عندى سياره سكودا درجة الحراره بتوصل ل 90 هل ده طبيعى ولا اه
عندى سياره سكودا درجة الحراره بتوصل ل 90 هل ده طبيعى ولا اه
بسم الله الرحمن الرحيم
سوف استعرض لكم اسباب السخونة وطريقة حلها ان شاء اللة
دورة التبريد وتشمل الاتى ( طلمبة المياة – الوصلات – الردياتير- المروحة- الثرموستات)
ونبتدى بالسهل
نشغل العربية وهى واقفة لمدة 10 دقائق وننظر اسفل السيارة فاذا وجدنا مياة فهذا يل عل تسريب فى الوصلات ودى اصلاحها سهل جدا
*اذا دارت المروحة بعد 10 دقائق فلا يوجد مشكلة والوقت على حسب الجو يعنى فى الشتاء ممكن تقعد ربع ساعة
*الثرموستات فانا انصح ان تغير الثرموستات الى 68/85 ودى تقريبا 15 جنية
*الردياتير يقوم بتبريد المياة من 10 الى 15 درجة فى المثالية ودى نقدر نحسبه عن طريق عداد الحرارة فمثلا لو الترموستات 68/85 فان المروحة هتبداءالعمل عند 85 درجة وتفصل عند 68 درجة
* طلمبة المياة ودى اى بتاع ردياتير يكشفلك على دى كله وينظفلك الردياتير ويسحب الهواء ب 20 جنية
............
تسريب زيت ودة يؤدى الى سخونة عالية ودة نقدر نشوفه بعد غسيل الموتور فى البنزينة نعمل مشوار حلو وبعدين نبص على الموتور هانعرف اذا كان فى تسريب هاتشوف الزيت ولو مفيش هتلاقى نظيف زى ما هو
....................*
وش السلندر لو مش مظبوط يزود الحرارة
................*
تظبيط التاكيهات ودة هايكلفك 15 جنيها واهم حاجة تتعامل مع ميكانيكى محترم
................*
الشكمان لو مسدود يزود الحرارة لانه يعتبر الجهاز التنفسى للسيارة
................
وتقريبا دى كل اسباب السخونة فى السيارة
بس تعالو نتفق ان العربية دى السخونة عيب شايع فيها لذلك ان عملت التالى
1- ركبت ترموستات منخفض 2- ركبت مروحة اضافية 6 ريشة
ونسيت الحرارة دى خالص
واى استفسار انا تحت امركم
كلام مظبوط 100%
بس خلى بالك من حاجة تانية ممكن يكون العيب فيها وهى صباع الحرارة ميكونشى مظبوط اصلا
في نقطة مهمة و هي شدة المروحة و الموضوع ده انا اكتشفته بالصدفة ممكن المروحة تكون شغالة بس الشدة بتعتها تعبانة بسب خلل فيها أو ضعف الكهرباء
السلام عليكم
نا رحت العبور بالعربية ولاحظت الاتى
الثرموستات شغل المروحة لما درجة الحرارة وصلت تقريبا 82 درجة ولكن المشكلة فى:
العربية وصلت درجة الحرارة دية بعد 10دقائق من تشغيلها
المروحة مفصلتش خالص لان الحرارة فضلت ثابتة من 82 الى 90 درجة طول الطريق
انا قلت اشوف المية الخضرا اخبارها اية لاحظت انها على max زى اخر مرة يعنى مفيش تسريب
الردياتير عندى نحاس ثلاث ماسورة والمروحة 6 ريشة
ولكنى لاحظت نقط زيت بسيطة على التاكيهات اى يوجد تسريب بسيط لزيت الموتور ولكن عند ملاحظة منسوب الزيت كان بين min - max
مش عارف يكون اية اللى عامل المشكلة دية
ممكن يكو ن العيب فى صباع الحرارة او الترموستات او السلك بتاع صباع الحرارة مقطوع من الداخل
بعد تظبيط الكهرباء وتظبيط التاكيهات
اصبحت العربية افضل
درجة حرارتها فى الجو العادى بتكون عند 74 - 80
وفى الجو الحار 85 - 90
وشكرا للاهتمام
الحمد اللة
صباع الحرارة ............... انا باعتبره اللهو الخفى او بمعنى العفريت الخفى اللى ما فيش حد بياخد باله منه مع انه غالبا بيكون اساس اللاوى كلها على فكرة الصباع الصغير دا سوااااااااااااانى على الجنبين اه والله السخونة وش سلندر مافيش فايدة غير الريداتير ما فيش فايدة غيرت ثرموستات كتيرة برضه وفى النهاية روحت لشيخ بيحضر العفريت وحضر عفريت الخواجة اسكودا وطلع لينا الصباع وقال خد قلت عيب يارجل قل متكسفش خد الصباع دا ارمية وهات واحد تانى جديد ومن يوميها الحمد الله الحمى سابت العربية ربنا يبعدها عنا كمان وكمان وعن السامعين آآآآآآآمين........