تغيير الكاوتش ..

**zemoss** · 13-06-2011 01:01 PM

السلام عليكم

إزيكم يا شباب .. بعد إذنكم لو حد يفيدني .. أنا عملت 40000 كيلو بالعربية ... والناس كلها بتقولي أحسن ليك إنّك تغير الكاوتشات .. وبيني وبينكم الكاوتشات أصلا إتبهدلت كتير وعايز أغيرها ...

كنت عايز أحسن نوع ممكن أشتريه إيه ؟؟ ومنين ؟ وبكام ؟؟؟ علما إنّي بسافر كتير جدا

حد قالي بريللي او good year أو Kumho

انا كنت بسمع عن بريدج ستون بس الناس بيقولو مش كويس وبيشيع لو إتخبط في حجر

ارجو الإفادة .

**Mohammmed** · 13-06-2011 01:26 PM

بيردجاستون وبيرللى احسن حاجة من اللى انتا كاتبهم عن تجربة ال2
وميشلان برده مش بطال

**zemoss** · 13-06-2011 02:12 PM

جزاكم الله خيرا على الرد ... بس سمعت عن بيرللي إنّه تقيل على العفشه شوية ... وعن بريدج ستون إنّه سيء جدا وبيشيع بسهوله لمّا يتخبط بحجر ....وسمعت عن كومو إنّه كويس جدا ... يا ريت لو تضيفلي في النقطة دي وكمان لو تقولي على الأسعار والاماكن اللي ممكن أشتري منها ويا سلام بقى لو في مكان في المقطم

**mosomodo** · 13-06-2011 02:43 PM

هو المفروض كام كيلو عشان اغير الكاوتش ؟؟؟؟؟؟؟؟

**elshaky** · 13-06-2011 02:58 PM

كهمو ونكسن انضف الانواع وعندك هانكوك دول كلهم سرعات عاليه يعنى اكيد نضاف جدا جدا بجد الكمهو من انضفهم

ولا بردجستون ولا ميشيلان ولا اى وجع قلب وياريت تعرض الكاوتش مثلا خليه 15 60 195 هيبقى جامد اوى اوى وهيزود ثبات العربيه

**zemoss** · 13-06-2011 03:16 PM

@ mosomodo :-

الأحسن عند 40000 ... وأظن على حسب نوع وحالة الكاوتش

@ elshaky:-

شكرا على الرد بجد ... بس يا ريت تقولي على مكان كويس يكون مضمون اروح اشتري منّه وقولي كده هيبقى السعر حوالي كام

.. وعندي سؤال .. هل الكاوتش العريض هيبطء العربية وهيتعب العافشة ؟؟؟

**Xlance2010** · 13-06-2011 08:09 PM

فعلا كلما زاد عرض الكاوتش كلما اثر على سحب السيارة ومثل جهدا على آلات الجر والمحرك وربنا يوفقك لنوع كاوتش كويس

**a7madahly** · 13-06-2011 08:37 PM

الاحسن تجيب نفس المقاس بتاع العربيه.ولا تعرض كاوتش ولا حاجه طالما العربيه ثباتها كويس اصلا .والتغيير عند50000 كيلو

**zemoss** · 14-06-2011 12:56 PM

شكرا يا شباب على الردود والإفادة

الحمد لله جبت كومهو نفس مقاس العربية

4 كاوتشات بـ 1700 بالتركيب والترصيص والنيتروجين من محل في المقطم.

أكيد مش هقدر احكم على الماركة دي دلوقتي بس الصراحة الكومهو بيجيب معايا سرعات اعلى من اللي كان في العربية

وده أكيد علىشان الكومهو (h) واللي كان في العربية (T)