الموضوع: اوبل G T الجزء الثاني

السلام عليكم و رحمه الله و بركاته
طبعا كلنا عارفين ان اوبل هي احد فروع جنرال في المانيا ودا كان بيخلي عربيات اوبل تتمتع بحاجات كتير من الاتنين يعني بتتمتع برفاهيه الامريكي و قوه الالماني و الاوبل GT لم تخل عن هده القاعده فهي في اوربا يسمونها (بيبي كورفيت) و للعلم كورفيت احدي السيارات الامريكيه المشهوره من شيفورليه(جنرال موترز ايضا) و لهذا يلاحظ التشابه الكبير بين السيارتين في الاجيال الولي للكورفيت و تفوقت عليهها في انها حملت كثير من تصاميم السيارت الرياضيه آن ذالك ف من الخلف تجدها تحمل معالم الفيراري خصوصا مصابيح التوقف و الاشارات( دائرتين في كل جنت و بالاحمر و الاصفر) و من الجانب تتشابه مه اللامبورجيني ميورا طيبه الذكر(احدي اعرق سيارات لامبورجيني في هذه الحقبه من الزمن) و من الاما تحمل معالم شقيقاتها البوش
بالنسبه لابعاد السياره ف طولها 4.2 متر و عرضها 1.5 متر و ارتفاعها 1.22 متر و تعتبر مقاييس ناجحه جدا لسياره رياضيه شبابيه من الحجم الصغير
بالنسبه للمحرك فهو 1900 سي سي و متواجد في الاوبل ريكورد بقوه 102 حصان تصل به السياره من صفر الي 100 كم /س في حوالي 11.5 ثانيه وسرعه قصوي 185 و هو مثبت بالطول في مقدمه السياره و الاندفاع بالعجلات الخلفيه
و مما يثير الاعجاب هو التوزيع المثالي لوزن لسياره بين المحورين الامامي و الخلفي حيث ان النسبه حوالي 55% امامي و 45% خلفي في وقت كان لاتهم هذه النسب و لا يفكر فيها معظم الصانعين.
السياره كان فيها بعض الاشياء غير مسبوقه يعني مثلا مكنش فيه باب للشنطه!! و وسط هذا المكان يوجد فاتحه تنك البنيز (يعني و انت داخل بنزينه ما تفكرش الفتحه يمين ولا شمال):)
بالنسبه لقطع الغيار كانت بيركبلها قطع غيار الاوبل ريكورد بالنسبه للموتور لكن العفشه كان بيركب لها من الامام مساعدين اوبل و الخلف مرسيدس بدون اي تعديلات و كنا دايما ما بنعدلش فيها حاجه حتي لو حنلف مصر كلها علشان نجيب حاجتها الحاجه الوحيده اللي اتعدلت هيا الاسكترا كان بيركب لها اسكترا مازدا 323 !! م عارف ازاي بس كانت الاسكترا بتحتاج تعديل الاول علشان لفه الدريكسيون تبقي ضيقه.
الفوانيس مكنتش مشكله اوي علشان كنا بنصبها في شركه الاهرام و هيا كانت لون واحد كل فانوس فمكنش بيبان انه ردئ اوي و مره كنا في بور سعيد لقينا واحد عنده فوانيسها و طبعا ما يعرفش انه بتاع العربيه دي و اشتريناها بمبلغ معقول (طبعا لو كان عارف او شاف العربيه معانا كان زمان طلب مبلغ و قدره:))
المشكله الوحيده اللي ماكن ليها حل هو زجاج الابواب لما اتكسر ما عرفنا نعمل له واحد سليم ابدا كان كل ما بيتصب و يتاخد المقاسات و يخ الفرن يطلع اكبر من المقاس الحقيقي و لدرجه ان مره كنا عند مصنع زجاج في القلعه صاحب المصنع او ما شافه قال انا اول مره من يوم ما اشتغلت في الشغلانه دي من 30 سنه الاقي زجاج واخد منحني (كيرف) من تحت لفوق و من الشمال لليمين منحني تاني!!!
صالون العربيه كان بيتسع لشخصين فقط و كانت لما تقعد علي الكرسي لازم تكون رجلك مفروده زي اي عربيه سبور بالضبط و بعدين تلاقي قدامك خمس دواير فيها سبع عدادات..اتنين كبار جدا للسرعه و لفات الموتور و واحده صغيره للساعه و اخري لضغط الزيت و شحن البطاريه (الاتنين مع بعض) و اخري لقياس الحراره و البنزين و يوجد درجه ميلان للكنسول الوسطي نحو السائق .كانت بجد عربيه حلوه علشان كده اتكلمت عنها كتير و ارجو اني مكنش وجعت دماغكم بس اتفرجوا علي الصور و عاوز اعرف رايكم و اي استفسار انا تحت امركم و السلام عليكم

شوف ياسيدي بما ان من المحله وكنت في ابوظبي و اسمك حازم خضر و عندك سويفت
يبقي افتكر ان في احتمال كبير جدا ان ليك اخ اسمه احمد و اننا اتقابلنا قبل كده في الرحاب مول ورجعت معاك وانا اساسا من المنصوره...... لو كلامي صح افتكر في احتمال كبير انك تفتكيرني
بس الصراحه مش لاقي ال private message علشان كنت ابعتلك و بلاش استاذ دي

صح كده افتكرتك لما كنا عند كابو :) ايه رايك بقي :) بس ايه الصدف السعيده دي يا راجل عموما الاميل بتاعي حكتبهولك اهو
و انا سعيد جدا اني لقيتك تاني بس بصراحه انت قوي الملاحظه جدا انك عرفتني علي طول كده خد اميلي اهو و بعدين ابقي اديني اميلك ابعتلك رقم التليفون zoma2000@hotmail.com