطها علي الوضع الجديد , المفروض بتاع الزوايا يعملك الظبط دة بعد ما يخلص , بس ساعات بيرخموا و يطنشوا , ممكن تروح لأي ميكانيكي يعدلك الطارة

شكرا ياباشا على الرد ...

بس فيه سؤال ... يعنى الموضوع تغير كاوتشة الكوبلن الداخلى فقط....؟ يعنى مفيش أويل سيل مثلا محتاج يتغير ,..؟

ويعدين هيه الكاوتشه دى بتتربط بأيه ...؟ قفيز .. ولا ايه ..؟ اصلها عندى مربوطه بكويلات بلاستيك الى هيه ال 2 بجنيه دول..فامش عارف دا طبيعى ..؟ ولا فيه قفيز مخصوص ..

.........

أيوه هيه كاوتشة الكوبلن الداخلى .. إلى خارجه من الفتيس .. وهيه فعلا مربوطه عندى من ناحية الفتيس بقفيز بلاستيك مش مسامير .. قد يكون الموضوع بختلف من عربيه للتانيه ...!!!!!!!

علشان كدا كنت بتأكد هل هيه فعلا بتتربط بس بالقفيز البلاستيك دا .. ولا فيه مثلا قفيز معدن أو إستنلستيل ....؟؟

وهل الكوبلن الداخلى دا فيه أويل سيل مثلا يكون محتاج يتغير بالمره ..؟؟

متابع للمعرفه وان شاء الله خير

المشاركة الأصلية كتبت بواسطة mrastra

للاسف مش هاقدر افيدك لانى مستغرب ازاى كوتشة كوبلن مربوطة بالشكل دة
المهم عندنا مكان التسريب هل هو من عند الفتيس ولا من عند الاكس اللى خارج من الفتيس ؟

أنا قعدت ادور على النت المهم لقيت الصوره دى ..



هتلاقى فعلا كاوتشة الكوبلن الداخلى والخارجى .. مربوطه بقفيز بس قفيز معدن ..

بصراحه انا كدا اتلخبط جدا .. مبقتشى فاهم حاجه خالص ..

انا ها اشرح المشكله تانى بالترتيب يمكن نعرف نحلها مع بعض
1 - العربيه ماكنتشى بتنقط اى زيت
2- انا غيرت زيت الفتيس وحطيت 2 لتر
3- صبحت الصبح لقيت بقعة زيت تحت العربيه .. الزيت كان نازل من عند كاوتشة الكوبلن الداخلى ..
4 - الميكانيكى قرط على القفيز البلاستيك (الى قلتلكم عليه ) الى كاوتشة الكوبلن الداخلى مربوطه بيه .. وقالى خلاص كدا مش ها تنقط تانى .
5 - وانا بظبط زوايا بصيت وانا واقف تحت العربيه .. لقيت لسه نقط زيت بتنزل من عند نقطة إلتقاء كاوتشة الكوبلن مع الفتيس ..فا يبدوا ان الكاوتشه مقطوعه او ماشابه ذلك .. مش عارف .؟

طيب انت متاكد ان طبة الزيت اتقفلت كويس بعد ماغيرت الزيت , مش شرط طالما انها بتنقط من عند الكوبلن يبقي المشكلة عنده , ممكن من عند الطبة و مع المشي بالعربية الزيت بيمشي باتجاة أوطي نقطة و بعد كدة ينزل علي الارض
اتاكد ان الطبة مربوطة كويس و بعد كدة اغسل العربية من تحت و ارفعها و شوف نقط الزيت اولها منين و اخرها فين
و موضوع التقريط بافيز بلاستيك علي كاوتشة الكوبلن دة انا مش مستريحلة , الكاوتشة دي انشف من انك تقرط عليها بافيز بلاستيك , لازم افيز معدن و كمان يكون الاكس سليم زي ماقولتلك