الموضوع: سوس الخشب

المشاركة الأصلية كتبت بواسطة w-m-a

ربنا معاك
ده موضوع مزعج جدا
والسبب فيه جشع وقله ضمير النجارين باستخدام اخشاب مصابه او غير معالجه
بص يا سيدى سيبك من اى ادويه او رش مش هتجيب نتيجه
فى دواء بيحقن بسرنجه فى الخرم المعششه فيه الحشرة
طبعا هو السوس انواع كتيرة وكل ما كان الخرم دقيق كان العلاج اصعب
افضل الطرق هى التبخير وده اقراص من مواد شديده السميه مثل
فوسفيد الماغنسيوم
وسيانيد الامونيم
وطبعا محتاجين خبرة فى استعمالهم وفى التخلص من بقايا الاقراص لأن التعرض ليهم شديد الخطورة
وطبعا لازم الشقه تخلى تماما لمده لا تقل عن 3 ايام ويتم غسيل اى ملابس او سجاد وخاصه فى وجود اطفال
انصحك بالتوجه الى
كليه زراعه جامعه القاهرة - قسم ناخرات الاخشاب
الناس هناك متعاونين جدا جدا وتقريبا بيعملوا كل حاجه او بيجبوا لك حد كويس
وان شاء الله تعدى على خير

طب يا باشا جزاك الله خير انا سألت نجار و قالى على واحد فى العتبة بتاع سموم للحشرات و قالى هتلاقى عندوا أقراص خاصة للموضوع و كمان لما رحت هناك و إتكلمت مع الراجل الى فى المحل إدانى حاجة سائلة كدة بتتخفف بالمية و هرشهم و ربنا يسهل مع إنك قلقتنى جدا على العموم يا باشا لو تقولى إزاى أوصل للناس الى فى كلية الزراعة يا ريت تساعدنى عشان انا عايز أعمل الموضوع ده صح و أخلص و انا إبتدايت إنهاردة فى إخلاء الشقة و بعد كدة هاجيب نجار يفكك كل الأوض حتة حتة و هاحطهم كلهم فى أوضة واحدة فضيتها خلاص للموضوع ده و بعد كدة إن شاء الله هارش على كل الأخشاب الموجوده و كمان هاحطط الأقراص ده ( الراجل الى فى العتبة قالى لو حطيت أربع أقراص فى مخزن خشب مش أوضة هاتنتهى المشكلة و انا إشتريت منه 30 قرص ) و ناوى أوزع الأقراص ده فى كل قطعة خشب و هاغلفها بتغليف البلاستيك الى بيتغلف بيها الأكل فى السوبر ماركت و بعد كدة هاقفل الشقة كويس و كل الشبابيك عشام مأذيش الجيران من الريحة و بعد كدة هاخد مراتى و نهاجر لمدة أسبوع

تفتكر ده كدة كفاية و لا فية عند حضرتك أفكار تانية