سوس الخشب

**ghareeb** · 13-06-2011 12:18 PM

يا جماعة انا كنت بسمع صوت غريب كدة فى الخشب بتاع أوضة النوم لحد ما أكتشفت إن ده صوت سوس فى الخشب و بعدين لقيت إخرام فى الخشب و خارج منها نشارة خشب حد قابل قبل الموضوع ده يقولنا أعمل إية.

**w-m-a** · 13-06-2011 12:38 PM

ربنا معاك
ده موضوع مزعج جدا
والسبب فيه جشع وقله ضمير النجارين باستخدام اخشاب مصابه او غير معالجه
بص يا سيدى سيبك من اى ادويه او رش مش هتجيب نتيجه
فى دواء بيحقن بسرنجه فى الخرم المعششه فيه الحشرة
طبعا هو السوس انواع كتيرة وكل ما كان الخرم دقيق كان العلاج اصعب
افضل الطرق هى التبخير وده اقراص من مواد شديده السميه مثل
فوسفيد الماغنسيوم
وسيانيد الامونيم
وطبعا محتاجين خبرة فى استعمالهم وفى التخلص من بقايا الاقراص لأن التعرض ليهم شديد الخطورة
وطبعا لازم الشقه تخلى تماما لمده لا تقل عن 3 ايام ويتم غسيل اى ملابس او سجاد وخاصه فى وجود اطفال
انصحك بالتوجه الى
كليه زراعه جامعه القاهرة - قسم ناخرات الاخشاب
الناس هناك متعاونين جدا جدا وتقريبا بيعملوا كل حاجه او بيجبوا لك حد كويس
وان شاء الله تعدى على خير

**azmeralda** · 13-06-2011 01:58 PM

ياخبر

الأقراص دى حطيناها واحنا فى الشقة

بصوا بقى الصوت جاى من ورا الحيطة يعنى كنت حسة انه مش من عندنا وفعلا اصحاب البيت راميين كراكيبهم كلها جنبنا وطلع فى دولاب كان فى سوس لما كلمناهم واكتشفوا رموه والصوت راح فعلا اسبوع ودلوقتى رجع تانى
صوت مستفز اخر حاجة انا حسة ان هيجى لى انهيار عصبى

وحطينا الأقراص دى فى الصالة والصوت مستمر وده محسسنى برضه انه من عندهم خصوصا ان مفيش نشارة خشب ولا حاجة بس فى ناس قالت ان نشارة الخشب دى مرحلة متأخرة
كمان لو هو عندهم مش ممكن يعدينا ؟
واتصرف ازاى؟

**w-m-a** · 13-06-2011 02:14 PM

نفس الكلام بس عندهم
عندكم خلاص الاقراص مفعولها 3 شهور على الاقل

**azmeralda** · 13-06-2011 02:23 PM

طيب والحشرة دى متتنقلش من البلكونات ولا حاجة؟

**adhamsabry51** · 13-06-2011 03:43 PM

والله يا باشا مش عايز احبطك بس الموضوع ده لو في حاجه لوحدها يعني سرير او دولاب مثلا ارميهم و خلاص بدل ما تسرح في بقية البيت و معلش استعوض ربنا فيهم و ان شاء الله خير لأن من تجارب ناس شفتها عندهم الموضوع ده كان موجود بينتشر بسرعه رهيبه في البيت ة انا شخصيا حصل معايا الموضوع ده مره و كانت لسه الحاجه جديده و النجار جه غيرهولي علشان كان لسه جديد بس حته اللي اخدهم حرقهم علطول